Ads by Google Ads by Google

Taufa’amata’u Stevie Wonder?

O se ali’i ma lana paga sa la’ua manatu e fa’amata’u Stevie Wonder the tama pese tauaso, ua mae’a faia le fa’ai’uga a le fa’amasinoga ia i la’ua nei, ina ia fa’afalepuipuia i le 292 aso  i le falepuipui Los Angeles e tusa ai ma se tala tusia i le Associated Press.

Peita’i, ina ua mae’a faia le fa’ai’uga a le fa’amasinoga i lenei to’alua, Alpha Walker ma lana teine o Tamara Diaz, na tatala i la’ua i tua, aua ua mae’a lelei le la’ua taimi e fa’afalepuipuia ai ona tulia i le to’ese talu mai le taimi na loka mai ai ia Me, 2012.

O le mea sa la’ua faia, o le la’ua pu’ea lea o se ata video mataga o le ali’i pese, ma le la’ua fa’amoemoe, e fa’amaasiasia ai Stevie, ma afai ae fa’ailoa ia Stevie lea ata o le a fa’asalalauina, ona mana’o lea e totogia se vaega tupe mo la’ua, ae tia’i le ata lea.

O le aofa’i o le tupe sa manatu i la’ua nei e totogia atu e Stevie e $5m, e tusa ai ma le fa’amatalaga a le ali’i loia a Stivie Wonder. I le taimi o le fa’amasinoga ma ulua’i su’esu’ega o lenei vaega e to’alua, sa fa’ailoa mai ai, o le umi o lea ata e 80minute ma e matele lava i mea e fa’amaina ai le ali’i pese.

O le tala ua mae’a pu’ea mai le ata o le fale o lo’o nofo ai le tina o Stevie, i lona tulaga tuai ma le leaga ua i ai, ma ua fa’apea fo’i ona fa’aalia mai ai ma le atali’i o Stevie lea e le taitai ona mana’o le ali’i pese e fa’ailoa fa’alaua’itele.

Ina ua talosaga le vaega lea i le fa’amasinoga la te le te’ena tu’ua’iga e fa’asaga ia i la’ua i lea mea, sa fa’aaoga e le fa’amasinoga lea avanoa e finau ai loa le tu’ua’iga ma ua maua ane e fa’amaonia o le afuaga na pu’ea fa’anana ai lea ata video, o e pele ia Stevie.

Na te’ena mai lava e Walker ona moliga, peita’i ua finau nei le loia a Walker e tatau lava ia i la’ua ona mafai ona fa’atau solo lea video. Peita’i, e le’i fa’avaivai ai le tima’i fo’i a loia a Wonder ma ua toe mafai ai ona saisaitia le to’alua e le fa’amasinoga.

O lo’o ua i ai nei le tu’utu’uga o le tatalaina i tua o nei ali’i, ma le fa’atonuga a le fa’amasinoga ina ia le toe taumulimuli i la’ua i le ali’i pese ma ana koneseti, aua e foliga mai e ese le mafuaga o lo’o la’ua faia ai lea tulaga, o le tau fa’aleaga, ma le fafau o mea leaga i le ali’i pese.

O le ali’i pese lea, o lo’o sauni mo lana fa’aaliga i Hawaii, ma ua mataala fo’i leoleo o le aloha setete i le vaega sese lea, ma la’ua faiga o lo’o lamalama e fa’atino lava i lenei tama pese tauaso.

saunia: Leua Aiono Frost