Ads by Google Ads by Google

Tala otooto o taaloga

O GUILLERMO RIGONDEAUX UA 'ESE MAI I TAMA FUSU UMA E O MAI I CUBA

 

I tama fusu uma e o mai i Cuba, e 'ese mai lava le tama o Guillermo nai o loo isi na o mai i Cuba, e 'ese lava le lelei i le taimi foi leana taua o le 'amateurs' 'ese le latou fusu pe polofesa.

 

E tama fusu lea na sosola mai i Cuba i le fia fusu faapolofesa i Amerika i le atunuu la e lata ane i ai, a'o le pona o le tele lava o tama fusu mai Cuba, e lelei i le le faapolofesa (amateurs) ae e fiu e tau sue ni a latou sikaili i le fusu faapolofesa, e seasea a umi o lelei i le faapolofesa e lelei atu i tama fou ae fiu i le tama tuai.

 

O Guillermo ua 32 tausaga a ua 11-0 talu ona polofesa mai, ua lua taaloga o le lalolagi ua auai i le siamupini ai a'o le vaitaimi la lenei o se Cuba muamua lea ua siamupini i soo se paga e fusu ai se Cuba.

 

O ia foi lenei ua na mauaina le fusi a le WBA i le paga o le super bantanweight, lea foi o le a fetaui ai ma le Filipino o Nonite Donaire i le HBO i le fusi o le WBA/WBO o le lalolagi.

 

SAUNINI LE BRUMBIES I LE VAVE O LE 'AU O OTAGO

 

Ua sauni atu nei le ACT Brumbies mo le latou taaloga ma le Otago Highlanders i le vaiaso nei, i le latou vaiaso na te'a nei i le latou tutusa ma le Kings e ta'i 28-28 ae o le Highlanders i le vaiaso na tea atu nei, lea na mao ai le 'au a Aukilani 'Blues' i le 29-18.

 

O le 'au a Highlanders e lei i ai lava se malo i le taamilosaga e moni lava e le'i i ai se malo, ae faigata uma a latou taaloga, o lea la na ta'e ai le ulu a le latou faiaoga o Jamie Joseph o lea na leaga ai le ulu i tama ia e taaloga i le All Blacks.

 

O tama o Aaron Smith ma Colin Slade ua malolo nei e sipea ae o atu i ai le Iapani o Fumiaki Tanaka ma le fesi o Hayden Parker i le taaloga lea o le fai ma Brumbies.

 

O le isi suiga a le Highlanders ia vaaia ai nei le tama Reuben Poki i le 'au, ia ma le pou la lena o Maafu Fia, ia ma le tama Chris King ia ma le taimi muamua TJ Ioane i le flanker.

 

Ia a o le 'au foi a Brumbies ia ua fai foi a latou suiga i le fulupeki ua me'i mai i ai Moggs ae me'i i le laina i tua Robbie Coleman ma Tevita Kurikuri lea ua sau me'i nei e sipea ae o Toomua ma Andrew Smith ma le alii Christian Lealiifano ua taalo nei i le tulaga o le 'center'.

 

MANUMALO LE ALII IAPANI O MIURA I LE FUSI O LE WBC FEATHERWEIGHT

 

Na manumalo le alii Sapani poo le Iapani o Takashi Miura lea na na luiina le fusi lea na ia Gamalied Diaz le sa i ai le fusi o le WBC, ina ua taofi e le laufoli i le taamilosaga lona iva ina ua vaai atu le laufoli ina ua pau faalua e lalo le alii Diaz ma ua le iloa se mea.

 

Lea la se'e atu nei lana rekoki i le 25-2-2 19KOs a le alii lea o Diaz ae ua me'i atu nei le rekoki a Takashi Miura lea ua atoa lana 32 tausaga i le 37-10-2 17KOs.

