Ads by Google Ads by Google

TOATELE SUI MANU SAMOA UA SAINI KONEKARATE I PERETANIA

I ni ripoti sa faasalalauina e le au faasalalau mai Peretania i le vaiaso nei, ua tulai mai ai le toatele o tama taaalo o le Manu Samoa ua maea ona sainia ni a latou konekarate ma kalapu lakapi i totonu o lea atunuu.

O nisi o i latou nei e aofia ai Logovii Mulipola lea ua avea nei ma fetu pupula i le au a le Leicester Tigers, faapea ai Alafoti Faosiliva ma Fautua Otto i le kalapu a le Bristol i Peretania lava.

E ese mai ia i latou e pei ona taua, e toatele isi sui o le Manu Samoa o loo filo ai i kalapu eseese i totonu o Peretania, e pei ona lauiloa ai le au uso Tuilagi.

Ae i ripoti mai Niu Sila i le vaiaso nei lava, ua logologo ai tala aave o le fulupeki a le Manu Samoa, lea foi sa avea ma sui o le au taitoa 7 a le atunuu, le alii o Faatoina Autagavaia, ina ua sainia sana konekarate e taalo ai mo le isi au a Niu Sila, le kalapu a Northland mo le taamilosaga a le NPC a Niu Sila i le tausaga nei.

I ni ripoti mai Niu Sila sa taua ai e faapea, o le sainia ai o le konekarate a Autagavaia ma le kalapu a Northland, ua toe fafagu mai ai talaaga logologoa o le alii mai Fiti o Rupeni Caucaunibuca, lea sa taalo i le tulaga lea ua taalo ai nei Autagavaia.

I se ripoti mai le kalapu a Leicester o loo taua ai, o le alii o Mulipola ua leva ona taalo i le kalapu lea, peitai ua filifilia nei o ia e avea ma fetu pupula ina ua mataina lana taalo i taamilosaga a mavae atu.

I se ripoti mai le kalapu a le Bristol i Peretania, ua faalauiloa mai ai le tulaga mataina ma le maoa’e o le taalo a le alii Samoa o Alafoti Faosiliva talu ona ulufale i lana kalapu lakapi fou o le Bristol, ma ua faaigoaina ai o ia o le Fetu Pupula “Shinning Star” i le taamilosaga a kalapu lakapi i totonu o le atunuu i lenei tausaga.

I se ripoti na faasalalauina e le kalapu lakapi a le Bristol o loo taua ai e le latou faiaoga le alii o Liam Middleton, le tulaga maoa’e ma le mataina ua i ai le taalo a Alafoti talu ona ulufale atu i le latou kalapu i lenei masina.

O Alafoti, o le lona iva ai lea o suiga fou i totonu o le kalapu a Bristol, ao lumanai ai le tatalaina o le taamilosaga o le 2012/2013 RFU Championship Season lea ua faamoemoe e amata i le vaiaso fou.

I ni ripoti sa taua ai, e tolu taaloga faauo (friendly games) a le kalapu a Bristol ma nisi o kalapu i totonu o le atunuu, e faa sauni atu ai mo le amata aloaiaina o le taamilosaga, ma e lua taaloga na sikoa ai Alafoti, ae o le isi taaloga sa ia fesoasoani ai i le faataunuuina o isi sikoa mo lana kalapu, lea foi na manumalo uma ai lana kalapu i ana taaloga uma ia e tolu.

O Alafoti, 26 tausaga le matua mai Afega, o se tasi sa faamoemoe i ai le au taitoa 7 a le Manu Samoa, mo le taamilosaga a le IRB lea ua faamoemoe e amata i le aso 25 & 26 Novema o le tausaga nei i Ausetalia, ona o lona malosi ma le saoasaoa.

Na taua e le alii faiaoga o Middleton e faapea, o le faaiuga ina ia saini le konekarate a Alafoti i lana kalapu, o se faaiuga poto ma sa’o, pe a fuafua atu i le tulaga mataina sa i ai le taalo a Alafoti i le kalapu a Touloun i le tausaga na te’a nei, lea na taalo ai mo le 6 masina ina ua faatoa maea le Ipu o le Lalolagi sa faia i Niu Sila.

“E tele tausaga o o’u vaavaai pea i le taalo a Alafoti, e le gata i taamilosaga taitoa 7 ae faapea foi pe a taalo mo le au taitoa 15 a lona atunuu, o ia o se tagata malosi, e mafai foi ona ia talepeina se vaega o tama o loo taumafai e pu’e o ia ina ia pau i lalo,” o le molimau lea a le alii faiaoga o Middleton o loo faasalalauina i luga o le upega o fesootaiga a lana kalapu.

Ua faamoemoe le kalapu e ofu e Alafoti le jersey # 7 poo le #8.

Ina ua taunuu Alafoti i lana kalapu fou, sa mafai ona faafeiloaia o ia e le pulega ma le au atoa, ma maua ai foi le avanoa latou te matamata ai i ata pupu’u o le tele o taaloga sa taalo ai Alafoti mo le au taitoa 7 a le Manu Samoa, lea e aofia ai nisi o ana pu’e malolosi, o taimi e tamo’e ai ma le polo, ma le anoanoa’i o taimi e sikoa ai mo Samoa.

O le faaiuga o le vaiaso nei lea o loo faagasolo ai le taamilosaga taitoa 7 a le Pasefika i Ausetalia, e saili ai ni au se lima mai le Pasefika e ofi atu i le taamilosaga faavaomalo a le IRB, lea e faagasolo i tausaga taitasi, ma o le au a le Manu Samoa lea ua auina atu e puipuia la latou tulaga siamupini, ua misia ai le alii o Faosiliva, se tasi o sui taalo malosi o le au.

Na taua e le alii faiaoga fou o le au taitoa 7 a le Manu Samoa ia Tauasa Lalomilo e faapea,