Ads by Google Ads by Google

TALA MONI, AE KAILO I AI SE

MAUA FAIGA TAU FAASESE I SIAKI O PENEFITI

O le alii e 72 tausaga mai Alaska lea na ia faia ni faiga tau faasese i ana siaki o loo maua mai i polokalame e taua o le Dividends a le setete o Alaska, ua faamaonia e le vaega faamalosi tulafono lona faia o ia uiga tau faasese,  atoa ai ma lona talosagaina o sona laisene ina ia mafai ai ona avea o ia ma tagata tulimanu i le vao.

Ua talia e William F. Ristow moliaga faasaga ia te ia, ma ua faamoemoe o le aso 27 Aokuso o le a lau ai lona faasalaga i luma o le faamasinoga.

O se tagata mai le ofisa faamalosi tulafono i Alaska na ia ripotiina faiga tau faasese a le Ristow o loo faia i polokalame a le setete.

O lo ua mautinoa e tauau e au le fa’asalaga atofa i lenei tama matua i lona toe totogia o le tinoitupe ua ia tala ma fa’aaoga mai le polokalama a le Tiviteni a Alaska, totogia se sala tupe ma i ai fo’i sona taimi e fa’afalepuipuia ai o ia. E le toe talia fo’i lona tutuli i eleele o lea setete e aofia ai lona fasia ma fa’aaoga o latou manu i le vaomatua.

TELE TAGATA NIU SILA SIITIA I AUSETALIA MO LE ELIINA O LE MAINA

Ua taua mai i ni ripoti mai Niu Sila le faatupulaia pea lea o le aofai o tagatanuu o lona atunuu ua malaga atu ma nonofo i Ausetalia, ona o le tulaga lelei o totogi o galuega o loo maua mai ai e pei o le eliina lea o le maina ma le auro, faatusatusa lea i totogi o loo latou maua i galuega i Niu Sila lava.

Fai mai ripoti na faasalalauina e le TV3 a Niu Sila, e silia i le afe le aofai o tagata e siitia atu i Ausetalia i le vaiaso e tasi e saili galue ai, ma ua maua mai foi i faamaumauga a le malo o Niu Sila, ua oo atu i le 483,000 le aofai o tagata na fananau i Niu Sila ua masii atu ma nonofo i Ausetalia.

Ua fa’ailoa mai, i le faitauga aofai o le atunu’u, o lea aofa’iga o tagata, ua silia lea ma le faitau aofa’i o lo’o alaala i totonu o le a’ai laumua o Niu Sila, Ueligitone. E mautinoa e le o o uma tagata e faigaluega i Maina saili auro a Ausetalia, peita’i, o le galuega lena o lo’o fa’ateleina ma ua totogi lelei fo’i i lenei vaitaimi.

Ua fa’ailoa mai i fa’amaumauga nei ua fa’ailoa ai, o le tasi i le lua avanoa faigaluega, o ni galuega mai le Maina Eli Auro i Ausetalia. O lenei fa’amaumauga na tusia a’ia’i mai e le tusitala o Kate King, ma o le a ia tusia nisi tala i le lumana’i e tusa ai o le “Gold Rush lona lua i le lalolagi - i Ausetalia, ae le o Kalefonia i Amerika i lenei augatupulaga.”