 

Na oo mai loa i le taamilosaga lona 4, ona sui atu le sikali a le ua fusu atu ai le alii o Takashi Miura o le taimi tonu la lena ua amata ai loa ona le iloa, e le Mexico se mea.

 

MALO FOI LE ISI IAPANI O AKIRA YAEGASHI I LE FUSI O LE FLYWEIGHT IA TOSHIYUKI IGARASHI

 

Na uma le fusuaga a le isi alii Iapani o Akira Yaegashi ma le isi alii Iapani o Toshiyuki Igarashi, na manumalo ai i 'ai e 115-110, 116-109, 117-108 ma ua se'e atu nei la rekoki a Akira i le 17-3-0 (9 KOs) e lona puipuiina lona lua lena o lona fusi ae se'e atu nei le Toshiyuki i le 17-2-1 (10KOs)

 

UA MANUMALO NEI SHARKS I LE LATOU TAALOGA MA LE CRUSADERS I AFERIKA

 

Ia lea lea ua faatoa malo foi nei Natal Sharks ia Crusaders na gata mai i le 2007 a'o lea faatoa toe manumalo i se taaloga manaia e 21-17 i le lua sikoa i le fitu o sala na 'a'a i le latou fesi (first/five) o Patrick Lambie i le pou.

 

O sikoa e tolu sikoa na maua e le Canterbury Crusaders na maua mai i le malosi o le laina e luma i le tele o le molo (maul) ma ave lava le polo e tusa e 20 mita le mamao o le mea e ave i i ai le polo.

 

Ia faasolo atu loa le polo i le laina lea e i tua, ma alu atu sikoa ai ma sikoa loa Matt Todd i le latou sikoa muamua.

 

Ia ma le isi sikoa na maua atu i le malosi foi i le foueti na ave le polo i luma, na i'u foi lava i tua i le laina lena i tua, maua le latou tama faasili (overlap) o Robbie Frueans ina ua toe 'oso atu ai i tua, ma maua lana avanoa, na sasao atu loa i le laina sikoa.

 

Ae e le faavaivai ai le kiki a le latou fesi o Patrict Lambie i sala e maua mai, e lua sala ma misi i kiki a Lambies ae fitu lelei ova lea na maua ai a latou 'ai e 24.

 

16 SUI O LE NRL I LE AU LIKI A SAMOA

 

E 16 alo o Samoa o lo o taaalo lakapi Liki i totonu o Niu Sila ua filifilia i le au liki a Samoa mo le agai atu i le taamilosaga o le Ipu a le lalolagi o le lakapi liki.

 

O ni isi o alo Samoa ua filifilia i le ‘au e aofia ai Roy Asotasi, Jeff Lima, Junior Sa’u, Kalifa Faifai Loa, Antonio Winterstein ma Eddy Pettybourne.

 

Ua faalauiloa foi le avanoa o le isi alo o Samoa e pei o Steve Matai mo le au a Samoa i le Ipu o le lalolagi, e ui o le a le taalo o ia i le taaloga a Samoa ma Tonga i le vaiaso nei, e tapena ai mo le Ipu o le lalolagi.

 

Sa vaavaai Samoa i le filifilia o se tasi o ana tama fanau tautaua i le lakapi liki ma le Iuni ia Sonny Bill Williams i lana ‘au, peitai o le taimi nei ua filifili Sonny e taalo mo le au a Niu Sila, le Kiwis.

 

O lo o i ai faatasi le Kiwis ma Samoa i le pool e tasi, o le ulua’i taaloga foi lea o le pool. O isi ‘au o lo o i ai i le pool lea e aofia ai Farani ma Papua Niu Kini. O le Kiwis o lo o umia le siamupini o le ipu o le lalolagi na faatoa maea atu nei.

 

VALOIA KEVIN BARRY LE LUMANA’I O DAVID TUA

 

Ua valoia e le pule muamua a David Tua ia Kevin Barry le tele o le avanoa e mafai ai ona avea Tua ma siamupini o le paga mamafa i le lalolagi, talu ona faalauiloa lona toe foi i totonu o le maea i le faaiuga o le tausaga na te’a nei.

