Ads by Google Ads by Google

TATALA VAEGA MUAMUA GALUEGA SUAVAI LAFOA’I

O le aso Lua na tea nei na molimauina ai e sui o le malo faapea ai afioaga e amata mai i Aua e oo atu i Atuu, le tatala aloaiaina o se tasi e vaega tele o le galuega mo le toe sosooina lea o paipa mo le suavai lafoai, e pei ona tatalaina ai i le  nofoaga i Gatavai, le Waster WaterTreatment Plant.

O lenei galuega tele sa faatinoina lea e le kamupani a le Fletchers Construction, ae o le ata o le galuega na tusia mai e le kamupani a le Lyon Associates mai Hawaii, ma e silia i le $20 miliona le aofai o lenei galuega lea e pei ona faatupe mai e le ofisa o le puipuiga o le siosiomaga a le malo tele (U.S EPA).

E 5 vaega o lenei galuega lea e aofia ai le vaega muamua lea na tatalaina i le aso Lua na te’a nei, i se sauniga puupuu sa faia i le nofoaga autu i Gatavai, lea na taitaia e le susuga Tavete Maugaotega, o ia lea o le fesoasoani Pope a le Ekalesia Katoliko mai Aua, lea foi na molimauina e le alii kovana sili ma le masiofo, sui o le malo atoa ai ma sui o le itumalo o le Maoputasi.

E i ai ni isi sa fa’afetaia la latou finau maua’i mo lenei galuega ia toe amatalia ma fa’amae’a mai mo le Fagaloa. E aofia ai i nei sui, o le afioga Liufau Te’o Tanielu i lona taimi fo’i o avea ma Senatoa.  O lo ’o fa’apea lava ona fa’aauau mai nei tima’iga e le vasega o ta’ita’i o le Ma’oputasi o lo ’o tutula’i mai tofiga senatoa i le nofoa’iga nei, le afioga le Ma’oputasi Mauga Tasi Asuega ma le afioga le Ali’ioaiga Asuega Fa’amamata, ma ali’i faipule fo’i.

O ni isi o sui na tutula’i, ua aofia ai ali’i Inisinisia Sinia a le ASPA, Joachim Fong, le sui fo’i o le Matagaluega a le WWTP i Gataivai, le susuga Fa’i Mareko.  O sui nei sa atagia ai i a latou folasaga, e moni lava, e le o faigofie le toe soso’oga lenei o le sualaina ina ia aofia ai isi nu’u nei e lima i lea tautua lautele.

Na amata ona galue mai Mareko i le WWTP i le tausaga e 2004, ae ua mae’a ta'oto lava le fuafuaga mo le poloketi lea ia sa'ili se vaega tupe fa’atino ma ia mae’a lelei ai. Peita’i e tolu mea ao ina tapena i ai le Nofoaga o Tane o le Suavai Lafoa’i, fa’ato’a mafai ona fa’aopoopo afio’aga i sasa’e o le Fagaloa i le tautua o le sualaina.

Lafoa’i o i Gataivai, ia fa’alapopo’a paipa, ma fa’aalu pea le suavai lafoa’i i le Sami e pei ona i ai.

Ua tula’i mai, ua filifilia e le ASPA le poloketi numera 5 e fa’atautaia mo le galuega o le sualaina e aoina mai ai ma afio’aga i le itu i sasa’e o le Fagaloa.

I le galuega fou lea, ua toe fa’aopoopo ai isi pamu e lima i le 28 o lo ’o i ai nei mo le aoina mai o le suavai lafoa’i mai le 60 maila o i ai nei o laina ua mae’a ta'oto mo le atunu’u ma e fa’aaogaina le nofoaga o Tane Suavai Lafoa’i  i Gataivai [WWTP]. Ua i ai se fuafuaga e silia ma le 100 ni isi o ìana mo galuegaî[man holes] e toe fa’aopoopo i le 1,500 o ia ana ua mae’a i ai i laina i le taimi nei. Peita’i, e le ’i fa’atulaga maia e le ASPA, pe i ai ni isi o tagata faigaluega o le a toe fa’afaigaluega mai ona o le soso’oga o le a fa’aopoopo nei, ae o le aofa’i o le 'aufaigaluega e na’o le 28 i latou i le taimi nei, mo le galuega e fa’atino 24 itula i le fitu aso o le vaiaso.

