Ads by Google Ads by Google

Umukuka Fa’apitoa mo Pisinisi Gaosi Oloa & Faifa’atoagal

Ua maea fa’aalia e le tamaitai o MaryLou Surgi mai Ashville, North Carolina fa’atasi ai ma Smithson Mills le peresetene Umukuka fa’apitoa mo Pisinisi laiti Gaosi Oloa i lea a’ai le aoga tele o le latou Umukuka faitele lea, i le Aufaipisinisi Laiti ma le Au Faifa’ato’aga i le latou fo’i setete.

 

“O lenei Umukuka sa mua’i mafaufauina, ina ua matua pa’u maulalo le tamaoaiga o le a’ai, ina ia tapunia le tele o fale Gaosi Oloa sa avea ma poutu o le tamaoaiga tausi o aiga i le matou a’ai. Ua fememea’i fo’i aiga, ma ua le mautinoa lelei ni ituaiga o pisinisi e mafai ona tausia ai aiga uma o e nonofo mau i le latou a’ai,” o le tala lea a  Surgi i le amataga o lana folasaga.

 

O le faliu lea na tapena e le setete, ma o nisi o tama’ita’i sa matua mafaufauina loloto lea taumafaiga, lea ua o mai e fa’asoa mai le latou poloketi ua sili ona aoga i le tamaoaiga tausi o le latou a’ai, ina ia fa’ata’ita’ia fo’i e i tatou, pe afai e gafatia ona tatou tu’ufa’atasia.

 

Fai mai a ia, “E umi le taimi e foufou ai, ma toe fa’atula’ia lea fa’amoemoe pe afai e auga i ai se finagalo o le malo ma ona tagata faipisinisi laiti. E tolu tausaga o afuafua ma tu’ufa’atasia vaega uma e tatau ai ona malilie nisi e fa’atupe ma fausia loa fa’apitoa se fale tele mo le Umukuka fa’apitoa mo oloa gaosi a pisinisi laiti i Ashville, manatu e mafai ona vave outou, pe afai o le a loto fa’atasi i ai le malo, ma tagata faipisinisi.”

 

O le Umukuka lenei e totogi lou fa’aaogaina, ae o mea uma ua fa’aaupegaina ai mo le gaosiga o au oloa, ua mae’a fa’atutuina ai, ma ua matua fa’amuamua, le tulaga o le saogalemu o le gaosiga o mea’ai e fa’atau atu fa’atasi mai ma le tulaga mama o mea uma e gaosia ai mea’ai, o se mea e tausia a’ia’i i lea fo’i nofoaga, ina ia pasia oloa uma ua gaosia ai e le Public Health, mo le soifua maloloina lelei o tagata e fa’atauina ma fa’aaoga.

 

Lea ua gafatia nei ona pasia so’o se ituaiga o aiaiga fa’alotoifale pe mai fo’i le malo tele, ma ua pasia ai e mafai ona fa’atauina atu i fafo au iloa, fa’atasi ai ma le fa’ateleina o au oloa gaosi mo fefa’ataua’iga a lau kamupani laititi.

 

Mai le vaega o faifa’ato’aga, o le a mafai ona avatu fua o au fa’aeleeleaga, e fufulu fa’amama lelei ai, ma toe fa’apaketi mai ai mo le auina atu i faleoloa ma maketi eseese e fa’atau atu ai. O nisi o fua o la’au aina e mafai ona fa’aaoga e gaosia mai ai vai suamalie pe a o’o i taimi o fuata ua tele na’ua ai, e mana’omia ona fa’aaoga uma!

 

O le taumafaiga e lua ona vaega, ma sa fa’apea fo’i ona talanoa fa’apitoa nei sui e to’alua i le vasega o faipisinisi tetele ma sui o le malo e mafai ona so’ofa’atasi o latou loto ma fa’atupe le fa’atuina o se Umukuka mo Oloa e Maketi i totonu o le tatou lava atunu’u. O i latou nei e latou te fa’atupea lea umukuka, ae fa’atautaia o se mea e o atu uma i ai faipisinisi laiti, ua gafatia ona totogia le pili e gaosia mai ai latou oloa. Lona lua, e mafai fo’i ona gaosia mai ai kuka ma ‘aiga eseese mo fa’alavelave tetele o aiga i totonu o le atunu’u. E mae’a lava ma fa’aipu mai ai ‘aiga mo nei fa’alavelave.

 

  \\