Ads by Google Ads by Google

Tolopo Fa’amasinoga Pule Megaupload Kamupani

O le ali’i o Kim Dotcom,  le ali’i faipisinisi i tulaga tau feso’ota’iga fa’ainiteneti o le “Megaupload,” ua fa’ailoa mai ua tolopoina lona fa’amasinoga e fa’atulaga ai le tinoitupe e tatalaina ai o ia i tua ae tatalia lona fa’amasinoga i Niu Sila.

O le saisaitiaga o le ali’i e ona le Megaupload na afua ai ona faila e isi kamupani laiti e feso’ota’i ma lea pisinisi o ni a latou fa’aaliga ma le vaega o fa’amasinoga, ina ia puipuia mai ai latou pisinisi mai ni a’afiaga mai nei moliga e fa’asaga i le Kamupani a le Megaupload ma lona Pule sili.

O le Kamupani a le Filesonic, ua fa’ailoa mai ua latou motusia so’otaga ma le Megaupload, ma ua poloka ai e i latou ona mafai e so’o se tasi e ulufale i le latou uepesite, ae ua mafai lava e le tagata ona aga’i i lana faila ma gata ai i’ina.

O le kampani fo’i a le Upload.to ua latou poloka atoa a latou feso’ota’iga ma le Iunaite Setete o Amerika, fa’atasi ai ma le site lea o le Megaupload, ae tu’u mai ai le fe’au “fa’amalulu atu!”

Peita’i, ua fa’aalia ni manatu o nisi, “O le taimi nei, ua amata ona va’ai toto’a le tele o Kamupani e fa’aaogaina uepesite ma feso’ota’iga tau initineti i tulaga o le osofua i site a isi ae le’i avea i ai le fa’atagaga peita’i, ua latou oso fa’anana mai ia i latou e ona na site ma avea fa’anana fa’amaumauga a tagata na po’o latou pisinisi.”

I se fa’amatalaga mai le ali’i loia mai Lonetona lea e vaili’ilia le moliga o Megaupload, afai o le a maua atu nei Kamupani ua latou motusia fa’afuase’i a latou feso’ota’iga ma le Megaupload, ae sa latou feso’ota’i i le fetufa’iga o fa’amaumauga a isi tagata ma latou kamupani, ae le’i fa’anoi muamua mo se feso’ota’iga fa’apea ma na tagata ma latou kamupani, ua sala lava i latou.”

O le Filesonic, o le Kamupani e i ai le latou ofisa autu i UK ma Hong Kong, e le’i fa’ao’o maia lava se latou tala e tusa o le latou feosofi ane poloka latou feso’ota’iga ma le malo o Amerika atoa, fa’atasi ai ma le punitia fo’i o latou feso’ota’iga ma le Megaupload ina ia molia le ali’i e ona lea Kamupani i le tulafono i Niu Sila.

Peita’i, i a latou feso’ota’iga fa’aletulafono ma isi kamupani uma o lo’o fa’atagaina pea, ua e tatalaina atu a latou laina ae oso mai ai le fe’au, “O au feso’ota’iga uma ma le Filesonic ua motusia. O le matou tautua ua na ona e mafaia ona fa’aoso mai ai au fa’amaumauga, pe toe fa’aulu atu ai au fa’amaumauga e te faia lava e oe, ae le mafai ona toe tatalaina e se tasi.”

O le tapunia o le Megaupload i le vaiaso na tea na matua fa’aleagaina ai le tele o feso’ota’iga tau initeneti. O lea site, ua fa’ailoa mai e tusa ma le 50miliona ana totino e fa’aaogaina latou feso’ota’iga i aso ta’itasi, peita’i, ua fa’ailoa mai e le FBI, o lo’o lavea le Megaupload i se fa’asolitulafono o le osofa’i fa’anana o uepesite ma site a isi tagata e aunoa ma se fa’atagaga patino mai ia i latou e ona site. E le gata i lea, ae ua i ai feso’ota’iga ma isi fo’i kamupani fa’apea ua faufau e le Megaupload ina ia fa’aauau ai lava ona osofa’i fa’amaumauga patino i tagata taito’atasi e le’i fa’atagaina ona fa’alauiloa i luga o le initeneti.

O le kamupani a le Uploaded.to, lea sa masani ona tautuaina tagata lautele e mafai ai ona tala mai latou tupe ua fa’aauau pea ona mafaia ona fa’aaoga e tagata, ae se’i vagana lava tagata Amerika. Olo’o mafai ona fa’aaoga uma lava tautua sa masani ai tagata i peretania ma isi atunu’u uma o le lalolagi, ae ua misia ai Amerika i nei tautua aoga.

O isi kamupani e pei o le Rapidshare, o lo’o latou finau mai fo’i i latou, o lo’o usita’ia lava e i latou tulafono uma o le osofa’i fua o site a isi e aunoa ma se faatagaga. Ua fa’ailoa mai e le sui o le Rapidshare, e le o popolevale fua i matou i le motusia o le auaunaga a le Megaupload, aua e le o i ai lava se matou sasi o faia fa’apena!”
Ua mae’a ona fa’afeso’ota’i fo’i le Appple ma le Google po’o,afaina ile motusia a Megaupload, ae fa’ailoa mai e leai ma se afaina o i ai. I se saunoaga a le ali’i loia, ua ia fa’ailoa ai, afai o nei Kamupani Initeneti o lo’o latou tauva ma le Megaupload ina ia fa’ateleina a latou tautua mo le lautele, e matua fiafia i latou pe afai ae motusia atu le tautua a le Megaupload mo lenei vaitau ae se’i latou osofa’i lea avanoa e fa’ateleina ai latou totino ma pa’aga i feso’ota’iga ma tautua fa’ainiteneti.

O lenei moliga e fa’asaga ia Megaupload, ua fa’ailoa mai, “aua ua ia fa’asoa atu le tele o fa’amaumauga patino i ana pa’aga i luga o lana site isi o ana kamupani feso’ota’i, a ele’i mana’o ana pa’aga fa’apisinisi nei e fa’ailoa nei fa’amaumauga i na kamupani.” O lea faiga, o se solitulafono leaga tele i tulafono e tapuia ai le aia tatau a tagata ta’ito’atasi i luga o feso’ota’iga fa’ainiteneti.

saunia: Leua Aiono Frost