Ads by Google Ads by Google

TASI LE PEPE NA SOIFUA MAI I LE PO O LE TAUSAGA FOU

E na o le tasi le pepe na soifua mai i le po o le tausaga fou na te’a nei i le falema’i o le LBJ i Fagaalu, e na o le alii o New Year Minute, lea na soifua mai i lona tina o Alisa Minute o Mesepa.

O le alii o New Year na fanau mai i le itula e 3:20 i le vaveao o le tausaga fou na te’a nei, ma o se fiafiaga lea i ona matua ina ua mafai ona soifua tonu mai o ia i le aso o le tausaga fou.

“O se mitamita ia te a’u le fanau tonu o si o’u atalii i le aso o le tausaga fou,” o le saunoaga lea a le tama o New Year, susuga Vaeluaga Minute.

O le alii o New Year, e lona 6 i le fanau a Vaeluaga ma Alisa, e 7.01 pauna lona mamafa e pei ona faamaonia mai e lona tina.

Na taua e Vaeluaga, o le faaopoopo ai o New Year i totonu o le latou aiga, o se ata vaaia lea o faamanuiaga a le Atua ia te ia ma lona aiga, ma ua la sauni foi e tausi faalelei i si ona atalii.

O le aso tonu o le Kerisimsi o le 2010 na fanau ai le pepe lona 5 a Vaeluaga ma Alisa, o ia lea o Christ Minute.

Three hours, 20 minutes after the New Year was heralded, proud father Vaeluaga Minute and mom Alisa Minute, celebrated the arrival of their baby boy, New Year Minute, at the LBJ Tropical Medical Center. 

Weighing in at 7.01 lbs, baby New Year joined his five siblings, bringing their number to an even six. 

Being holiday celebrities is not new to the Minute family, as Vaeluaga Minute told Samoa News that their fifth child, Christ Minute, was born on Christmas Day 2010. Vaeluaga said that having a New Year’s baby is proof of the many blessings with which his family has been showered.