Ads by Google Ads by Google

TALA O TA'ALOGA

O JEREMY LIN

O le 'ma'a na tu'u lafoai e le tufuga fau fale, o lea ua ‘avea na ma'a-aupito a luga' o le igoa tonu lena e tonu ma tatau i le tama nei o Jeremy Lin.

O ia na fanau ia Aukuso 23, 1988 i Palo-Alto i California, e 6-3 i lona mamafa e 200 pauna, a ma sa aoga i Harvard University.

O se tama na fa'au’u mai ai i Harvard, i le Ivy League, na maua ai lona tikeri (degree) i le MIT, po 'o le Massachuset Institute of Technology.

E tiga ona maua le tikeri a lenei ali'i o Jeremy Lin, ae naunau lava ia ma alu lona mafaufau i le fia ta'alo i se 'au o le NBA.

Na i'u lava ina talia i le 'au a le Golden State Warriors, i luga e tasi le tausaga o lana konekarate (contract) ma o ia e i le tulaga lea e ta’ua o le 'point guard' i le tausaga atoa o le 2011.

Sa sea sea ona fa'ata'aloina o ia e le 'au a Golden State ae fa'ata’alo lava isi tagata e la latou faia’oga.

Na lavea o ia i le mea e ta’ua e ‘ave i le  'au a Houston Rockets, i luga o le (trading players) ma na o le nofo ma matamata i luga o nofoa, e sea sea fa'ata'aloina.

Ia ona te'i lava ua fai atu ai le Ofisa o le Houston 'Rockets' e sauni e alu i New York  Knicks ae fesu'iai ma isi tama e ta'aalo i se tulaga e mana'omia e le Rockets, ae sauni ia e o i le Knicks.

Ona toe tapena fo'i lea o Jeremy Lin e alu i New York, ma le le iloa lava o lo 'o i ai ia Lin se taleni o le pasikeki (basketball) o lo'i i ai ia Lin ae o le tu'uina ai o se avanoa e ta'alo ai.

O le oge o lea 'au o le Knicks i le tulaga o le 'point guard' lea na tete'i ai ina ua fai atu e sauni o ia o amata i le isi ta'aloga.

Le tele o le 'au maimoa ma le talitonu i lana ta'aloga muamua lava, na alu atu ai e fa'auma le ta'aalo ina ua lavea la latou tama amata lena i le ta'aloga ma New Jersey Nets.

O le ta'aloga la ma le Lakers, lea na amata ai Lin o lea o le a fa'aali sa'o ai loa e Lin, e le se mea ula lana mea lea na fai i le 'au a le Nets.

O lena na fa'aalia loa e Lin i le lalolagi i tagata ia na latou manatu mama ia Lin, e moni lava o lo 'o i ai ia te ia le taleni.

O lana ta'aloga muamua lea na ta'alo ai ma Lakers, na ofo le ‘au maimoa  i lena ta'aloga, aua o le 'au lea o le Lakers o lo 'o ta'alo ai Kobe Bryant, le tama ua iloa fo'i i lena ta'aloga.

Na maua ai e Jeremy 'ai e 38, 9 (assist) ma o le suiga lena ua o'o ai nei le New York Knicks ina ua ta'alo ai Lin, ma ua soso'o mai a latou malo i le ono (6) malo, ma ua iloa ai e i ai le taleni ia Jeremy Lin.

O le manatu maulalo i tagata o le lalolagi lenei, e maua ai le fa'aea o lea tagata, o Jeremy Lin ae na misi atoa e isi 'au ia na i ai muamua Jeremy Lin.

I le ta'aloga i le Aso Lua, na matua'i ofo ai le to'atele o tagata maimoa i le ta'aloga a le Knicks ma le Toronto Raptors, ina ua tutusa le ta'aloga i le ta'i 87, ma ua alu atu lava le taimi i le toe 5 sekone o lo 'o totoe na i ai Lin, e tua o le laina tolu (three points line).

Na va’ai atu loa Lin ua toe 5 sekone, ma o i'ina la na faga mai loa le tolu 'ai, na sau ma ulu lelei lava, sa laga atu loa la latou 'au i le talitonu i le to'a o le tama lenei.

Ua matua’i tumu le Madison Square Garden i le vaitaimi nei i le matamata i le 'au o le Knicks ae maise lava le tama o Lin, o le taimi nei fo'i ua alu i luga i le tulaga o miti afu po 'o togiga a Knicks i le numera 17 (Lin) i le $14miliona i le vaiaso e tasi.

I le fuafua atu i ai i ona 'ai i ta'aloga e ono (7) ia na ta'alo ai ma isi 'au, o le tama muamua lenei ua mauaina 'ai e 12.9 (average points) i le ono ta'aloga na ta'alo ai.

I le vave ona tautaua o lenei tama ta'alo, ua fai mea e iloa ai e tagata Amerika e so 'o se ituaiga mea tau fefa'atau'iga, ma le mana'o fo'i le Peresetene o Barack Obama e feiloa'i ia Jeremy Lin.

I le taimi lea e alu ane ai e fai ana fa'atosina i le palotaga i le 'aai o New York, o i'ina la ua feiloa'i ai Jeremy Lin.

Fa'aliliuina e Toleafoa Haserota Auva'a