Ads by Google Ads by Google

Tala otooto o Fa’amasinoga

MOLIA SE ALII 21 TAUSAGA I LE FAIAIGA MA SE TEINEITITI 15 TAUSAGA

 

O se alii e 21 tausaga le ua tuuaia i le faiaiga ma se teineititi e 15 tausaga, ma ua molia ai o ia i moliaga mamafa e aofia ai le faiaiga ma se teineitiiti e laititi i lalo o le tulafono; faia o uiga faasotoma; tagofia o itutinosa o se tamaitai, atoa ai ma le faia o gaioiga e ono lamatia ai le saogalemu o fanau laiti.

 

O lenei mataupu na tofu atu i le ofisa o leoleo i Tafuna, ina ua faila e le tina o le tamaitai na aafia sana tagi faasaga ia Utoaluga Siaea, i lona alu atu ma piki lana tama pe alu i le aoga, ma tuuina atu ai loa le suesueina o lenei mataupu i le Sgt. Det. Vaina Vaofanua.

 

I faamaumauga a le faamasinoga, o lo o taua ai le alu atu o Siaea ma piki mai le tamaitai o lo o aafia i le taimi e usu ai i le aoga.

 

Ina ua fesiligia e leoleo le tamaitai o lo o aafia i lenei mataupu, sa ia taua ai le alu atu o Siaea ma piki o ia, ona la o lea i se nofoaga ma la faiaiga ai. Sa maua le avanoa e fesiligia ai e leoleo le ua molia ma ia faamaonia ai faamatalaga a le tamaitai o lo o aafia.

 

E $35,000 le tupe lea ua faatulaga e totogi ona faatoa mafai lea ona tatala le ua molia i tua mai le toese, a’o faagasolo ai taualumaga o lana mataupu i luma o le faamasinoga faaitumalo i le taimi nei.

 

FA’AI’U I LE FA’AMASINOGA SE VEVESI NA MAFUA MAI I LE ‘FACEBOOK’

 

Ua molia nei ia Salelologa Tanielu ma Precious Grohse i solitulafono mama o le faaoolima i le tulaga tolu ma le faatupu vevesi i nofoaga faitele, ona o se fe’ese’esea’iga na tula’i mai i lo latou va ma le tamaitai na aafia i lenei mataupu.

 

I faamaumauga a le faamasinoga o lo o taua ai e faapea, na mafua lenei vevesiga ona o ni faaupuga i luga o le initeneti po o le ‘Facebook’.

 

O le aso muamua o Mati 2013 na telefoni ai le tamaitai na aafia i le ofisa o leoleo mo se fesoasoani, ina ua faaoolima ona tausoga tamaitai e toalua ia ia te ia i luma o se faleoloa i Nu’uuli.

 

Na taua e le tamaitai na aafia i leoleo e faapea, na faateia o ia ina ua ulufafo mai ma le faleoloa, ae aga’i atu Salelologa ma Precious ma fesiligia o ia e faatatau i ni ana tusitusiga sa tuu i luga o le ‘facebook’.

 

O lo o tuuaia e le tamaitai na aafia e faapea, sa tago Salelologa una’i o ia aga’i i le puipui o le faleoloa ae o Precious na tago ma toso atu lona lima, ae na oso atu le uso o le tamaitai na aafia ma taumafai e toso ese Ghrose.

 

Na palalauvale le toalua lea i le tamaitai na aafia ma lona uso ao la savavali ese mai le nofoaga na tupu ai le faalavelave, e pei ona taua i faamaumauga a le faamasinoga.