Ads by Google Ads by Google

Tina Maliu i le Eleveta, manunu’a

Mai Niu Ioka ua fa’ailoa mai ai se tina ua maliu i totonu o le eleveta o le Faletele o Ofisa i Madison Square, e tusa ai o se fa’aaliga aloaia mai le vasega o Leoleo Su’esu’e i le fa’alavelave ma le au Tinei Afi.

Ua fa’amauina o lea fa’alavelave lava e tasi ua fa’amanu’alia ai le to’alua o nisi tagata, i totonu o le Eleveta o lea fale tele, e 26 ona fogafale, maa na tupu lea fa’alavelave i le ta tonu o le 10 i le taeao. O lea lava fale ua leva ona nofoia e le Y&R po’o le Young & Rubicam.

Na fa’ailoa mai, na oso atu le tina lea i totonu o le Eleveta, ae le’i uma atu lona vae i totonu, ae tapuni mai le faitoto’a ma utia atu ai, ae ua le toe tu lava le eleveta latou. Ona ua fa’atata atu lava lona tino i luga i le mea o aga’i atu i ai le eleveta, ma ua maliu ai o ia. E to’alua isi sui na fa’amanu’alia, ae o lo’o togafitia lava i la’ua ma ua manuia mai.

Ona ua utia le eleveta i le va tonu lava o le foloa muamua ma le lona lua, o i la’ua sa i totonu o le eleveta, o i la’ua la na ua ave i le falema’i, ona ua foliga mai ua tau afaina tele o la’ua fatu fa’apea ma mafaufau, ona ua tele na’ua le fefe ma le te’i i le va’aia o si fafine lea ua maliu ma le fa’alavelave ua tau fa’aletonu atu ai ma la’ua.

Ua fa’ailoa mai, na vave ona o’o ane tagata e ona le faletele lea ua a’afia ai le soifua o lea tina e na’o le 41 tausaga le matua, ma ua le mafai lava ona fa’alauiloa le suafa o sia tina, se’i mua’i fa’ailoa i sui o lona aiga, ona fa’ato’a fa’asalalauina lea.

O se tasi o tagata faigaluega a le Y& R na ia fa’ailoa mai, ua amata ona sailia e i latou se isi nofoaga mo le latou Ofisa autu, ona o lo’o ua i ai se tasi ua maliu mai ai, peita’i, e le’i fa’ailoa mai po’o ai lea ua maliu, ae ua mautinoa e lea sui o lo ua saili se isi nofoaga, ona ua leva fo’i lea faletele.

E le tasi se kamupani o i ai i lea lava fale tele, ua to’atele i latou o i ai, peita’i, na fa’ailoa mai e le au leoleo suesue, sa latou masalosalo ua motu le eleveta o le fale.

Aumai: AP; saunia: Leua Aiono Frost