Ads by Google Ads by Google

Tala moni ae Ka’ilo

Fa’amavae Quinata mai le Tofiga Administrator o le EPA Guam:

Ua fa’ailoa mai e le Fa’atonu o le Matagaluega o le EPA i le malo o Guam, ua mae’a taua’aoina atu le tusi fa’amavae mai le latou matagaluega a le susuga Ivan Quinata, ma e amatalia i le aso lea fa’amavaega, Fepuari 15, 2012.

Peita’i ina ua fa’afeso’ota’i atu e le PNC News a lea malo le ali’i lea mo sana saunoaga i se mafuaga o lona tula’i ese mai lea tofiga, ae na ia fa’ailoa mai, “E leai sa’u fa’amatalaga e fia fa’ailoa atu e tusa o lea mataupu, ae talanoa i le Ofisa o le Kovana.”

O le tama’ita’i na talanoa mai o le Ofisa o le Kovana o Natalie Quinata, o le afafine o le uso o Quinata lea ua fa’amavae, peita’i, na ona ia fa’amautinoa mai le tulaga ua mae’a taua’aoina le tusi fa’amavae aloaia mai o Ivan Quinata mai lona tofiga i le EPA, ae le mafai fo’i ona ia fa’amaonia mai se mafuaga pe o se mea na fa’amalosia e fa’amavae, pe leai.

Peita’i, ua i ai nisi ua liki mai ai se fa’amatalaga, o le afuaga o le fa’amavae o Ivan mai lona tofiga, ona ua fa’amalosia e fa’amavae mai lona lea tofiga ona o lo’o i ai lava le su’esu’ega o lo’o fa’agasolo i totonu o matagaluega o le Malo, ae maise lava i totonu o le Kapeneta a Kovana Calvo.

Peita’i, ua fa’ailoa mai e se tasi o sui fa’asalalau a le Ofisa o le Kovana, e tauau lava e toe fo’i ane lava Ivan Quinata i lona tofiga sa i ai, aua e le o faia lava se tofiga fou a le Kovana i lona tofiga.

Tusia le Tala o le Faia’oga - Fa’asa ai ona toe a’oga

O se tasi o ali’i matua, 56 tausaga le matua, ua sailia lona fa’ailoga i tusitusiga i le Iunivesite o Oakland i Kalefonia, ua fa’asa ma le lotoa a lea Iunivesite, se’ia mae’a ona toe iloilo e le Komiti Fa’afoe o Oakland lona i’uga, ona o sana tala na fa’atonu e lona faia’oga e tusia ia te ia, ua faitau ai le faia’oga, ma ua manatu o ia, o lo’o solitulafono ana fa’amatalaga o faia ai i lo la’ua va.

O le mea lea e tupu, pe afai o le a toe a’o’oga tama ua matutua, ua sau fo’i fa’aupuga o tala a tama matutua, ua fa’amatutua o latou manatu, ma ua tau valevale fo’i i fa’alogona o le tama’ita’i la’ititi ae faia’oga ia le tama matua.

O le fa’atonuga o le tusigatala, e le o sopo tapula’a ai tama matutua, ua fa’ailo ma fa’amaonia, e le o solituina e le ali’i a’oga, le va o ia ma lona faia’oga, aua e le’i mua’i fa’ailoa mai e le faia’oga, e sa ni ituaiga tusitusiga fa’apea e tusia i totonu o le “Sionare” [Dairy] a le ali’i a’oga.

Manatua o le fa’aupuga o le “Sionare” e taga lou fa’ailoa patino o ou lagona i lau lava fa’amaumauga, aua e le tatau ona faitau ai fua se tasi, se’i vagana ua fa’atonu mai oe e lau faia’oga, e fa’ao’o atu se’i faitau ai!

Masalo o le tulaga ua toe gatete ai le fa’amoemoe o le tama’ita’i faia’oga lea, ua malolosi tele ma loloto tele fa’aupuga a le tama matua lea ua toe a’oga mai, ae a’oga mai fo’i e sailia sona fa’ailoga i tusitusiga fa’afilosofia fa’apea! Ua manatu le tama’ita’i faia’oga lea, ua taumafai le tama matua lea e matua ole lava o ia i ana tusitusiga.

O le tama matua e le o i ai ma se mea e gae’e ai e fa’ailo ona manatu i totonu o le vasega, a’o le’i faitauina fo’i e le tama’ita’i faia’oga lenei le “sionare” a le tama a’oga, sa maua lava ana A+ i le taimi uma, ae talu la ona faitau e le faia’oga le sionare lea ua le toe maua ni ona togi fa’apea, ae ua na’o D ua la’u mai. O le ala la lea o le tagi fo’i ua fa’aulu e lenei ali’i a’oga i le faia’oga lea i luma o le Komiti fa’afoe lava lea e tasi.

Ua va’ai atu, e tauau e le toe fa’atagaina fo’i e  Amerika i se vaitaimi, le toe a’o’oga o tama matutua ae faia’oga ai tama’ita’i talavou, ona o lenei faiga ua alia’i mai!