Pago Pago - AMERIKA SAMOA

I se pepa o fa’amatalaga mai le Ofisa o le Kovana, ua fa’ailoa ai e faapea o le Aso Sa, Mati 19, 2023, na faia ai se sauniga lotu a le Komisi o le Gagana Samoa i le EFKAS i Matu’u ma Faganeanea, e faamanatu ai le taualuga o galuega ma mafutaga faaleaoaoga e faamanatu ai le masina o le Gagana Samoa i lenei tausaga. 

O le toatele sa auai e aofia ai le afioga i le kovana sili Lemanu P.S. Mauga, afioga i le Lutena Kovana, Talauega E.V. Ale, sui o le fono, kapeneta, ma le komisi. Sa auai foi aulotu eseese mai le Ekalesia Katoliko Iliili, ma le Ekalesia Metotisi Susana Uesile i Tafuna.

Na faavaeina le Komisi i le Nofoaiga Lona 37 a le Fono Faitulafono ma sainia e Kovana Lemanu ia Aperila 5, 2022.

“O le autu o le sauniga lotu o lenei tausaga, ‘O lau gagana o lau meaalofa mai le Atua’,” o le saunoaga lea a le afioga Lemanu. Sa ia faaauau, “O la tatou matafaioi ma lo tatou tiute e le gata ina faasao la tatou gagana, ae ia lagolagoina foi le atinae o le faasamoa.”

“E taua tele i le tapenaina o tagata taitoatasi, aemaise o tatou tupulaga talavou, ina ia sili atu ona lelei le auai i lenei sosaiete ma le olaga faa-Samoa” o loo faaauau pea le faamamafa e Kovana Lemanu e faapea, o le Gagana Samoa o loo faalauiloa e le tulafono faaitumalo o se tasi o gagana aloaia i Amerika Samoa ma ua aloaia e tutusa lona taua ma le gagana Peretania i aoaoga, malo, tamaoaiga, ma le soifuaga lautele o tagata o Amerika Samoa.

O le Komisi o le Gagana Samoa, i lalo o le ta’ita’iga a le Fa’atonu ia Peseta Tialuga Sunia, sa fa’atautaia le tele o fa’amoemoe i le masina o Mati. E aofia ai, pese, fa'aliliuga, ma fa'asalalaugaa'oa'oga, talanoaga fa'atalanoa ma  le au popoto Samoa, faife'au, ma tupulaga talavou. 

O le a fa'atautaia e le Komisi o le Gagana Samoa Aso o Tupulaga/Youth Day i le aso 24 o Mati, 2023 i le Paka Su'igaula i Utulei mai le 8:00 i le taeao i le 3:00 i le afiafi, ma fa'ai'u ai le masina o fa'afiafiaga i se Fonotaga Samoa ma O le sa avea muamua ma Ao o le Malo o Samoa, le afioga Tui Atua Tupua Tamasese Efi o le failauga autu.

Mo nisi fa'amatalaga i le Komisi o le Gagana Samoa, fa'amolemole

fa'afeso'ota'i (684) 633 - 4121.