Ads by Google Ads by Google

'Po o Fiafiaga Hope House'


O se vaaiga i le siva na tapena i ai le Filipino Community e lolotu i le Ekalesia Katoliko mo le po fiafia o le Hope House. Lea ua va'aia le fiafia o nei talavou e sisiva i nai siva a le latou malo. [ata: Leua Aiono Frost]
The lovely National Honor students of Kanana Fou who have always donated to  Hope House throughout the years. They accepted an invitation from the Hope House Board of Directors to attend and perform during Fiafia Night, Monday, at the Fatuoaiga malae. They presented gift baskets of assorted toiletries and other necessities for the residents and caregivers of Hope House. [photo: Leua Aiono Frost]First Lady Cynthia Malala Moliga joined Sister Sheila and others during the taualuga for the Catholic Tafuna Youth performance at the Hope House Fiafia Night Fundraiser event, Monday evening, at Fatuoaiga Malae. [photo: Leua Aiono Frost]Sister Sheila, who traveled from Britain to join the rest of American Samoa to celebrate the 30th Anniversary of Hope House, got to dance on the grounds she walked and served once before, Fatuoaiga, Heart of Families. She was instrumental in the opening of Hope House in 1987.  [photo: Leua Aiono Frost]The Filipino Catholic Community performed two dance numbers during Hope House Fiafia Night, on Monday evening at Fatuoaiga Malae. Catholic communities from across the island performed during the night, raising money for the House, which is celebrating its 30th anniversary. [photo: Leua Aiono Frost]

O le po o fa'afiafiaga na fa'atulaga mo se sailiga tupe a le Hope House lea ua mae'a i le afiafi o le aso Gafua i le Malae i Fatuoaiga lava. Ma na fa'atasi atu i ai le to'atele o i latou na vala'aulia fa'apitoa e le Komiti Fa'afoe a le Hope House.

 

"O le fa'amoemoe lava i lenei Komiti ina ia mafai ona lava fo'i se fesoasoani tau le seleni e fa'atautaia ai le Hope House aua o se tautua e aoga tele i matua matutua ua tausia fa'apitoa, ma ua po'ia fo'i i gasegase tumau e ao ina mataituina le tausiga lelei i taimi uma. E le gata i lena ae o fanau ua le atoatoa le tino ma le mafaufau, ma isi ua tatau ona tausia fa'apitoa i taimi uma e i latou ua mae'a a'oa'oina fa'apitoa mo nei ituaiga o tausiga o i latou,” o se fa'amatalaga lea a se tasi o le Komiti Fa'afoe.

 

Na auai le komiti e tautuaina lea po e ala i tiute eseese e ao ina fa'atino ia mautinoa ua sao ma uli le fa'amoemoe. Na fa'atumulia uma lava fale'ie na fa'atutu mo lea afiafi a tamali'i. Na mua fo'i le sauniga sa tatalaina fa'apitoa e se tasi o Patele tofia ma i ai se avanoa na saunoa fa'apitoa ai fo'i le afioga Epikopo Peter Brown e tusa o le fa'amoemoe.

 

"O la outou talia o le vala'aulia, o le fa'ailoga lea o lo outou alolofa tula'i mo le fa'amoemoe i le po nei. Fa'afetai lagolagosua i le auaunaga, ae maise o le fa'amanatuina fo'i o nei tausaga e tele talu ona fa'aa'e lenei auaunaga aoga, ma ua iloga e mana'omia lava i totonu o le tatou atunu'u,” o sana tala lea e amata ai lana tautalaga pu'upu'u.

 

Sa ia tapa fo'i le auai mai o se tasi o Tama'ita'i Sa ua iloga lana tautua i Amerika Samoa, ua toe pa'au mai lava, ona o lea o lo'o olaola pea se fatu sa latou totoina faatasi ma le Ituaiga Sa, aua le tusiga lelei o e ua agava'a i ai le nofoaga a le Hope House i Fatuoaiga.

