O E VAAI LE FOMAI

Ua o nei le toeaina o Vao ma si loomatua o Fiaaiti e vaai le la foma'i, taunuu ona faamatala uma mea ua amata ona tau misi i la mafaufau. Faamatala atu e Vao i le foma'i, ae tali le foma'i, "O mai e o, manatua lelei e oulou, e sili ai le tusi i lalo i se api e lelei lena e te lua manatua ai mea uma, aua ua lua matutu ua ova ma le ta'i 90 lua tausaga."

Ia tomumu mai lava le loomatua ma fai mai, "O a na mea o le kusi i lalo, ua muliga kamaiki e kusikusi i api aoga. Poo le a le mea ga le fai mai ai e sili oga ka koe o i le aoga."

Oo mai loa i le fale fai atu loa le toeaina i le loomatua, "Se tago a e asu mai se ka aisukulimi, tuu i ai se 'strawberry' ia manatua se kulemi e asu ai i luga."

Ia fai atu loa i ai le toeaina o Vao, "E a e le tusiina i lalo o se pepa ne'i te'i ua galo." ae fai mai le loomatua, "Faama kagaka ia o na kala faapena, aga i ai se isi kagaka ii ua leva ona ou ma…kailo ia."

Ia ua alu nei le loomatua, faalogo atu le toeaina ua pakeko solo mai ulo ma ipu i tua, lei leva a ae sau loa ma le loomatua ma fai mai, "Ia vaai la, e leai ai se ga mea ia e kau o le kusi fua i lalo, faapea lava ua galo ia ke 'au se mea e kasi…"

Ua sau ma le falai pilikaki ma fa'i mafu e lua, "Ua a la, kago lea e 'ai ou pisupo na…" "Faafekai kele lava, O LE A FOI LE MEA LEA NA FAI MAI AI ?."

'ESE'ESE O MAFAUFAUGA

Ua oo nei i le afiafi po lava ua sauni nei  le ulugalii e o e 'aai i le Hotel, e masani ona o ai pe a maua le siaki le ritaea o le toeaina. E tatala atu le faitotoa o le fale, ae 'oso mai le pusi sa ta'a i fafo ua palapala uma, a'o le taimi lena ua taunuu mai loa le 'taxi'.

Alu le toeaina i totonu o le fale e su'e mai ai loa le pusi, ae masau le loomatua i totonu o le 'taxi' ma fai loa i le avetaavale, "Oi o le la e alu atu e faamavae ma lo'u tina ona sau ai laia."

Ua toe itiiti atoa 30 minute ae sau loa, sau loa 'oso mai i totonu o le taavale, ae galo i le loomatua lana tala na fai i le avataavale, fai mai loa le ave 'taxi', "Ua a, ua moe si loomatua ?."

E tau le lologa mai la e le toeaina, fai mai loa ma le toeaina, "Sole ua ou fiu e su'e poo fea le mea na lafi ai, ana le vaai mai lava au ou tago i le pulumu, e le sau i fafo i lalo o le moega."