Sui tauva agavaa mo le Paloga o lenei tausaga ia Novema
Ua faalauiloa aloaia mai nei e le Ofisa o Palota a le malo suafa o sui tauva ua mae’a ona fa’amaonia e agava’a mo le faiga palota a le atunu’u i le masina o Novema o le tausaga nei, lea e sailia ai ni isi e nofoia nofoa o le maota o sui i le Fono Faitulafono, atoa ai ma le nofoa o le atunu’u i le Konekeresi.
E to’atolu suafa o i latou ua fa’amaonia e tausinio mo le nofoa o le atunu’u i le Konekeresi, lea o loo nofoia e le tofa Aumua Amata, ma le to’a 55 e tausinio mo nofoa o itumalo taitasi i le maota o sui.
I se tusi mai le Komesina o Palota, Dr. Lealofi Uiagalelei i le vaiaso nei, na fa’amaonia mai ai suafa o i latou mo le palota mo le aso 6 Novema, 2018.
Ina ia tusa ai ma tulafono o faiga palota a Amerika Samoa, o le aso 7 o Setema, 2018 i le itula e 4:30 i le afiafi, o le taimi lea e tapunia ai le tuuina atu o se fa’alavelave mo se suafa ua faailoa aloaia mai e le agava’a e avea ma se sui tauva mo le palota.
Mo le nofoa i le Konekeresi, o lea ua aga’i atu le tofa Aumua mo le sailia o sona avanoa e tautua ai i le nofoa o le atunu’u mo lana nofoaiga lona 3.
Ae mo le maota o sui i le Fono Faitulafono, e to’alua sui faipule e leai nisi sui tauva. O i laua ia e aofia ai Vailoata E. Amituana’i mai le itumalo #7 o le Maoputai #1, lea e aofia ai Fatumafuti, Fagaalu ma Utulei, ma le Titiali’i Kitara Vaiau mai le itumalo #4 o Saole e aofia ai Aunu’u, Amouli, Utumea ma Alofau.
Ua faamaonia mai fo’i i le lisi ua tuuina mai e le Ofisa o Palota, o le a le toe tauva le afioga i le ali’i faipule ia Toeaina Faufano Autele mo le nofoa o lona itumalo o Manu’a #2, lea e aofia ai Ofu, Olosega/Sili.
O le lisi la lenei o suafa o sui tauva mo le palota a le atunu’u i le masina o Novema o le tausaga nei.
A. SUI TAUVA MO LE NOFOA O LE KONEKERESI
Aumua Amata (l)
Meleagi Suitonu-Chapman
Tuika Tuika
A. SUI TAUVA MO LE MAOTA O SUI
Itumalo #1 – Manu’a
Alumamalu Ale Filoialii
Fetu Fetui Jr. (I)
Mapu Saei Jamias
Vesi Talalelei Fautanu Jr. (I)
Itumalo #2 – Manu’a
Fau T. Sai
Leautu Segila Vaeao
Moegu Calvin Tagaloa
Sualevai Nofoaiga Sualevai
Itumalo #3 – Vaifanua
Lavea Fatulegae’e Palepoi Mauga (I)
Tupua Shawn Vaa
Itumalo #4 – Saole
Titiali’i Kitara Vaiau (I)
Itumalo #5 – Sua #1
Gene Luaitaua Pan
Fa’alae Lauatuaa Koneseti Tunupopo
Fialupe Felila Fiaui Lutu (I)
Mataava Snow-Aga
Setu F. Malepeai Jr.
Itumalo #6 – Sua #2
Limutau Fauvasa Limutau
Loia Gutu
Matagi Malotumau D. Sialega Mauga (I)
Itumalo #7 – Maoputasi #1
Vailoata Eteuati Amituanai (I)
Itumalo #8 – Maoputasi #2
Agalelei Latu Fatuesi
Maugaoali’I Le’apai Sipa Anoa’i
Siaosi Asalele
Vailiuama Steve Leasiolagi (I)
Itumalo #9 – Maoputasi #3
Paepaetele Taulua Fruean Suisala Jr.
Ve’evalu Meauta Lauoi Mageo (I)
Vesiai Poyer Samuelu
Itumalo #10 – Maoputasi #4
Tapai Alailepule Ben Vaivao
Tina Faisiotamo’ i Vivao Ioane
Vaetasi Tu’umolimoli S. Moliga (I)
Itumalo #11 – Maoputasi #5
Faimealelei Anthony Fu’e Allen (I)
Muaiavaona Fofoga Pila
Itumalo #12 – Ituau
Logoituau Mark T. Atafua
Manumaua Wayne Wilson (I)
Sala Sataua Dr. Mataese Samuelu (I)
Willie Mauga Togafau
Itumalo #13 – Fofo
Andra Samoa
Fagaoatua Dorian T. Salave’a (I)
Itumalo # 14 – Alataua
Fatumalala L. Al-Shehri
Mona Uli
Savali Talavou Ale (I)
Itumalo #15 – Tualauta
Bartley Papali’i Su’a Lucia
Foma’i Paepule Logoai
Larry S. Sanitoa
Malumalo Nikolao Toa Mageo
Samuel Ioka Ale Meleisea (I)
Talataina Valusia Talataina
Tapumanaia Galu Satele Jr.
Vui Florence Tuaumu Saulo (I)
Itumalo #16 – Tualatai
Manavaalofa Tutuila Manase
Manu Talamoa
Peni (Ben) Te’o
Timusa Tini C. Lam Yuen (I)
Itumalo #17 – Leasina
Afalava Gafatasi (I)
Ulua’iaso Falana’i Tuilefano Alofa Tuaumu