m>>>
TO RETURN
TO A DIRECTORY, CLICK ONE OF THE CATEGORIES AT LEFT <<<
>>> IF THERE IS A PHOTO,
CLICK IT FOR A BIGGER VERSION <<<
faaliliu; J. Teugata
Ua faalauiloa mai e le ofisa vaalele a le Hawaiian Air, le le faataunuuina o le latou faigamalaga na fuafua mo le aso 22 o le masina nei, ae e le o manino mai i le taimi nei le mafuaaga o lenei suiga.
O lenei malaga, o se tasi o malaga e fa na toe faaopoopoina e le Hawaiian Air, ona o lenei vaitaimi pisi i le Kerisimasi ma le Tausaga Fou.
Ua fa'alauiloa mai e le ofisa vaalele e faapea, o pasese uma na faatulagaina mo le faigamalaga i le aso 22, ua tu'uina iai le faitalia pe tu'u mai i luma a latou faigamalaga i le aso 21 o Tesema ia po o le tu'u atu i tua, i le aso 24.
Ua le mafai ona maua mai se fa'aaliga mai i le Hawaiian Air i le mafuaaga o lenei suiga, ona e faatoa toe fo'i mai le latou sooupu, o Keoni Wagner, i lana galuega i le aso 27 o le masina nei.
E ui lava i lenei suiga fou, ae o lo'o tumau pea le faigamalaga faaopoopo mo Ianuari 2, ae o le malaga faaopoopo na fuafua mo Ianuari 1, ua toe tu'u atu i tua i le aso 10.
O le vaiaso ua mavae na faatoa logoina mai ai e Wagner ia le afioga Togiola Tulafono, e tusa ai ma faigamalaga faaopoopo ua faatulagaina e lo latou ofisa, mo le teritori aua vaitaimi pisi o le Kerisimasi ma le Tausaga Fou.
Osini Faleatasi, Inc.
dba Samoa News reserves all rights.
>>> TO RETURN TO A DIRECTORY, CLICK ONE OF THE CATEGORIES AT LEFT <<<