m>>>
TO RETURN
TO A DIRECTORY, CLICK ONE OF THE CATEGORIES AT LEFT <<<
>>> IF THERE IS A PHOTO,
CLICK IT FOR A BIGGER VERSION <<<
Tusia: Fili Sagapolutele
Ua fa'alauiloa mai e le tofa Lolo M. Moliga, le peresetene o le Senate, e faapea, e le tatau i le Maota Maualuga ona tauaofia i le aso 3 o Ianuari seia vagana ai le faatautoina o Faipule o le Maota o Sui, aua le amatalia o la latou nofoaiga fou. O lea tulaga o lo'o faamalosia mai i tulafono a le Malo o Amerika Samoa.
Ua toatele nisi o lo'o taumate i le tauaofia o le Senate ia Ianuari 3, aua le sailiga o ni o latou taitai fou, aua le tatalaina o tauaofiaga loan 30 a le Fono Faitulafono, ia Ianuari 8, 2007.
Ua faamalamalama mai e Lolo e faapea, "E le tauaofia le Senate ia Ianuari 3. O le aso lea e na o le Maota o Sui e tauaofia mo le fa'atautoina o faipule mo le isi lua tausaga o la latou nofoaiga. O le nofoaiga a le Senate o lo'o fa'aauau pea mo le 4 tausaga talu mai ona nofoia ia Ianuari 3, 2005. E le'i maea la le nofoaiga a le Senate o lo'o i ai nei."
E le gata i lea, ae na saunoa foi le tofa ia Lolo e fa'apea o tulafono a le Maota Maualuga o lo'o i iai nei o tofi palotaina - le Peresitene o le Senate, Failautusi ma le Satini, e ta'i fa tausaga.
Afai ae talosaga nisi o Senetoa e tauaofia le Maota Maualuga ia Ianuari 3 e saili ni taitai fou, e le mafai ona fa'afoeina ni mataupu ona e le talafeagai ma tulafono, o se fa'amatalaga lea a Lolo.
"Ae afai e faia se talosaga ina ia suia le taitai o le Senate, o lona uiga e tatau ona sui tulafono o le Maota Maualuga. O nei suiga e ala mai lea i se iugafono, ae le mafai ona faia ni galuega a le Senate vagana ai ua tauaofia aloaia le nofoaiga 30 a le Fono," o se fa'amatalaga lea a Lolo.
"O lona uiga o a lava suiga i le tulafono a le Maota e le mafai ona fa'ataunu'uina i se taimi vave, se'iloga lava ua tauaofia le Fono ma tuuina atu lenei mataupu i se komiti latou te iloiloina.
Osini Faleatasi, Inc.
dba Samoa News reserves all rights.
>>> TO RETURN TO A DIRECTORY, CLICK ONE OF THE CATEGORIES AT LEFT <<<