Ads by Google Ads by Google

Tala otooto mai le Lalolagi

FA'AMALOSI E SE ALI'I SE LO'OMATUA 90 TAUSAGA

 

KENYA - E 22 tausaga o se ali'i mai le atunu'u o Kenya ua taofia nei i le falepuipui, ona o tuuaiga i lona fa'amalosia lea o se olomatua e 90 tausaga lona matua. Na taua i fa'amaumauga a leoleo e fa'apea, na avea le ee leotele o le olomatua ma itu na laga atu ai lana tama ma lona to'alua e vaai pe i ai se mea ua tupu, ae maua atu ai le ali'i o Joseph Mwaura o lo o faia mai uiga mataga i le olomatua, ma logo ai loa e le ulugali'i aiga tuaoi mo se fesoasoani, mulimuli ane logo le ofisa o leoleo ma taofia ai loa le ali'i o Joseph. Na taua e le matua i leoleo, e fa'alua ona taumafai Joseph e faamalosi o ia, peita'i sa ia fautua i ai e le tatau ona ia faia lea uiga mataga, peita'i o le taimi lona tolu, e alu atu Joseph o lo o moe le olomatua i luga o lona moega, ma ia fa'atinoina ai loa le solitulafono e pei ona molia ai o ia.

 

LOKA ALI'I NA TAUMAFAI E FASIOTI LE MINISITA

 

JERUSALEM - E to'atolu ni ali'i Palesitina ua taofia nei e leoleo Isaraelu i le falepuipui, ina ua maua sa latou taumafaiga na fuafua e fa'ataunu'u, o le taumafai lea e fasioti alii minisita o le Va i Fafo a Isaraelu ia Avigador Lieberman. Na taua e leoleo e fa'apea, o taumafaiga a nei ali'i sa fuafua e faia, o le faatau mai lea o lokeki ma le fa'amoemoe e fana ai le ta'avale a le ali'i Minisita, pe afai e fo'i ane i lona aiga i luga o le West Bank. O lo o fa'aauau pea i le taimi nei le vevesi i le va o Isaraelu ma Palesitina, e mafua mai i le tuaoi i luga o le West Bank.

 

MALILIU NI TAMAITI SE TO'A 5 INA UA MU LE FALE

 

TEXAS - E to'alima ni tamaiti laiti na maliliu i le aso ananafi ina ua mu se fale i le tama'i aai na nonofo ai lo latou aiga, e mafua mai ina ua sasao se afi ma fa'atamaia ai le fale. Na taua i ripoti le taumafai o le tama e fa'asao lona aiga, peita'i e na o le tina ma le isi ona atali'i e 3 tausaga na mafai ona fa'asao, ae ina ua toe taumafai atu i totonu o le fale e fa'asao mai ola o lana fanau e to'alima o lo o i ai, sa faigata ona ua sasao tele le afi, aemaise ai fo'i sa taofi o ia e aiga tuaoi mo lona saogalemu. O tamaiti ua maliliu e aofia ai le 15, 13, 9, 6 ma le 5 tausaga le matutua.

 

FA'AMALOSI E SE ALI'I LONA GRANDMA MA TOE FASIOTI

 

E 22 tausaga o se ali'i ua taofia nei i le falepuipui i Kalefonia, ina ua masalomia o ia i lona fa'amalosia o lona grandmother e 76 tausaga le matutua, sosoo ai loa ma lona fasiotia o ia. Na taua e leoleo e fa'apea, o suesuega sa faia i le DNA na maua i le tino o le grandmother ua maliliu, e tutusa lelei ma le DNA a le alii o Jerome Deavila, lea fa'atoa atoa le 6 aso talu ona magalo mai i tua ina ua talia lana talosaga o le palola. O lo o tete'e malosi Jerome i tu'uaiga fa'asaga ia te ia peita'i o lo o malosi le talitonuga o leoleo, o ia tonu lea na fa'atinoina le solitulafono. E le i ma se isi o le aiga o Jerome na i ai i totonu o le potu fa'amasino i le taimi o lana iloiloga.