E mautinoa i le folasaga sa saunia e le ali’i Sifi Inisinia a le ASPA e to’atasi le tagata faigaluega na aumaia fa’apitoa mo le poloketi lenei i lona amataga o le Vaega Muamua o le galuega, o le Inisinia o Robert Kerns, ma ua fa’afetai fo’i, aua o lo ua iloga mai, ua aoga fo’i i isi poloketi a le ASPA o lo ’o fa’atautaia lava.

Ina ua o’o le avanoa i le afioga le Kovana Sili mo lona sao i le sauniga lenei, sa ia mua’i fa’aalia, O lenei se sauniga ua alu le lua itula o faia folasaga matua felefele ma le lavelave i le fa’afofoga a le atunu’u ona o tulaga o aiaiga fa’ainisinia, ia manino ma ia leai se pi’o!  Aua o mea nei, tafefe ae fa’aletonu le inisiniaina o nei lavelave ma felefele o le ta’iga o paipa fa’ata’atitia mo nei tautua lautele a le atunu’u, ua tatou iloa, e le gata ina mama’i, ae ua le nofonofoia le atunu’u ma le toe mama ona gataifale, lumafale, ma tuamaota.

O le vaitau lava fo’i lea sa sili ona tete’e ai le afio’aga o Aua i le tau fausia o se Nofoaga o Tane mo le Suavai Lafoa’i i Aua ma sa i ai folasaga sa fa’auia mai i le Fono Faitulafono e tusa o lea mataupu.

I le tausaga 2007 na pasia ai le tulafono mo le Suavai Mama, ma na mana’omia ai ona taofia le toe fa’aalu o le suavai lafoa’i i le gataifale, peita’i, e le ’i gafatia e Amerika Samoa ona faia lea ituaiga o galuega i lena vaitaimi ma ua o’o mai ai pea, o tatou fa’aaogaina lava le faiga tuai sa sau a’i, ae na ’o na toe fa’alautele ina ia ofi mai le fa’aopoopoga fou o nei afio’aga i totonu o le tautua lautele o suavai lafoa’i po ’o le Sualaina.î O se fa’amalamalamaga lea a le afioga le Kovana e tusa o le ogaoga ma le fita o le galuega o lo ’o taumafai nei ona toe fa’alautele atili.

Ua tatou iloa nei ua ‘ae’ae e Samoa le tinou o ni isi o ali’i su’esu’e a le EPA sa auina mai fafo mo galuega fa’aleleia fa’apea, ma o i la’ua ia sa tutu malosi mo se atina’eina o le sualaina ia mautinoa ua ta'oto i le Fagatoa atoa.

O ali’i nei o Carl Goldstein ma Mike McKernal sa la’ua sa'ilia se alagatupe ina ua ou tete’e e le faia e le Malo le soso’oga o le sualaina lea, aua ua leai se alagatupe e faia ai. Na la’ua toe o mai, ma fa’ailoa mai, ua i ai le alagatupe ae ou va’ai atu e le lava, toe fai fo’i i ai sa'ili ia lava! Fa’afetai ASEPA mo le galuega sa'ili, ua maua mai ai le fesoasoani tupe $20+miliona mo le galugea e lima ona vaega ua tula’i mai nei, ma e mae’a lelei ai lea tautua i le Fagaloa.

O le tautalaga lea a le Kovana, sa ia manatua ai i latou na amata mea i le galuega, ìina ne’i le tatou fa’afetai, avea i tatou o e le fa’afetai e pei ona ta’ua i le Tusi Pa’ia.î

O le toe lauga fa’afetai o le polokalama ae le ’i tutula’i le faletua o le Kovana Sili, Maryann Tulafono e o’otia le lipine, o le susuga le Ta'ita'ifono o le Komiti Fa’atonu o le ASPA, le susuga le Faife’au Asaua Fuimaono, lea sa ia fa’afetaia ai le afifio uma mai o e’e o le atunu’u i ona ta’ita’i ma ona fa’auluuluga, ae maise le pa’ia maualuga o sui tofia o le fono faitulafono ma le maualuga o le itumalo o le Ma’oputasi e fa’asinotonu i ai le galuega o timata nei.