Ua fa’ailoa mai ua toe lua lava aso o totoe mo le fanau a’oga e amata mai tausaga i le 14 se’ia o’o i le 21, e fa’atumu ai latou talosaga mo ni avanoa faigaluega i Ofisa eseese o le Malo fa’apea ma Kamupani i totonu o le atunu’u, pe a o’o i le vaitau’uaga o le taumafanafana po’o le tu’uaga uma o le tausaga 2014.

O le lua aso ia, o le aso Gafua ma le as Lua o le vaiaso a sau. Ia e o’o ane ma lou pepa fanau, ulu siaki a lou aiga, ma le numera saogalemu e fa’atumu ai au pepa i le Ofisa o Tagata Faigaluega a le malo i Utulei, ina ia fa’atumu ai lau talosaga.

O isi mea uma o le fa’apupula atili atu i le fanau, pe afai fo’i e o’o ane lou matua, e le mafai lava ona mautinoa ai sou avanoa i le taimi nei. Ua na’o le tamaititi lava o lo’o fa’ataga ona ia fa’atumuina lana talosaga, ma toe sainia fo’i, e fa’aulu ai.

Ua ese teisi lava le fa’atautaiga o le polokalama i lenei tausaga, ma ua amatalia i le itula e 2:00 se’ia o’o i le 4:00 o aso a’oga, e fa’atumu ai nei pepa mo le fanau a’oga, e tusa fo’i pe te le o toe a’iga, ae ua amatalia le aiga, ae o lo’o i ai ou tausaga i le va fa’atulaga ua fa’ailoa, e tatau ona e o’o mai e fa’atumu lau talosaga.

Afai ua e matua atu nai lo tausaga fa’atulaga, ua tatau ona e o’o i le Ofisa o Tagata Faigaluega masani, ma fa’atumu ai sau talosaga, ma milo ai i totonu o le sailiga o galuega faigaluega a le malo e pei ona sau a’i.

Ina ua fesiligia le tama’ita’i o Michelle Peko e tusa o le aofai o le fanau ua mae’a fa’aulu talosaga e fia faigaluega i lea polokalama, ae fa’ailoa mai, “Ua silia ma le 200 ua latalata nei i le 300 le fanau ua talosaga mai, ae toe lua aso nei e totoe, masalo e silia ma le 300 ni si o le a talosaga mai!”

Ina ia mautinoa ua fesoasoani atu lenei polokalama i le tupe maua a lou aiga, fa’atumu sau pepa ma sauni e toe o’o mai ia Iuni 23, 2014 mo le fa’atasiga e fa’ailoa atu ai le Ofisa e te pa’au i ai e te faigaluega mai ai. O le a amatalia itula faigaluega mai ia Iuni 23 se’ia o’o ia Aokuso 15, 2014.

Ua fa’ailoa mai fo’i e muamua lava ona tu’u avanoa i le fanau e vaivai le tupe maua a latou aiga, ina ia fesoasoani lea polokalama e tapena ai le toe a’e o a’oga a le fanau.

E i ai a’oa’oga fa’apitoa ua mae’a fa’atulagaina e fa’amaimoa ai le fanau pe a o atu e fa’atumu a latou pepa, ua i ai fo’i masini komipiuta e fa’atumu ai e le fanau latou talosaga, ua mae’a fa’atutuina i totonu o le Ofisa o tagata faigaluega a le Malo, ia le toe mo’omia ai e le fanau se fesoasoani a lona matua pe o’o atu i lea ofisa.

O se una’iga fa’afautuaga ua fa’ao’o mai mo le fanau, “O le taimi nei, ia e fa’ailoa atu i lou matua, e ta gafatia ona e tapena mo lou lumana’i, ma e tausia fo’i i la’ua, ae sili atu, ona e gafatia fa’ataunu’u se fesoasoani tau tupe mo lou aiga, a’o e a’oga pea!” O se tala lea a le tama’ita’i o Michelle Peko.