E te fia Poka?
MANAIA OU FOLIGA
Na alu le málaga a le ulugali'i i Amerika e tafafao i isi o le aiga o le tamaloa’ ia toe o fo'i e asiasi i aiga o le fafine, ae lavea loa le la ta'avale, e o atu i le falema’i, na'o le fafine na tau fa'aola ua pi'o uma le gutu. Ia fai le gutu ma ua lelei, ae o le pona e le maua se pa'u e fai ai lona gutu. Sa 'a'ami loa e le foma'i le tamaloa o Iosua, fai atu loa le foma'i, "Va’ai oe, e leai lava se mea o le tino o Maria e fetaui ma le pa'epa'e o ona alafau…" fai atu loa Iosua, "O le a la le mea e fai ?."
Fai atu loa le foma'i, "O tua o lou nofoi, e laitiiti lava se pa'u e sasae mai e fai ai le alafau o si ou to'alua, aua e fetaui lelei ma le lanu o ona alafau…"
Uma lê ta'otoga, ua o mai le ulugali'i i fafo, ua pei lava e leai se mea na tupu ia Maria, ua laga atu le aiga ma feiloa'i ia Maria, o le tina o le fafine o le nifo tulimanu o le tamaloa o Iosua, fai mai loa lana tala, "O le mea lava na fafau e lou to'alua o Maria, ua le tau le mea na mana'o i ai….e fa'aoso le ta'avale ae alu e tala i tua lau Inisuau, fa'apea lava si tamaloa e tau lana fuafuaga…"
Oso atu le fafine ma opo mai lana tama teine o Maria ma kisi solo i ona alafau, fai atu loa le tamaloa o Iosua i le tina o le fafine, "Manaia ia o foliga o si au tama a ea…" .(fai atu lava ma 'ata) fai mai le olomatua, "Aua ua le pa lana mailie na fafauina, fa'apea e oti Maria a ea." fai lava tala a le olomatua, ma tago atu opo mai ma kisi solo i alafua o si ana tama.
E alu lava le ta'avale ae o lae lava e taufesili si olomatua i lana tama, "O LE A EA LE MEA E 'ATA'ATA MAI AI LO'U TO'ALUA FA'AVALEVALEA A ALI'I MARIA ?…..PE SOSO EA I LE ISI TAIMI LOU TO'ALUA."
UA AMATA FO'I NEI MEA O KIRIKITI
Le isi toeaina e sau mai i le itu lea Sisifo ua matua sasao lava lana pepelo i lo latou nu'u aua e va'ai atu e to'atele lava i Tutuila, ae tau leai ni isi e o mai i Upolu ma Savai'i. Ae e ai le isi toeaina na e masani ona talatalanoa ma le toeaina e igoa ia Lui, sa o'o i le aso lena na fa'amatala mai o le ta'aloga ma le 'au a le Lupesiliva, fai mai ua o'o na toe o le masaga ae o le la e totoe 'ai e 10, ae toe o la’ua ma le faife’au o lo latou nu'u la e tata.
Fai atu loa i le faife’au, "Sauni ua ou iloa lelei lava le te'a lea o le a togi mai e le fa'ate'a, pau lava le mea o le tamo'e e tuli ai." alu atu loa le te'a na ona tau lava o le ta, alu loa ma le tuliga o 'ai ia e 10.
Alualu lava le polo i luga, ua o ane uma le ‘au talitua e fa'atali le sau o le polo, va’ai atu e sese, fiu e fa'atali atu ae o lea lava o le a maua 'ai ia e tuli, aua ua alu ifo lava le polo kirikiti tofu i lalo i le palapala, o le mea na o i le atoa le talitiua ‘aumai suo e tau eli a'e ai le polo.
E uma lê tala gugutu a le toeaina lena, ae patatu loa ma le sali o le isi toeiana lena, ua ova le pepelo fa'apea lava a ia e le'o manatua e le toeaina le tausaga lea na te'a.
E fai e sau e fa'aatoa la latou 'au e tai to'afa, ae fai e malilie o ia e gata lava i le tui-sea.