Ads by Google Ads by Google

Toso le Pa: Sousou pea le alatele?

Ia lea ua toe fa’amanino atili le mata o le vai, fa’ato’a sainia le komisi e amata ai le galuega ia Ianuari 18, 2013. Ua lelei tele lea, lona uiga, e umi lava ona tatou sousou i le vasa o ala gaoa. Amerika Samoa, e le o faigofie lou faiva o le ONOSA’I!Lea ua pei o le ala i le oti le faigata o le alatele i Faga’ima, ua tau le iloa e nai ave pasi pe afe ea i lena itu pe fai i le pasese e oso i lalo e savali ae aua le totogia le pasese! Fa’afetai, ae i ai se lima fa’aola, na te tanua nei omoomo ua fa’afefe tagata, ae fa’aita ave ta’avale, ae matua fa’alusi ulu lava i le e ona le ta’avale, aua e le taugofie nei meatotino!Fai mai e sili atu ona maulalo vanu lea e uia i le ala i Tafeta ma Aoloau, sole, o na ala e vave ona fa’amavae ma le aiga pe afai ae fa’afuase’i pe leiloa lava le patatu ai o se ta’avale! Ae feololo ona o lea e mafai ona kami ese ai ta’avale pe a le o fetaui ma nisi ta’avale o aga’i mai. Fa’amolemole ia fa’avave mai se fa’aolataga aua o le poloka ananafi, tafefe na amata mai lava i le taeao se’ia o’o i le afiafi o fai!