Totogi mai lo’u Fale Mautotogi?

Fiu e ina’ina i lota fia maua o se avanoa e totogia ai so ta fale e le Polokalama a le Matagaluega o Tina ma Talavou, ae te’i lota loto i le tavili mai o le isi vaega o fale mautotogi a le 1602, ua fa’asea mai ua ta’i lua masina o alaalata’i le isi vaega o aiga maulalo le tamaoaiga i o latou fale, ae le toe maua mai se siaki i le polokalama a le Matagaluega lea e totogi ai lona fale!

 

“Oi sole, o lona uiga o oe la le isi tagata lea sa manuia i lena fo’i polokalama, ua maua le seleni a nai na aiga e nonofo ai i lou fale fou! Ae afai e mautinoa e le toe maua mai se fesoasoani lea mo lou fale, e sili ai ona fai i le aiga lena e totogi lou fale, ae le o le fa’atalitali i le polokalama a le DYWA.”

 

O le tala mai, ailoga e vave maua se alagatupe e toe soso’o ai le fau ma le fau i lena fo’i fesoasoani tupe e totogia ai fale mautotogi mo tagata pagatia i sauaga ae maulalo le tamaoaiga. Lea ua iloga mai, e tauau e tuai, ae le mailoa fo’i, pe ua le toe agava’a lena aiga e totogi mai e le Matagaluega latou nofoaga mautotogi, ae ua tatau ona galulue ma totogi le fale 1602 lea.

 

“Se o le mea, a uma le tolu masina, ua sui fo’i isi e mafai ona fesoasoani i ai le polokalama, e mafai ona o’o i le 18 masina lea fesoasoani, pe afai ae tele se alagatupe e maua mai fafo e fa’atautaia ai.

 

 Ae afai e  na’o le ono aiga sa fesoasoani i ai lea polokalama, ae uma ai ma le tupe i lena masina e tasi, o lona uiga, e le taitai ona lava mo le isi to’atele o aiga o lo’o lisia o latou suafa i le lisi fa’atalitali, ma outou lena o le a suamalie le nofonofo ae le sagai ane ai o le tai, e totogi si au pili nofo!”

 

Na ona alu atu lava o le fa’amalamalamaga fa’apena, oso ane loa ma le lagona ita, fai mai loa, “Ia se’i va’ai fa’alelei fo’i nei polokalama, i te’i fo’i ua matou molia atu ai ma mea ua matou iloa!” Ia se’i fai, tau toso ane le pa, lea o le a maoga ane fo’i nisi mea, a aea?

 

 

Comment Here