Ads by Google Ads by Google

Tu’ua’ia Matua le Ofisa o Pisikoa

Ua fa’ailoa mai le tama’ita’i Pisikoa mai Atlanta, Amerika o Kate Puzey, 24 ona tausaga ua ia fa’ailoa mai ua taumafai le Ofisa Autu o Pisikoa e seti le fasiotiga o ia mai le latou fa’ailoa atu o le mea o faigaluega ao i ia ma lona fa’ate’aga o se tagata faigaluega, ona ua ia matauina o lo’o fa’amalosia e ia le fanau talavou ma fa’asaua i fanau a’oga i le a’oga i Aferika i le nu’u o Benin.

Na maua atu lenei tama’ita’i pisikoa ua lavea mai lona fa’a’i ina ua mae’a mautinoa e le ali’i o Constant Bio, o se sitiseni o Benin, o le a fa’ate’a o ia mai lana galuega o lo o fa’akonekarate ai, ona ua mae’a vala’au mai  i ai le Ofisa o Pisikoa ma fesiligia lana mea o fai, o le a fa’ate’a ai o ia e le tama’ita’i Pisikoa.

Ua fa’ailoa mai se manatu fa’aalia o le tuagane o lea tama’ita’i pisikoa, “O lo o taumafai Kate e fa’asaogalemu mai le ola o nei teineiti mai mea leaga o lo o faia ia i latou e lenei ali’i, ae ese le mea lea e faia ele Ofisa o Pisikoa, e seki e i latou pisikoa ina ia fasiotia.”

O le taimi nei, o lo’o ua nofo va’ava’aia nei le ali’i o Bio i le taimi nei e afua mai ia Mati 2009 ae se’i fa’atautaia le sailiga a leoleo i Benin. Peita’i, ua iloga mai e i ai se mea o lo’o mamafa i le mafaufau o le ali’i lea, ina ua ia tusia sana tusi ma fa’ailo ai, “O lo’o ua tausaili mai pea Amerika ia te ia!

I le lipoti a le 20/20 i le po o le vaiaso nei, ua fa’ailoa ai i le mamalu lautele o lea nu’u o Benin e matua o lenei tama’ita’i agalelei, Kate Puzey, “Ua taumafai atili le Ofisa o Pisikoa ina ia punitia i le latou va’ai a latou mea sese, ma ia latou le iloa le mea moni lava na tupu. O se mea lea ua matua tiga ai i matou, matua ma tuagane o Katie.

E tou te le va’aia i matou i le taimi nei, pe ana fai e latou tele fai mea fa’alilolilo ia te’i matou. Na lipotia mai e Kate le tulaga o tupu i nai teineiti laiti ma lea ali’i o fa’afaigaluega e le latou Ofisa, ma ua afaina ai le lagona o le ali’i leaga lea o Bio, ona ua ia iloa mai le Ofisa autu o Pisikoa i Benin, o Kate lea na te lipotia mai o ia i le tausaga e 2007.

Na avea Kate ma faia’oga ma amata ai loa ona vavalalata i latou ma le fanau a’oga, ma ia maua ane ai, e toeititi lava o teineiti uma o lana vasega, ua mae’a ona faia’iga ma lea ali’i. Ua ia malamalama fo’i i lea atunu’u, e faigata tele lou olaga pe afai o oe o se tama’ita’i, e pule ‘esea mai lou olaga, e le pei o le sa’olotoga o lo’o ola ma soifua ai tama.

Ina ua vavalalata o ia ma teineiti nei, sa amata loa ona faailoa ane e i latou mea o lo’o tiga ai i latou ma ua avea ma mea e le sa’oloto ai o latou olaga talavou, e ola fefefe i latou, ma mamasagia fo’i o latou lagona. O le vasega a Kate o le vasega 7 lea. E maofa ai fo’i ou lagona i lea lava tulaga.

E le’i leva ona iloa e Kate nei uiga e faia e le ali’i o Bio Jacobs, ae amata loa ona taumafai o ia e fa’ao’o se lipoti i le Ofisa autu o Pisikoa i Benin lava, ae peita’i o lo’o faigaluega ai le uso o Bio i le latou Ofisa lena. Sa fa’ailoa e Kate e ala i lana imeli i le Ofisa autu o Pisikoa, e le mana’o o ia e iloa mai e Bio Jacobs o ia lea e lipotia atu lea mea e na te faia i teineiti  e lei uma ai le pule a matua.

Na amata mai ona faia lana lipoti, o lo’o fa’amalosia e ia teineiti o lana vasega, ma momoe ma nei teineiti laiti, ae uma ane ua ia fa’ailoa patino atu i le Ofisa, o lo’o fa’amalosia e ia teineiti pe afai ae le manana’o ai i latou e faia mea o manatu i ai lenei ali’i matua ma le mafaufau.

Ina ua mautinoa e le uso o Bio o Kate lea e faia atu nei lipoti e fa’atatau i lona uso, sa vili ane o ia i lona uso ma fesiligia o ia i lana mea o fai, ma ua liki atu ai ma le tala, o Kate le faia’oga lea e lipotia atu lea mea e tupu ia te ia ma teineiti laiti e le tatau ma le tulafono ona ia faia.

O i’ina loa le mafuaga o le fa’alavelave, ua fa’ao’o ai e Jacobs le oti ia Kate, ona sa fa’ailoa atu e Kate i le  Ofisa o Pisikoa, e ao ina fa’ate’a ia Bio Jacobs mai le galuega. Ona o lenei mea ua alia’i mai, ua matua le malu puipuia lava lenei tama’ita’i agava’a ma le fa’amaoni i lo latou Ofisa Autu o Pisikoa i Benin, ma ua maumau nei lona ola i luga o le galuega.

Ona o lea ua fa’asaga nei le tagi a matua o Kate i le Ofisa Pisikoa ma le ali’i ua saisaitia nei e lona malo o Benin, ma o le a matagofie se aluga o lea fa’amasinoga, aua e moni lava ua maliu Kate, ae o lo’o to’atele molimau sa ia fa’ailoa, o nai teineiti lea o si ana vasega lea ua vasega 11 i le tausaga nei.

O le fesili fa’amamafa lava a matua o Kate, po’o fea le malupuipuia o aia tatau ma mea uma sa polomisi mai e le Ofisa Pisikoa mai le amataga ia i latou, ina ia le vaoia ai latou fanau mai le ofo atu o latou tautua mo le auina mamao ese mai ma o latou aiga? Lea ua toe mama lava le va’a o ti’a ia ti’a.

saunia: Leua Aiono Frost