Ads by Google Ads by Google

TAUNUU NIU SILA FOLAUGA ALII SAMOA

O alii e toalua ia na amata folau atu i Amerika Samoa nei ia Oketopa 2011, ua taunuu ma le manuia i Niu Sila le la folauga. O i laua ia o Graig mai Niu Sila ma Erick mai Amerika, o alo o Oli Ale ma le faletua o Bahamas mai Manu’a.

O Erick, o le tuaoi o le tama’ita’i mai le Manu’atele Oli Ale, lona tina, ma e leai ma sona pi’itaga Samoa ae ua latou iloa ma lona aiga, uiga alofa o Oli, ma lana agaifanua o le fa’amasani ma le tausi tuaoi, lea ua mafua ai ona manatu e fia sau aga’i i le pasefika i Saute.

Ina ua to’ai taunu’u o ia i Amerika Samoa, na ia fa’amaonia ai le ola mautu o le agaga o tagata Samoa e tausia o latou aiga, ma e agaalofa i latou so’o se tasi.

“O se mea lenei sa ou matauina i le uo mamae a lo’u tina, o le matou tuaoi, e fa’asoa mai so’o se mea e maua, o mea’ai, o fua o fa’ato’aga, ma le agaga fiafia fa’amasani mai. Talofa e afua atu i lona atunu’u!” O sana tala fiafia lea ma sulu lona ie lavalava na faimeaalofa ane i ai Violeta Faia’i, le afafine o le tuagane o Oli Ale.

O le malaga na vave tu’uva’a ese atu mai Amerika Samoa ma la’ua uia Samoa Tuto’atasi, ma tapena ai mo le malaga i Vava’u Tonga. Ua fa’amatala e i la’ua le la’ua malaga i Tonga, sa matua lelei lava ma na atoa le vaiaso ma le afa, ae fa’ato’a tuta le la va’a faila i Vava’u, ma tapena ai le toe o ese atu mo Niu Sila.

 A’o i ai i la’ua i Samoa, sa malaga mai le to’alua o Craig ma latou mafuta ai mo le 2 vaiaso ma tapena le folauga mo Vava’u. Na latou malaga to’atolu. Na latou maua loa Vava’u toe malaga lea i laumua i Nukualofa ma sa i ai loa se fa’aletonu fa’aleaiga na tu’ua ai e Craig le va’a ia Erik ma se tasi o soa mai Tonga la te folau atu ai i Aukilani, ae malaga ese o ia i le va’alele mo Niu Sila.

O le malaga mo Niu Sila, na amata i le fa’ai’uga o le tausaga ua te’a, peita’i, e tusa ma le afa o le malaga ae po’ia i la’ua e le afa ma matagi malolosi lava. Na gau ai le tila o le va’a, ma i ai nisi mea o le afi na fa’aleagaina, ma ua le toe fa’amoemoe ai le la’ua malaga i na mea, ae ua fa’atafea.

E tulaueleele ane i la’ua nei, ua toe o’o le va’a i Fiti, ma ua tonu ai i le e ona le va’a e toe fa’atau ese ai i’ina le va’a, ona ua leaga nisi o ona vaega e mafai ai ona toe folau lelei mo Aukilani.

O le taimi nei ua emeli mai le ali’i o Craig e tusa o le malaga, ma fa’ailoa mai, ua tafao nei le ali’i o Erik i Thailand ma fa’aaoga ai lana vaega o lona totogi mo le momolia o le va’a faila i Fiti, ua toe i ai Craig i Niu Sila, ae ua matua mafana lava le mafutaga ma o la’ua fa’alagona o le alofa fa’aleaiga ma la’ua uo na maua i Amerika Samoa.

Ua toe naunau mai i ata sa molita’i atu i luga o le tatou nusipepa fa’atasi ai ma le tala tusia ma ua fa’ailoa mai o la’ua alofa’aga i le Aiga o Violeta ma Iosefa Fa’ia’i mo lona tina tuaoi o Oli Ale, fa’atasi ai ma le ali’i avepasi o Aleni ma si ona aiga.

“Ou te mautinoa le mea lenei e tasi, O lo’o i ai lo’u aiga i Amerika Samoa!”