TASI LAVA LE PEPE O LE KERISIMASI
There was only one Christmas Day baby this year — and her name is “Maria Launiusaelua Eseta Iosefa-Moa” — born at 9:18 p.m. to Jackson and Esther.
Samoa News joins with the Territory in wishing the newborn a Merry Merry Christmas! May God’s blessings be with you.
E na o le to’atasi lava le pepe na soifua mai i le Kerisimasi na te’a nei, e na o le tama’ita’i o Maria Launiusaelua Eseta Iosefa-Moa, o ia lea o le ulumatua a le susuga ia Jackson Moa ma lona faletua ia Esther Iosefa-Moa o Iliili.
O le itula e 9:18 i le po o le aso o le Kerisimasi na te’a nei na soifua mai ai le tama’ita’i o Maria i le falema’i o le LBJ i Fagaalu, i lona mamafa e 6.9 pauna.
Na molimauina le malosi o le tama’ita’i o Maria fa’atasi ai ma lona tina i le taimi na asia ai i laua e le Samoa News i le taeao ananafi.
Na taua e Esther i le Samoa News lona fiafia tele ina ua mafai ona soifua mai si ana tama ulumatua i le aso o le kerisimasi, o se meaalofa sili fo’i lea mo le la aiga i lenei tausaga.
“O se fiafiaga sili lena mo maua i lenei kerisimasi, e le gata ua fanau mai ai le ma pepe ulumatua, ae o lea fo’i ua matou fai kerisimasi fa’atasi ma si o’u afafine i le falema’i”, o le saunoaga lea a le susuga a Jackson.