Lea ua fa’alogoina, ua saunia fo’i le isi mau a le NOAA e toe fa’asaoina ai ‘Amu o lo ta Gataifale!’ Sole ta’ua ne’i le toe mafai ona manava i totonu o si ta’ua lava si’osi’omaga!

Ua iloga le faiga a tama nei, e gata lava le fai mai o lo’o tau fa’asao mo so ta lelei, ae uma ane o le lelei lava o latou ia! Ua tatou faia muamua, ua toe fai fa’alua, pei lava na sao fo’i le fa’atolu, ae ua olioli mai nei le fa’afa! E a, ua tatou feala ea po’o le amana’ia pea se mea e nonofo ai fanau e le’i tutupu mai o si tatou atunu’u?

O le tala mai, e ese le aiaiga o ta eleele, e fa’ale-fiafia i ai tama o le Malo tele! E le mapu fo’i la tama popoto na i le tausaili, po’o fea lava se pu o le avi’i, e ofi mai ai i totonu ma fa’amanifi atili ai si ta’ua avanoa e ola sa’oloto ai i so’o se taimi! Fa’aali sou manatu, e leaga pe a vale tu’ulima se tofi o nai o tatou aiga! Manatua o i tatou lava ua feololo le igilisi, o ta’ua lava lea ua tatau ona e fiafia e fa’ailoa ou taofi, e fa’amau ai se mea o nai tamaiti!