Ads by Google Ads by Google

Tama o le CIA

Ua nofonofo lava Eteuati i luma o le faapologa o le faletalimalo lea na nofo ai, ma maitau uma tagata ia latou feoaiga i le isi ituala.

Na matauina ai, le isi fale tele na e tu mai i luga o le mauga e faasaga sa'o mai i le 'aai, o se fale tele po'o le (mansion) lea e tu mai i le pito mauga.

Na maitauina foi e Eteuati lea e seasea ona vaai atu o feoai mai ni tagata i totonu o le fale, aua sa nofo lelei lava tama ma faaaoga lana mea-vaai e tilotilo ai i le fale.

Tasi le isi mea na maitauina e Eteuati, e vaaia lava e i ai lava tagata e toa fa e i luga lava o le fale, e tofu mai tulimanu, e iloa uma e i latou taavale e o atu ma o mai i le fale.

E loka lava le faitotoa i taimi uma lava, na vaai foi i le taimi na alu ai le isi taavale, oo atu i luma o le fale feosoi mai e fafo tagata e toa fa, ma vaaia loa le tagata ua savali mai i totonu o le taavale e ufiufi uma lona ulu ma nonoa i tua lima.

I le taimi lea na o le fealualu ai Sera, i lona ofisa e le mamao 'ese mai le telefoni, ua manatu lava ia ua toeitiiti vili mai Eteuati i le telefoni feavea'i pe vili sa'o mai i le telefoni o le ofisa.

A e le iloa ua toe foi le tama i le mea na aumai ai na ia e le vaega leaga.

Na oo lelei lava i le afiafi e le'i telefoni mai lava se isi, sa alu loa le teine o Sera i lana taavale ae te'i i le tatagi loa o le telefoni, e tali atu o le tama o Eteauti.

Pei o le a le mapu sela a se tagata ua leai se faatuatua, ina ua faalogo Sera i le leo a lna 'honey' o Eteuati, "Sole ua a mai oe ?." "Lea e lelei lava a, e leai se mea e te popole mai ai fua ia te au, pau le mea lea ua ou iloaina, e i ai le tagata lena i totonu o le ofisa lea e maua mai ai e le vaega lea ia faamatalaga."

Sa fai loa i ai Eteuati, "Vaai o a'u lea ua ou nofo nei i le 'hotel' lea i le 'aai lea, o lea oute mautauina le feoaiga o le vaega lea. O lena foi ua aumai foi le isi tagata ua maua e le vaega lenei, oute masalo foi o se atalii a se milionea. Ae aua te popole mai it a'u, o lea ua ou maua lou numera i le tusi tupe, lea na ou talaina mai le tupe lea ua faatau ai ou ofu fou ia."

Na fai atu Sera, "Se sau ia, tuu ai pea lena vaega latou ia ae sau ia mea sili lava o lena e te le'i afaina. Ae sau ia oe lou au, ua ou fia tago atu e opo mai oe…sau ia 'honey' ua leva lou fia pa'i ia te oe ma faamafamafa i lou fatu."

"E leai se e te fiu lava e opo, se'i iloga e vaai i ai le vaega lea, ua sese le tagata na latou ave faamalosia. O le mea o le vaai la i ai le vaega lea, se onosai mai lava i i'ina ae o le a matou tuli atu ma le vaega lea, a uma ou toe telefoni atu..love you honey."

I totonu o le ofisa o le CIA e i Peretania i Lonetona, na vili atu loa lava i ai Eteuati ma tau i ai i le 'field manager' poo pe tagata lea e pule i le faasoaina tagata faigaluega.

Poo le tagata taunuu uma atu i ai lipoti uma o tagata lea e i totonu o Europa atoa, ma fesili atu i ai poo ai ia, "Tau mai le numera o lou pine, ma ta'u mai poo le a lou 'code'."

Ta'u mai loa le numera o lana pine, ma lana 'code' ia tuu mai ai ma le manaoga, e manoamia le 'au fesoasoani e gata i le Army poo Marine e mana'o e fai nei i le 48 itula semanu o i ai le tagata o la e loka i totonu e le vaega lea.