Ads by Google Ads by Google

Tala Moni? Se Kailo!

Lapopo’a Vae o Shaquille Ioane?

I se ripoti na faasalalau e le TV3 NZ sa taua ai e faapea, o le alii Samoa o Shaquille Ioane, e 6 futu 5 inisi lona umi, ae 135 kilo kalama lona mamafa, ma ua iloa le tino ese o lenei alii, o ona vae e 20 inisi le tetele, ma ua faigata ona tau saili ni seevae e see ai, aemaise foi pe a alu i isi atunuu o le lalolagi.

I le taimi nei o le ali’i sili ona tetele ona vae i le Olopeleki o Luke Romano lea e se’e i le se’evae #17, ae o le ali’i o Alex Pledger e se’e i le #15 e soso’o ai.

I le taimi nei e le tele ni faleoloa e te maua ai na ituaiga o se’evae tetele, ae fa’afetai o lo’o maua. Peita’i, o lea ua sili atu i na se’evae le ituaiga o lo’o mo’omia mo Shaq Ioane, ia e atili ai ona le maua sona se’evae.

Ua matauina e si ona aiga, o le manumanu latou o Shaq i ona se’evae i so’o se taimi lava e maua ai, e le so’ona fa’aaogaina e ia, ina ia mautinoa ua i ai sona se’evae e se’e i taimi uma. O se mea fa’amomoi loto, pe a va’ai atu si ona aiga, ua amata ona masaesae ma leaga ona se’evae.

70 TAUSAGA O TUMAU LE ALOFA?

I le 70 tausaga ua te’a i le masina lava lenei o Iuni, na suia ai le va’ai a Niu Sila i le lalolagi o lo’o latou o soifua ai. Ua tulauele’ele i ai le Aeto po’o vaega ‘au a Amerika. I lea vaitaimi, ua atoa le tolu tausaga o fa’atautaia pea le taua lona lua o le lalolagi, ma ua to’atele fo’i talavou Niu Sila ua malaga e tau i le taua.

Ina ua tu laueleele mai Amerika, ma latou tautala e te fia ata i ai, ae o latou toniga matagofie sa fa’ase’egofie ai loto o tama’ita’i o Niu Sila. Ua iloa lelei fo’i e i tatou uma mea e tutupu ai. Ua o mai maligi ma avatu ai ma fatu o tatou tama’ita’i.

Ua toe o ese atu nei fitafita e tau le taua, ae nonofo pea i tatou ma tapua’i mo le 70 nei o tausaga? O se taimi umi, ae ua toe fo’i mai lava le ali’i Amerika o Richard Tracey e saili lana Norma sa ia fa’auo i ai a’o talavou lava i la’ua.

Ua tatou iloa, e tutupu taua ma fevaevaea’iga, ae le motusia ai le alofa, ua fa’apea fo’i lea mafutaga, e ui ina umi, ae sa le manatu Norma o le a toe taliu mai le ali’i fitafita e saili o ia i vasa e fia ma tausaga e 70 ua tuana’i nei.

Norma Whena Owens - lea ua fa’amatala i upu lava e 6 lea soso’oga o le alofa - Ou te alofa ia te oe!

MUSE: Usuina le vi’i o le Olimipeka i Lonetona

O le faili a le Rock mai Peretania, le Survival o le a latou fatuina le pese mo le Olimipeka e faia i Lonetona ia Iulai 27 e oo atu i le aso 12 Aokuso.

Na taua e le alii pese ia Matt Bellamy, o le taimi muamua lea o le a usuina ai le pese lea mo le Olimipeka.

O le aufaipese lenei a le Musu na atama mai il e 1994, ma ua tusa ma le 15 miliiona kopi o a latou lipine ua maea ona faatau atu. E toatolu sui o le aufaipese, lea foi sa fai le latou sao i le momoliina lea o le sulu o le Olimipeka mo le mamao e 8,000 maila.

E fa isi pese sa tusia ma fatu mo le Olimipeka lava, o le pese na fatuina e Elton John vs Pnau, pese a Delphic, Chemical Brothers ma le pese a Dizzee Rascal. O pese uma nei o le fa’ato’a fa’ailo ma peseina fa’alauiloa ia Iulai 15 se’ia o’o ia Aukuso 6, 2012.

saunia: Leua Aiono Frost