m>>>
TO RETURN
TO A DIRECTORY, CLICK ONE OF THE CATEGORIES AT LEFT <<<
>>> IF THERE IS A PHOTO,
CLICK IT FOR A BIGGER VERSION <<<
Tusia: Fili Sagapolutele
E toalua ni totino o le Komiti Faafoe o le Teugatupe o le Litaea, faatasi ai ma le Faatonusili o le Ofisa Litaea, ua tu'uina iai e le Senate ni tusi samania, ona o lo'o taofi le Senate, o lo'o mumusu lava le Komiti Faafoe e tu'uina atu i le Maota Maualuga nisi o tusitusiga sa o latou talosaga.
O i latou ia ua aofia ai le susuga Aleki Sene Sr., le taitaifono o le komiti faafoe, le afioga Ipulasi Aitofele Sunia, se tasi o totino o le komiti faapea ma Filisouaiga Taafua, le Faatonusili o le Ofisa Litaea.
O lo'o taofi le tofa Lolo M. Moliga, le Peresetene o le Senate, e tatau ona faalauteleina uma mataupu e uiga i le litaea, ona o se teugatupe lautele, ae peitai, o lo'o faatuiese le komiti faafoe i lea taofi.
O nisi o fa'amaumauga ua samania e le Senate e aofia ai fa'amaumauga ma tusitusiga uma lava e fa'atatau i malaga a totino o le komiti fa'afoe fa'atasi ai ma malaga a le fa'atonu sili.
Ua le gata i lea o lo'o samania foi fa'amaumauga o teugatupe a le litaea i totonu o faletupe i Amerika Samoa. Ma ua tuuina atu foi e le Senate tusi samania i faletupe e lua i totonu o le teritori, ina ia maua mai fa'amaumauga e uiga i le teugatupe o le litaea.
O isi totino e to'atolu o le komiti, o lo'o i fafo i le taimi nei ma ua le mafai ona tuuina atu i ai a latou tusi samania. O i latou ia e aofia ai, Brandt Judy (e nofo o ia i Amerika), Magalei Logovi'i (o ia foi o le fa'atonu sili o le Ofisa o Tupe a le malo) ma le ali'i faipisinisi ia Morris Scanlan.
O le aso 29 o Tesema ua faatulagaina e tatau ona o'o atu ai le Senate tusitusiga ma faamaumauga e pei ona samania.
Osini Faleatasi, Inc.
dba Samoa News reserves all rights.
>>> TO RETURN TO A DIRECTORY, CLICK ONE OF THE CATEGORIES AT LEFT <<<