Vevesi Kirikiti
FA’ATOFA LE MEA’ESE MA LE LIKI - ATOA LE 3 O FAIAINA
I se ta'aloga faigata tele i le va o le Mea'ese mai Alofau ma le Manu'ula mai i Vatia, i le Aso Tofi, na vaaia ai foi le Peresetene o le Maota Maualuga, Sen. Gaoteote Palaie, i tua o 'olo i le mea sa masani ai, o le mulumu.
Na ta ta muamua le 'au a le Manu'ula ma na taumafai le Mea'ese e malo ai i lea ta'aloga, aua ua tolu a latou faiaina.
O le ta'aloga lena na vaaia ai le lelei o le Manu'ula i le fa'asoasoaina mai o fa'ate'a, ia ma le mulumu a le ali’i peresetene, lea na maua ai isi pe a le Mea'ese.
O le ta'aloga a Sinapati mai le afioaga o Tafuna ma le Lupelele, lea e ta'itasi o laua faiaina i le taimi nei.
Fa’ato’a vaaia lea o se ta'aloga, na fiu fa'ate'a a o 'au e lua, i faiga o ta a tama ta'a’alo.
E fai o le taumafai atu o fa'ate'a e su'e mai se pe, ae o le faiga fo’i o tama ta, ua le taitai lava tu'uina se avanoa e sao mai le fa'ate'a i le lelei o ta.
MANU'ULA (3-1) vs MEA'ESE (1-4)
O le toe ta'aloga lea a le Mea'ese ona fa’amavae ai lea i le ta'amilosaga o le 2012 se'i aulia lea tausaga, leaga ua tolu a latou faiaina.
Sa le’i tu'u fa'atamala le Manu'ula i so'o ta'aloga e ui ina laiti 'ai, o le vaai a tagata ua faiaina i le laiti o 'ai, ae le iloa, e tutusa lava le 10 ma le 100 o 'ai i lea 'au.
Manaia le fa'ato'ato'a mai o le latou mulumu, i le fautua i taimi uma lava e tau vaaia ai le pa’u o loto o tama ta'aalo pe a i ai se mea sese.
E mania tele le 'au, ae i ai se tama matua e fa'ato'ato'aina mai, tusa pe toe afa 'ai, pe 2 'ai ae le'i tai tai le 'au ta ta, e leai lava se popole e tasi lava o i ai.
Ma le 76 'ai na ta e le Manu'ula, e 19 pe, e to'atele fo'i fuamoa i le 'au ta a isi tama ta.
O le Mea'ese ua fai lava ma mea e talanoa ai le Komit ma le toatele o tagata e fiafia i le kirikiti, e le iloa po'o le a mea le mea ua fa'apea ai lea 'au.
I le tele o ta'aloga a le Mea'ese, e malo lava i le tele o isi ta'aloga, ae te'i lava i le toe faiaina. O le nei 'au e le se 'au fou i le fa'agatama lenei, toe saili po'o le mea ua fa'apea ai le tou 'au.
O tama o le Manu'ula na 'ai silia, o Isaako 15, Vaifale 15, Miki 6, Manufili 6 ma Mauga 5 'ai.
Tama o le Mea'ese na 'ai silia, Faleatua 6, Sam 6, Loma 11 ma Nu'ulele e 8 'ai.
Ua malolo nei le Mea'ese, ma o se 'au e le'i fuafauina i le taimi nei e vave ona fa'amavae.
SINAPATI (2-1) 120 'ai, 19 pe. vs LUPELELE (3-1) 92 'ai, 12 pe.
O se ta'aloga na iloa e fa'ate'a le mea e fai, lelei tele ta a le 'au a Sinapati i le va lea o fa'ate'a ma tama ta.
Ana maua uma polo sapo, semanu e le o'o i le 120 'ai, tele o polo sapo e mautinoa e maua, ae o le fa'atamala lava na alai ona ma'imau.
Ia fa'apena le taimi lea na tuli ai e le Lupelele 'ai a Sinapati, tele fo'i o mea sese a Sinapati latou ia, fai o le tele o polo sapo na pauu ma se'e i tua ae le maua mai.
Pau lea o se ta'aloga na taofi ina ua po le aso, o la e fai, e le iloa pe a fai ina o le su'e se 'au o nei 'au e alu i le fa maualuluga,
O le 'au a Sinapati o le 'au vaega ia na tele a latou 'ai, Tamali'i 24, Tofiga 12, Tana 9 ma le tama o Filipo na maua ana 'ai e 9.
O le Lupelele o, le tama o Misi 14 ma le tama o Fou na maua 'ai e 12.
Na 'iu le ta'aloga lena o le Aso Lulu ina ua po le aso, ae le'i maua lava se iuga, e loma se aso e fa'auma ai le ta'aloga, i le 120 'ai 19 pe a le Sinapati, ae tuli e le Lupelele, na maua 'ai 92, ae fa'atoa 12 pe.
E momoli atu le fa'amalo i le GHC Reid ma le latou sapasapaia o le ta'amilosaga o le Liki Kirikiti o le Sisiga Fu’a 2012, ina se Vailima i le fa'a'iuga o le vaiaso.