Ads by Google Ads by Google

Tala I Vaifanua


Dr Randall Hollcomb — Fa’atonu o le UH Cancer Center. [ata: Leua Aiono Frost]

Le lava foma’i suesue o le Kanesa — fa’ailoa i tagata auga ua i ai lona Kanesa

 

I le folasaga sa tapena i ai le ali’i foma’i fa’apitoa mo le Kanesa, o ia o lo’o avea ma Fa’atonu o le University of Hawaii Cancer Center i Hawaii, Dr Randall Hollcombe, sa ia fa’ailoa ai ua matua tau leai ni foma’i fa’apitoa mo suesuega o le gasegase Kanesa, ma o i latou lava fo’i ia e nafa ma le fa’ailoaga atu i tagata ua gasegase Kanesa le fa’aiuga o latou suesuega, le tulaga ua i ai lona gasegase atoa ai ma togafitiga ua mafai ona faia mo i latou ina ia fa’aumiumi ai ona soifua ma lona kanesa ma maua ai taimi aoga mo mafutaga fa’aleaiga ma e pele ia i latou.

 

“Ona ua tau le toe to’atele nisi o ‘foma’i fa’apitoa’ mo suesuga o le Gasegase Kanesa, ua faigata atili ai ona maua nisi avanoa e faatula’ia ai ni nofoaga mo suesuga fa’apitoa o le Kanesa i tatou teritori nei, ae ua matauina lava le fa’ateleina o le aofai o tagata Samoa ua a’afia i le Kanesa, taumafai e gasolo atu mo talavai ina ia tau togafitia ai latou Kanesa i Hawaii, isi setete o le Malo tele, ae maise fo’i o Niu SIla e pei ona matauina nei.” O se vaega lea o le folasaga a le ali’i foma’i Dr Randall Hollcombe mai Hawaii.

 

Sa ia fa’alautele atili lona manatu ma ia fa’ailoa ai, “O lo ua mae’a fa’atula’ia le nofoaga mo suesuega fa’apea i Guam, peita’i o lo’o ua aofia lava i le Laisene o le Nofoaga o Suesuega a Iunivesite o Hawaii e pei ona i ai nei. Afai e pasia le nofoaga mo suesuega i UH Hawaii e fa’apea fo’i ona sailiilia fa’aletausaga le nofoaga lea i Guam ma pasia fa’atasi ai lava.”

 

Ina ua fesiligia e le sui o le tatou Nusipepa sa auai, pe aisea la ua le fa’atula’ia ai se nofoaga fa’apea i Amerika Samoa ae laisene fa’atasi ma le UH Cancer Center i tausaga ta’itasi, ae fa’ailoa mai aiaiaga e fa’ato’a mafai ai ona faia lea tulaga e fa’apea, “E tatau ona mae’a fa’atulaga se vaega tupe e silia ma le $250,000. mo le fa’atupega o lea nofoaga fa’apitoa. E tatau ona i ai se foma’i fa’apitoa mo suesuega o so’o se ituaiga o Kanesa “Oncologist” ma e tatau fo’i na i ai ma ni ali’i fa’apito augafa o latou tomai i le fa’atautaiga o suesuega, e fa’aaogaina ai tekonolosi fa’apitoa mo potu suesue, ma va’aia fo’i le tulaga lelei a’ia’i o nei masini fa’a-tekonolosi. O mea nei e toli e ao ina mua’i tapena i ai so’o se teritori pe afai ua loto ina ia fa’atuina se nofoaga fa’apenei i le tatou nei teritori e pei ona mae’a faia i Guam.”

 

Ona o le ulua’i fonotaga lea na tauaofia mai i Amerika Samoa a le INSPIRE, o le agaga tonu lea ina ia fa’aosofia lagona ma tagata e amata aiaia se nofoaga fa’apea mo suesuega ma sailiga fa’apitoa mo so’o se ituaiga o Kanesa, aua ua fa’amauina pea le to’atele na’ua o tagata Samoa mai Amerika Samoa ma Samao Tuto’atasi, ua a’afia i le Kanesa o so’o se ituaiga, ma ua i’u lava ina amia ai le soifua ona o latou Kanesa.

 

I le Iunaite Setete atoa lava, e 71Nofoaga fa’apitoa mo suesuega o Gasegase Kanesa o so’o se ituaiga, ma o le nofoaga lea i le UH Cancer Center ma lona lala i Guam, lea ua atoa i ai le 71 o nei nofoaga suesue.

 

“Afai ae maua loa se foma’i o suesuega fa’apitoa mo le Kanesa o so’o se ituaiga e fia nofo ma faigaluega tumau i Amerika Samoa, o le taimi lava lea e talosaga solo ai loa se fa’atupega ma sailia mai nisi o alo ma fanau a Samoa na lua e fia galue e avea ma ali’i suesue e fa’aaoga ai fa’atekonolosi fou mo suesuega fa’apitoa, ona mae’a loa lea o aiaiga o le nofoaga, ae fa’atula’ia loa e fa’apasia fa’atasi ma le Nofoaga a le UH Center.”