Ads by Google Ads by Google

TUAOLO: E MANUIA GALUEGA PE A MULIMULI I LE TULAFONO

E leai se isi auala e mafua ai ona faamanuiaina galuega faatino a soo se matagaluega ma ofisa o le malo, nai lo le mulimuli i tulafono ma usita’i i ai, e pei ona faamanino e le Komesina o Leoleo i lana saunoaga i le faapaiaina o le vaa fou a le matagaluega, i le vaiaso nei.

O lenei vaa fou ua tuuina atu i le vaavaaiga a le Patrol Division, na faatupe mai e le feterale i se tau e lata i le $400,000. O le 2009 na amata ai feutanaiga a le Matagaluega o Leoleo ma le feterale mo le faatauina o lenei vaa.

O se sauniga puupuu na faia i le Malaeoletalu i le Aso Lulu na te’a nei na faapaiaina ai le vaa fou, lea na molimauina e  kovana Togiola Tulafono, o sui o le Fono Faitulafono, faapea ai sui o le U.S Coast Guard.

Na faafetaia e Togiola le tofa Tuaolo e tusa ai o galuea fita sa gafa ma lona Ofisa, i le taumafai mai o se vaa, e fesoasoani i le tautua a le Matagaluega mo le atunuu.

Na fa’afetaia foi e Togiola ia Tuaolo, e tusa ai o lona taitaiga o le Matagaluega o Leoleo mo lenei fa tausaga.  Na faapitoa le saunoaga a Togiola i le vaega a le Marine Patrol lea o le a faaaogaina le vaa, ina ia tausi lelei le vaa ma faaaoga tatau mo le faasaoina ma le puipuia o soifua o le atunuu.

I le saunoaga a le alii komesina o leoleo, na momoli faapitoa ai lana faafetai i le malo feterale, i le tupe na tuuina mai ua mafai ai ona faatau le vaa mo le matagaluega.

Fai mai Tuaolo, i le fa tausaga na avea ai o ia ma komesina o leoleo, o lana tala tumau lava i lana matagaluega, afai e usitai i tulafono o lo o faafoe ai le faaaogaina o tupe feterale, ma faamaoni i le tuuina atu o ripoti i le vaega na aumai ai tupe mo le faaaogaina o tupe, e fiafia foi le feterale e faamatuu mai tupe mo Amerika Samoa.

“A malie le grantor i ripoti nei e avatu, ona matala mai lea o tupe, e leai se tupe e saisaitia, o la’u tautoga lena ina ua ou ulufale mai i le matagaluega lenei, ou te iloa o le finagalo foi lena o le alii kovana ina ua ia tofiaina a’u, ia mulimuli i le tulafono,” o le saunoaga lea a Tuaolo.

O le pine faamau o le saunoaga a Tuaolo i le usitaia lea e lana matagaluega o le tulafono, ma tuuina atu ripoti i le feterale mo le faaaogaina o tupe, ua tele taavale fou ua maua mai e le matagaluega mai le feterale, e fesoasoani ai i le faatinoina o le latou tautua mo le atunuu.

Na taua e le taitai o le Marine Patrol Division ia Cpt. Tulele Laolagi e faapea, o le tulaga lelei o le vaa fou lea ua maua mai a le matagaluega, e mafai ona oo i Manu’a ma isi vaega mamao o ogasami o loo i lalo o le vaavaaiga a le teritori.

“O se fiafiaga ia te au ua mafai ona faaopoopo mai le vaa lea e fesoasoani ai i le faaleleia o le tautua a le matou vaega, e le gata o le puipuia o le saogalemu o le atunuu, ae o le a mafai ai foi ona oo la matou tautua i Manu’a e siaki va’a atoa ai ma isi vaega mamao o le sami, faapea ai ma le ofoina atu o le fesoasoani i se tasi e malemo