Ads by Google Ads by Google

Toso le Pa

O le a o’o mai fo’i le isi avanoa tatou te talimalo ai i le tauvaga Tausala Lalelei o le Pasefika, lea ua atofa mo Amerika Samoa aua ua mautinoa fo’i, o le toe taimi lea o lenei fo’i Nofoa’iga a Kovana Togiola Tulafono, e talimalo ai.

Fa’afetai i le fa’aea a le Atuvasa, ae o le amataga o nofoa’iga sa aofia ai lenei ta’ita’i, sa tatou talimalo ai loa i le South Pacific Games, peita’i, o tau fa’asi’usi’uga lea ua fa’aea mai ai le Atuvasa e tatou te toe talimalo ai mo lana fa’aaliga Tausala Lalelei.

O nei mea uma, o galuega lelei, Amerika Samoa, e leai lava se isi malo e soso ane i lau taligamalo o le Pacific Arts Fesitival, o lona uiga, ua latou toe manatu fo’i, “E o le isi fo’i mea sili o le a alofaiva i ai le Motu o Fiafiaga i lana toe ta lenei i faiga fa’apa’aga ma malo o le Atuvasa!”

O le mau o lenei lomiga, “Ia o gatasi le futia ma le Umele!”

 Ia tatou fuli e tapena o tatou lotoifale i ou lumafale, autafa ma tuamaota ma laoa, se’i va’ai mai le maimoaga a e fai mai, e, o lo’o mau pea le to’ovae, aua ua lutia lenei vaitau i le gasea o le tatou malo o i ai i lana sailiga ta’ita’i.

O le vasega o tama’ita’i ma tausala o Amerika Samoa, ua matua sauni ane au meatotino fai meaali’i sa fa’apolopolo mo aso fa’apenei, e tapena ai o tatou lumafale ia talafeagai ma maimoaga o lea tatou talimalo ai! Ou te iloa, ua mae’a tapena le malo i nofoaga e fa’atautaia ai nei tauvaga, ae ‘aua ne’i manatu i se va’aiga mai, ae o le anofale ia lava tapena fo’i!

Fai le mea sili i pulega o afio’aga, aua o le a nafa i tatou ma maimoaga, ae sili ai, e o’o mai lea taimi, ua mae’a faia se filifiliga a le atunu’u i ona ta’ita’i e ao ona tutula’i.

Tina ma Tama’ita’i, o ai lava o si tatou atunu’u ua mae’a filifili mo le fa’amoemoe e tauva i lenei tausaga mo so tatou ‘ai i lea taleni, ia tatou sapai, ma ia fai le faiva o i tatou, tapena ma fa’amatagofie Amerika Samoa, e fa’ailoa ai, e le o to’atasai le tausala lalelei, ae o lo’o to’atele isi lea e le’i tauva, ma o lo’o tapua’ia faiva o si tatou tausala filifilia i lenei fo’i tausaga!

“Lou pale i ‘avea, ae ia tatou fuli ane, e saili, e le o le fapalefuiono, pe uma ane nei mea, ae o tatou fo’i e se’ia maia le Ms South Pacific 2012.”