 

I le tulaga o fa'afiafiaga, sa ia fa'ailoa atu ai i le vasega fa'afiafia o le a fa'asolo i lea afiafi a tamali'i, "Tau ina ia siva ma le fiafia, ae ua iloa fo'i e lou tagata fa'afiafia, ua patipatia lo outou sao e i latou o lo'o tausia fa'apitoa i le Hope House po'o le A'ai o Fa'amoemoega. Fa'afetai mo lo outou alofa tula'i ma le tali vala'au ma le fa'aaloalo."

 

Na tatala fa'afiafiaga e le Autalavou mai Amanave, ma sa matagofie fo'i lo latou sao, e lua lava siva sa latou saunia e pei ona fa'atulaga ai, o le Mauluulu ma le Sasa ona saunia fo'i lea o le latou taualuga, ae sa tatala lea siva mulimuli i le $500 ina ia fesoasoani fo'i le aofia i le latou foa'i i luga o le  fola. Sa latou vala'auina le latou tama fa'aleagaga ina ia sausaunoa mo i latou fa'atasi ai ma le Faletua o le kovana sili Cynthia Moliga ma Sister Sheila.

 

O le fa'afiafiaga na  soso'o ai o le Sosaiete a Fanau A'oga e Maualuluga Togi mai le A'oga Maualuga i Kanana Fou. O lea foa'i sa latou fa'atino ai latou Ato meaalofa ua maea fa'atutumu lelei ma teuteuina i oloa eseese e fa'aaoga tele i le tausiga o gasegase i le Hope House. O meaalofa masani e latou te fa'ao'o i le Hope House i aso faailogaina e pei o le Kerisimasi ma le Tausaga Fou ae maise o Aso Fa'afetai ma Lotu a Tamaiti.

 

Na faia fo'i le sao matagofie o le Sosaiete a Tagata Filipino e tapua'i i le Ekalesia Katoliko ma sa latou foa'ia fo'i se tinoitupe ma faia a latou siva fa'a- Filipino e lua. Matagofie le latou sao, ma ua iloga ai fo'i lo latou agalelei ma le alofa tula'i.

 

O tatou uso mai Tonga o lo'o auai i le Ekalesia Katoliko, sa faia fo'i lo latou sao matagofie ma le mataina i lea po. O latou tausala e to'afitu sa filifilia lelei mo a latou siva e lua, ma sa iloga ona fiafia tagata uma e maimoaina teuga feilafi toe felanulanua'i.

 

O le tina o Seini ma lana ekalesia sa latou foa'i le $200 e tatala ai latou fa'afiafiaga, ae na iloga fo'i ona matua tufi le anoanoa'i o foa'i i luga o le fola i taimi uma a'o sausaunoa le vasega o 'tahine fo'iate'   ma ua fa'aosofia ai fo'i le agaga foa'i o nai uso mai Tonga. O le latou taualuga na matua toe sasa'a ai le fafao ma saga foa'i le mamalu na aofia i lea po.

 

O le Sosaiete a Sagata Ana, sa tula'i le latou ta'ita'i, Fr Vaiula Iulio ma fa'ao'o atu le latou meaalofa, ma faia le taualuga lea na ia vala'aulia uma ai sui mamalu o lo'o sasao i talaluma ina ia sausaunoa fa'atasi ma tina o le Sagata Ana.

 

O le sao fo'i o le Ekalesia Aso Fitu o le Toe Afio Mai i Pago Pago, sa latou usuina ai vi'iga o le Atua e lua mo le fa'apotopotoga ma le latou foa'i tupe na taua'aoina e tatala ai lo latou sao e $200. Na fa'afetaia fo'i lo latou sao matagofie i lea afiafi.

 

Ona o'o mai lea i le sao o le Autalavou a le Aiga Pa'ia i Tafuna lea sa lua i ai autalavou na fa'atulaga e le Komiti e aumaia lava i totonu o le Pulega e fa'afiafia fa'atasi ma isi sosaiete eseese i le atunu'u.

 

Ua fa'ailoa mai le fa'afetai tele a le Komiti Fa'afoe mo le mamalu lautele sa auai, ae maise o i latou na vala'aulia fa'apitoa e fa'afiafia. "Sa latou faia lava le mea sili ma foa'i ma le loto, fa'afetai lava."