FAIAINA CHIEFS I LE CRUSADERS

Ua tolu ai nei malo a le Crusaders i le latou taaloga ma Chiefs i le aso Toanai ua te'a nei, na o le tasi le sikoa na maua i le aso, Tom Marshall. Ao le tele lava o 'ai na maua mai i sala na aaina i le pou i fesi uma a 'au e lua, Gareth Anscombe a le Chiefs ia Colin Slade a le Crusaders.

Na ta ifo le afa o la e sili lava le Chiefs e 14 i le 6, na ta loa le afa mulimuli lea na tatou vaaia ai loa le lelei mai o le kefeni a le Crusaders, ua fiu le Chiefs e taumafai atu e pei lava o pou sima la e tau ai, i le malosi a le puipui mai a le latou 'au.

E i ai le taimi na atoa lelei le 26 o taimi na faaaoga ai le foueti i le toe faasauina o le polo i le tua i le laina i tua (phases), toe itiiti alu ai le 10 minute o i le Chiefs lava le polo, ae oo ina toe maua e le Crusaders, e leai se 'ai, e leai foi se sala i le lelei mai o le puipui mai a le Crusaders.

E ono sala na kikiina e Colin Slade ma ova ae lua na tau i le pou na toe fiti mai ma le ova, lea na maua ai le 18, ae fa foi sala na kikiina e G.Anscombe e ova uma, ae le ova le 'ai faaopoopo o le sikoa.

E faamaimai lava a le sau a le Crusaders i le amataga o le taamilosaga ao lea ua vaaia le lelei mai i le taimi nei ina ua tulaga lima i le faasologa o 'au i le e o i le (quarterfinal) o le pa'u ma nofo.

I le latou taamilosaga lea na alu i Aferika i Saute lea na o mai i leai ma se faiaina lea foi na faiaina ai foi le siamupini talu ai nei o le Lions, ia o 'au uma a Aferika ia faiaina i le Crusaders, lea na alai ona oo i le tulaga lima i le faasologa a 'au uma lea o Super 15.

O tulaga nei o 'au a le Super 15. (1) Sharks (SA) 7-1, (2) Brumbies (Aust.) 6-2, (3) Chiefs (NZ) 4-2-2, (4) Waratahs (Aust.) 5-3, (5) Force 5-3, (6) Crusaders (NZ) 5-3, (7) Hurricanes (NZ) 4-4, (8) Highlanders (NZ) 4-3, (9) Bulls (SA) 3-5, (10) Lions (SA) 4-5, (11) Blues (NZ) 3-5, (12) Reds (Aust) 3-5, (13) Rebels (Aust) 3-5, (14) Stormers (SA) 2-6, 15 Cheetahs (SA) 1-7.

UA MANUMALO NEI WARATAHS I LE BULLS MAI LE 2005

I le taaloga lenei a le Waratahs ma le Bulls poo le a leaga o le 'au lea a le Bulls i isi tausaga e vaai lava e le Bulls le 'au lea e malo ai, na amata mai lava i le 2005 o malo pea le Bulls i le Waratahs, na amata mai lava i le 'semifinal' o le 2005 se'i oo mai lava i le aso Toana'i lea ua te'a

I le 'oso mai i totonu o le laina lea e tua o Folau na faafete'i ai le laina lea i tua a le Bulls i le leai o se isi na kavaina mai le mea na alu atu ai Isarael Folau, ina sao Adam Ashley-Cooper ma pasi loa i a Folau, faasasa'o loa a Folau i le laina sikoa. I se sikoa vave tele e 28 sekone, oe tapa atu le latou laina i tua, ua toe o le 'aipefu le mea na i ai.

