Fanau aoga filifilia E sailia ai nisi e ulufale aoga mo le militeria
Ua fa’ailoa e le faipule o Amerika Samoa i le Konekeresi, Aumua Amata le lisi o fanau a’oga ua ia mae’a sainia a latou talosaga e ulufale ai i Academies a le militeri i le tausaga a’oga fou.
O nei fanau a’oga ua mae’a fa’aulu talosaga, na ausia e i latou lea filifiliga ona ua mae’a ausia togi maualuluga i mataupu sa tauave i a’oga maualuluga. Ma ua i ai fo’i ma latou tala tusia ma tusi ua fa’amaonia mai o latou faia’oga e fa’ailoa ai o latou agavaa e ese mai foi i o latou togi ua ausia i mataupu o lo’o latou tau’avea, o a latou amio ua iloga ai lo latou naunauta’i i a’oa’oga.
Ua fa’ailoa e Aumua Amata, “I la’u filifiliga ua ou va’aia ai le tele o agava’a ua mae’a i ai i a tatou fanau sa talosaga mai, ua fa’apea foi ona iloga le maualuluga o agavaa ua mautu i le tupulaga o le lumana’i o le tatou atunuu.”
“Fa’amalo tele i le fanau ua mae’a filifilia ma e momoli atu fo’i le fa’afetai tele i aiga uma o nei fanau ona o le taumafaiga ua iloga ona fa’amanuiaina, tau ina ia manuia le taumafaiga a le fanau i le lumana’i.”
O i latou ua talsoaga mai e aofia ai:
• Dorvida Fonoifafo Gretalei Fuiava mai le Manumalo Academy USNA ma le USAFA.
• Dorvida Fonoifafo Gretalei Fuiava, Manumalo Academy –USNA, USAFA
• Daniel T McMoore, Samoana High School- USMA, USNA, USAFA, USMMA
• Itula Moke Savea, Leone High School-USMA, USNA, USAFA
• Baby-Serenalia May Iona, Leone High School-USMA, USNA, USAFA
• Phillip Liang, Manumalo Academy-USMA, USNA, USAFA
• Michelle Lo, Pacific Horizon School-USMA, USNA, USAFA
• Isaia Valentino Togia, Manumalo Academy-USMA, USNA, USAFA
• Lataimauga Desiderius Tasi, Leone High School-USMA
• Erin Jessop, Samoana High School-USAFA
• Momolila’auifoga’a Adeile Eseta Salave’a,Leone High School-USAFA
O nei a’oga eseese mo Vaega Taitasi o le Vaega Au e ao’oga ai fanau ae ua mae’a totogia o latou pili mo tausaga uma lava e pasia ai e i latou nei a’oa’oga fa’apitoa mo tomai eseese fa’amiliteri. Ua faailoa fo’i le agaga fa’afetai tele o Aumua i fanau ina ua mafai ona tula’i mai ma talosaga i nei fo’i avanoa lelei.