Ads by Google Ads by Google

Tama Leau, Ae Fanaua 14 Tamaiti

Ua 'ese le isi faiga fou ua tula’i mai lenei vaitau o le atamai ua saoasaoa tele, ma ua latou faia ai ni fesuia’iga e mafai ai ona fa’afanau mai se pepe i se ulugali’i ua le mafai ona maua se pepe, ona o se tulaga le ma’alofia i le tama o le aiga, po ’o le tina fo’i o le aiga.

Lea ua i ai nei le ali’i ua 40 ona tausaga, e le’i o’o lava i le fai aiga, ae ua ia ofoina atu o lona suafanau ina ia tuia ma toe tuiina i se tina o se ulugali’i o lo ’o fia maua se la’ua pepe. O le tala mai, ua matua fiafia lea tina ina ua maua le tala ua to o ia, ae o le faiga fa’aonapo nei lea ua faia, e fa’afo’ia ai lea fa’afitauli. O le na ofo atu o ia, e le tatau ona ia fa’afeso’ota’ia lea aiga, pe na te iloa lelei fo’i po ’o ai fo’i le aiga sa aoga i ai lana foa’i.

O se tala malie, na 'ese lagona o le ali’i e le’i faia lava sa na teine, ae maise fo’i o sona to’alua, ina ua va’aia e ia ona foliga i le pepe a se tina sa toe sa'ilia le tama moni o lana pepe. Ua mafai ona fa’ailoa i le tina i le polokalama lea le tama o lana tama, e tusa ai ma fa’amaumauga a le foma’i ma le falema’i na fanau ane ai o ia.

Ae toe ‘ese la e a ona lagona? Ua fai mai lana tala, sa le manatu i lona olaga atoa, o le a va’ai i sona afafine, ae ua fiafia o ia, ua maua le avanoa e lea tama’ita’i e fiafia ai ma lona to’alua fa’aipoipo, ma tausia se la’ua pepe, o lona afafine lea.

Ua le gata la ina fetaui o ia ma lona afafine lea, ae ua toe fa’ailoa ane ia te ia, e 13 isi pepe ia ua i ai, o lana susuga lava le tama, ae fa’atasi lava ona foa’i e lenei ali’i ‘le au’ona sua mo le foma’i lea sa mo’omia lea ituaiga o fesoasoani mo ana ma’i fa’apitoa.

O le tala mai a le ali’i lea, e na’o le $100 na foa’i ane e le foma’i lea mo ia i lana foa’i, ae o lea ua masalomia ua milionea lenei ali’i ona o lana foa’i i le tele o nei pepe ua maua e ana ulugali’i sa fa’ato’ai ane o latou mana’oga. Ina ua osofa’ia lea ali’i talavou Trent Arsenault ia Tesema 2011 e le vaega a le US Food & Drug Administration, sa su’esu’ea au'ili'ilia ai lona fa’atau atu o nei foa’i ma ua fa’asalaina ai o ia i le $100,000 ma le toe nofo i le falepuipui mo le tausaga atoa, sa tete’e tele o ia i lea fa’ai’uga.

Sa ia fa’aalia, “Ou te le o agasala i le mea o faia nei, i le itu fa’akerisiano, o lo ’o tonu pea o’u ala, aua ou te le momoe ma tina nei e fia ma’itaga, ae o lo ’o ua maua le avanoa e ma’itaga ai ma fananau mai, i le ala mama lea ua mae’a saunia e le ali’i foma’i. O lo ’o fiafia lava i latou ma latou ta’ito’alua, tusa lava po ’o fa’ataua tane po’o fa’atauateine i latou, ae ua i ai le avanoa e tausia ai e i latou ni a latou fanau.”

saunia: Leua Aiono Frost