 

I le atoa ai o le 10 tausaga talu ona valavala Barry ma Tua, na taua ai e le alii faiaoga i tusitala i Niu Sila e faapea, e tele lona talitonuga e mafai ona avea Tua ma siamupini o le lalolagi i le paga mamafa i se taimi e le o toe mamao.

 

O le vaiaso nei na faalauiloa ai i totonu o Niu Sila le avea o Barry ma faiaoga o se tasi o alii fusu ua amata ona a’e mai i totonu o Niu Sila, le susuga a Joseph Parker, 21 tausaga le matua, sa manumalo foi i ana fusuaga uma e fa.

 

Na taua e Barry i le au tusitala e faapea, e ui i le auleaga o foliga na faaiu i ai le la mafutaga umi ma Tua, peitai e le aoga ona toe talanoa i ai i le taimi nei, aua ua tuana’i ma te’a tausaga na tutupu ai ia faafitauli.

 

O le 1992 e oo atu i le 2003 na galulue faatasi ai Barry na Tua, ma o se tasi o tumutumuga o lea mafutaga na mafai ai e Tua ona lu’i le fusi o le lalolagi mai ia Lennox Lewis i le 2000 e ui e le’i manuia.

 

Fai mai Barry, e lei taitai goto le la o le olaga fusu o lo o nofo ma Tua, ma e i ai lona talitonuga o ni nai tausaga o i luma a’o le’i litaea Tua e avea ai o ia ma siamupini o le lalolagi.

 

TELE LE AVANOA E ONO LAVEA AI PESAMINO I LE AU TAITOA 7 A SAMOA

 

E tele le avanoa e ono aofia ai le igoa o le susuga ia Mikaele Pesamino i le lisi o le au taitoa 7 a le Manu Samoa, lea ua faamoemoe e auina atu i taamilosaga taitoa 7 e lua o lo o totoe a le HSBC, lea ua faamoemoe e faia i Sikotilani ma Enelagi i le amataga o le masina fou.

 

I ni ripoti mai Samoa o lo o taua ai le vaaia o Pesamino i le vaega o lo o koleni ai le au taitoa 7 a le Manu Samoa, sa faatasi mai foi o ia i le taamilosaga taitoa 7 a le TMO Marist Pago 7s sa faia i le vaiaso na tea nei ma taalo i lana kalapu o Vailele, lea foi na malaga mai ai faiaoga o le au a le Manu Samoa mo le filiina o le latou ‘au i lea taamilosaga.

 

O Pesamino na auai i le au taitoa 7 a Samoa lea na siamupini i le taamilosaga taitoa 7 a le IRB i le 2009-2010, sa avea foi o ia ma tama taalo a le IRB i le 2010.

 

TOILALO AU A NIU SILA IA AUSETALIA TAAMILOSAGA SUPER 15

 

O le toilalo ai o ‘au a Niu Sila i ‘au a Ausetalia i le taamilosaga a le Super 15 o lo o faagasolo i le taimi nei, ua tulai mai ai se fesili tele pe gafatia e au a Niu Sila ona toe faafetoai au mai Ausetalia i le faaiuga o le taamilosaga.

 

O le au a Chiefs lea o lo o umia le siamupini o le 2012 na faiaina i le au a Waratahs mai Ausetalia i ‘ai e 25-20, ae manumalo le Wellington Hurricans i le Force mai Ausetalia i ‘ai e 22-16.

 

O le taamilosaga a le Super 15 o lo o faagasolo i le taimi nei, ua maitauina ai le maualuga o le tulaga ua i ai au a Ausetalia, o le mafuaaga foi lea e ala ai ona lelei lana au tele i taimi o ana taaloga.

 

faaliliu: Toleafoa Haserola Auvaa & Ausage Fausia