O le sikoa lea ua vave tele ona o le lelei o le faasologa o le polo i se taimi vave lava tele lea, ua lipotia mai i le tausaga lakapi lea o le 2014. O Folau lea na le'i taalo i le vaiaso lea ua te'a leaga sa leaga lona ua i le latou taaloga ma Rebels ina ua pu'e faalelei i le uigi a le Rebels, lea la na ave i tua si tama o Folau e taaloga e tolu, ae faasala le Rebel lena e taaloga e tolu.

Na uma loa ona o e matamata i le toalua Prince Williams ma lona toalua o mai loa i le afiafi ma faatutupa loa le Bulls i le aso lava lea, ona ua leva tele o pologa i le Bulls.

Ua aoga le latou malo lea i le Bulls, ua tulau ai nei la i le Pool a Ausetalia i le Brumbies, lea e sili i le 'ai e tasi, ae se'e atu le Bulls i le tulaga lua i 'au a Aferika i Saute i le Sharks.

I le manumau télé o le 'au Ausetalia ina ua toe tau lavea foi i le latou taaloga ma Western Force, na toe sau i tua e toe vaaia le foma'i, leaga la e masalosalo lava le alii foma'i ia Israel Folau, i lona ua.

I le popole télé o le tama lea o Folau, lea na ia sikoaina le sikoa vave lea, na toe aumai i tua Folau ina vaai atu le faiaoga e fai lava ma faapa le 'ua, lea la na toe aumai ai i tua ma siaki loa e le fomai.

I le fesi a le Waratahs lea na ia kikiina sala e fa ma le kikiina o le 'ai faasili i le sikoa, ma na popole i le afa mulimuli i le toe sau a le Bulls, ae ua tuu i o latou mafaufau o le taimi muamua lenei talu mai le 2005 o le tata'e ai nei le 13 taaloga o faiaina pea lava i le Bulls.

E PEI ONI FUSUAGA A 'AMATEUR' LE FUSUAGA A 'PACMAN' MA BRADLEY

I le fusuaga lea na uma atu nei a Pacman ma Bradley na faitio ai Mayweather Jr. 'pei o ni fusuaga a ni tamaiti, e faatatau le tala lena a Mayweather Jr. i le fusuaga lea na uma atu nei, na fai mai a ia, "Ana maua faapena sou avanoa i le tagata ua leva ona uma le fusuaga lea, ae faigata o le popole o Pacman ia Tim Bradley, ia faapena foi ona popole foi Bradley latou ia ia Pacman. Ua taufai tutusa lava le popole o le isi i le isi."

O Mayweathers ua 37 nei tausaga na atoa nei ia Fepuari o lona siofuaga ae ua (45-0 26KOs) na malo ia Oscar De Ha Hoya i le fusuaga lea na malo ai Mayweather Jr. i 'ai i le 2007, na toe fusu foi lea   foi lea Miguel Cotto na malo mamao ai ia Cotto ma manumalo ai Mayweather Jr ia Cotto ma maua ai le fusi o le WBA, na toe fusu i le tausaga lea ua te'a ma Canelo Alvarez ia Setema ma na maua ai le fusi o le WBC i le 154.

Ia ua maua ai fusi o le WBC o le 'welterweight' ma le fusi foi o le WBA i le 'light middleweight' ma le WBA o le 154 ia ma lana fusi o le WBA o le paga 150.

Ae fai mai le tala a Pacman, "Soia e te pisa soo, ae ua ou fiu le mea e lui oe, ae fai lava lou sola 'ese….o le mea a e manoamia o le sau e muamua lava ia te 'au ona e fai mai ai lea o nisi tala."

O le masina fou lea o le fetaui ai Maidana ma Mayweather Jr. i le paga o le 147 pauna i Las Vegas, ae fai foi Mayweather Jr. "O le fusuaga lea e vaai ai i le fusu a le siamupini mo'i lava lea, o le 4-0 ou fusuaga i le 'aupaga lena. O fea mea sili o le malo e leai se faiaina e te le fefe lava e lena rekoki."

faaliliu: Toleafoa Haserota Auvaa