Ads by Google Ads by Google

Tala o le Vaifanua

TA’ALOGA AFELETI A’OGA MAUALULUGAUa fuafua e amatalia le Ta’amilosaga Ta’aloga Afeleti, e tauva uma ai a’oga maualuluga e lima ua mae’a fa’amau o latou avanoa mo lea fa’amoemoe pe a aulia le aso Lua 12 Fepuari, 2013 i le Malae Ta’alo i Tafuna, mo a latou koleniga fa’apitoa.O a’oga maualuluga ua mae’a fa’aulu mai o Leone High, Faga’itua High, Samoana High, Tafuna High ma Fa’asao Marist High.O ta’aloga o le a tauva ai Afeleti e aofia ai, togi o le ma’a salafa, togi o le pulu mamafa, Moligafu’a 4X200, Tu’uga 100 mita le mamao, tu’uga 1,600mita le mamao, moligafu’a 4X100 mita le mamao, tu’uga 400mita le mamao, tu’uga 800mita le mamao, tu’uga 2000mita le mamao ma le moligafu’a 4X400mita le mamao.Ua iloga le tele le suiga ua i ai nei ta’aloga afeleti i totonu o a’oga maualuluga, aua ua tofi ma le Kalapu e fa’atautaia ai koleniga e amata afuafua ai le naunau o le fanua e tauva i nei fo’i ta’aloga. O le Kalapu Tamomo’e a le Ohana na amatalia i le tausaga ua te’a fa’atasi ai ma isi Kalapu ua fa’aosofia o latou fia fa’atula’ia fo’i ona o lea faiga, ua matua to’atele ai le fanau ua i ai le naunauta’iga e fia auai i ta’aloga Afeleti i lenei tausaga.O lo’o fa’atautaia lava koleniga i ala e fa’aleleia atili ai le taumafai i nei fa’agatama i le tausaga atoa i afiafi ta’itasi i le tatou malae ta’alo lava i Tafuna, ma e vala’au atu i le mamalu lautele o tupulaga e tino pa’e’e toe u’umi ma e iloa e i latou e feololo le latou manava e tamomo’e ai, “O mai, e te le o iloa po’o oe lea e i ai le pine auro i lea ta’aloga, ma o lau taleni fo’i le saosaoa i tamo’ega po’o le oso maualuga, ma togitogi mamao!”O se tasi o mea mata’ina lava, o le latou tamo’ega e tauva ai mo le Turkey o le aso Fa’afetai. Sa iloga ona to’atele i latou na tauva i lea tu’uga. O se tasi o lo’o naunau ia fa’aleleia atili lea fo’i fa’agatama o le susuga Clayton Mahuka, ma o ia fo’i lea o le sui o le OCIA, e ao ina fa’afeso’ota’i ane i le malae ta’alo, pe afai ua e lagona e mafai ona e fiafia e te tauva i nei fa’agatama ua lisia i luga.Pe afai e mae’a le koleniga fa’apitoa ia Fepuari 12, o le a faia loa le ulua’i tauvaga ia Fepuari 14, ona soso’o lea ma le tu’uga lona lua ia Fepuari 19 & 21, ae o isi tauvaga fa’ai’u ia Fepuari 26 & 28. O le sailiga o siapmupini e amatalia lea ia Mati 5 7, 2013, i le Veterans Memorial Stadium i Tafuna ma e amatalia i le 4:30 p.m.FA’AMAUTU AVANOA E A’OGA & TA’A’ALO AI ALO O ASI le aso fa’apitoa e sainia ai konekarate e a’o’oga ma ta’a’alo ai alo o Amerika Samoa i Kolisi i totonu o le Iunaite Setete, ua fa’amautu mai ai avanoa mo le to’a 12 o fanau nei, o e uma lava ua iloga le latou ola taumafai i le Football:Lancelot Te’i mai Tafuna High ua talia nei mo New Mexico Military Institute; Fa’au Levi mai Samoana High ua talia nei mo Arizona Western College;Emmit Sua-Kalio mo Washington State University-Div. I;Mahoniral Tuimaseve mo le Independence-Junioir College;Ieti Manu mo le New Mexico Military Institute-Junior College;Cleon Aloese mo Ohio University-Div. I;Cardiff Saini mo le University of Hawaii-Div. I;Jamie Tago mo le University of Hawaii-Div. I;Punefuolemotu ‘Rico’ Letuli mo New Mexico Military Institute-Junior College;Ben Waterhouse mo le Independence-Junior College;Arthur Husseini mo New Mexico Military Institute-Junior College;ma Daniel Etuale mo Washington State University-Div. I.Peita’i, ua fa’ailoa mai e i ai le isi to’atolu o alo o le atunu’u, o lo’o auai i latou i ta’aloga i Texas ua mae’a fa’ailoa mai fo’i le sainia ma fa’amau o latou avanoa e a’o’oga ai i Kolisi i fafo ma e aofia ai: Fred Lauina mo Oregon State University-Div.I; Malo Feuia mo UNLV-Div. I ma Daniel Fereti mo New Mexico Military Institute. E to’afa isi alo o le atunu’u ua fa’ailoa mai fo’i ua mautinoa o latou avanoa e aofia ai: Risati Mapu mo Benedict College; Ben Langford mo Eastern Mexico; Ma’anaima Lang mo Eastern New Mexico ma Bobby Steffany mo Angelo State University. I lea sauniga e ese mai i matua ma aiga, ae maise o sui ua agava’a mo nei fa’a’eaga fa’alea’oa’oga ma fa’agatama o talenia ai, sa auai ma le Asosi NGO a le Field House 100 American Samoa. O i latou ia sa fesoasoani malosi ina ia sailia avanoa nei ma fa’amautinoa lelei mo alo o le atunu’u ua iloga a latou taumafaiga i ta’aloga eseese fa’atasi ai ma latou a’oa’oga ina ia fa’aauau atu i Kolisi e fa’aaoga ai taleni ma saga saili ai le atamai lautele.Ina ia mafai ona so’oupu atu i le FH100 AS, e mafai ona alu i luga o le latou Uepesite fh100recruiting.com po’o le feso’ota’i ane i le fh100recruiting@gmail.com