Ua te'ena e le Matagaluega o Fa'amasinoga a le Malo Tele, le fa'aauau o sa'ili'iliga a le Malo i le mata'upu e fa'asaga ia Mine S Pase, o le sa Fa'atonu i le Komisi Fa'apitoa o Tautua i Amerika Samoa (ASSSC) lea na ioeina ona moliaga i ni taupulepulega i le to'esea ai o se tinoitupe e $325,000 o tupe fa'apolokalama a le AmeriCorps. O Pase, ua 62 nei tausaga o lona soifua ma o le tuafafine matua o le afioaga i le Kovana Lutena o Faoa ‘Aitofele Sunia, lea ua fa'amaonia lona moliaga i fa'amatalaga o se tu'uaiga e tasi i luma o le Fa'amasino, Reggie B Walton, o le Fa'amasinoga Fa'aitumalo i o le Feterale i Uasinitone.O Pase, sa ‘avea ma Fa'atonu mai ia Mati 2001 ia Oketopa 2010, lea ua tatala ona o ni isi tulaga fa'aleaiga, ma ua fa'atagaina e malaga mai i Amerika Samoa, e tusa o le fa'aaliga mai a le so'o'upu o le Matagaluega o Fa'amasinoga a le Malo Tele, Laura Sweeney, lea na tali mai i fa'atalatalanoaga ma le Samoa News. O ni isi o aiaiga o lenei fa'atagana e aofia ai le feso'ota'i atu i vaiaso uma e ala i le so'o-itulau ma le Ofisa o tautua o fa'amasinoga i Uasinitone, atoa ai ma lona tusi folau ua taofia nei i le ofisa o le FBI i Pagopago a o i'ineii le territory. O le a ia toe taua'aoina lona tusi folau pe a toe taliu atu i Uasinitone mo lona fa'asalaga, e tusa o fa'amaumauga a le fa'amasinoga.Na te'ena e Sweeney ni fa'amatalaga o le toe fa'aauauina o ni isi sa'ili'iliga mo le taofia o ni isi e ono a'afia i lenei mata'upu.O le tali mai i le Samoa News ananafi, e aofia ai le loia ua tula'i mo Pase, o se tasi e alaala i Uasinitone, o Michelle M Peterson, e fa'apea: \E leai sa'u fa'amatalaga fa'alaua'itele ma out e ta'u atu le mea lenei