Ads by Google Ads by Google

TALA MAi SAMOA

Version:1.0 StartHTML:0000000223 EndHTML:0000019602 StartFragment:0000002695 EndFragment:0000019566 SourceURL:file://localhost/Users/pattypage/Desktop/09_25_13%20LE%20LALI/(w:%20banner)%20LAF%20Tala%20mai%20Samoa.rtf

 

 

(w/ banner)

 

 

 

Saunia: L.A.F./Naenae Productions

 

AMATA LE FAUSIA O LE MAKETI FOU I FUGALEI

 

E ui ua umi se taimi o talia ma ua tele foi faitioga i le tuai, ua amatalia aloaia nei galuega mo le fausia o le maketi i Fugalei.Ua faailoa mai e le pule sili o le Faalapotopotoga o Taui mo Faalavelave Faafuasei, le susuga Malaeulu Lose Niumata, le amatalia aloaia ai nei o galuega o lea maota fou talu mai nisi o gaioiga sa muai faatino, o se tasi o vaega e ao ona faamautu muamua lea na umi se taimi o tau faamaea.

 

Na faaalia e Malaeulu, o se tasi o vaega e ao ona silafia e le atunuu lautele, e le faapea e uma loa ona saini le konekarate, ona amata sa’o loa lea o le galuega. Fai mai a ia, e muamua ona fausia ma faamausali se fuafuaga ua taua o se “building design” ae lei amata faatuina le maota.

 

AMATA TAPENAGA A AU O LE A TAUSINIO i LE SUPER 4

 

O le aso Gafua na sei mavae atu nei na amata faagasolo ai koleniga a au e fa ua filifilia mo le taamilosaga o le Super 4, o au e fa o Upolu, Savaii, Manono ma Apolima, lea na seiina pepa ma filifilia ai ia au i le faaiuga o le vaiaso na te’a nei i se sauniga faapitoa na tatala aloaia ai lea faamoemoe, o lo o faipaaga ai le iuniLakapi a Samoa ma le kamupani gaosi ava malosi o le Vailima.

 

O le taimi muamua lenei o le a faatinoina ai lea taamilosaga i le atunuu, o se tofa na a’e i le faiaoga ta’iulu o le Samoa ‘A,’ le afioga Muliagatele Brian Lima, le faiaoga ta’iulu o le Manu Samoa, le susuga Stephen Betham faapea le pulega o le iuni lakapi a le atunuu, ma le faamoemoe ina ia sosoo le va i le tulaga tau tomai ma le faatinoga o le o taaloga, i le va o taaloga o kalapu ma le faaitumalo faapea le faavaomalo i le filiga o le Samoa ‘A’ ma le Manu Samoa. O le sauniga faapitoa i le faaiuga o le vaiaso na te’a nei na fofogaina ai e le minisita o Aoga, Taaloga ma Aganuu, le afioga Magele Mauiiliu Magele, le saunoaga autu ma ia taua ai le afuaga mai o se tasi o faamoemoe na tuufaatasia e le matagaluega, o le taamilosaga lakapi mo aoga tulaga lua uma i totonu o le atunuu i le maea ai o le ipu o le lalolagi i le faaiuga o le 2011.

 

Na faaalia e Magele, na o le fa au na amata ai lea taamilosaga i le 2011, o le tausaga na te’a e 18 au, ae ua faatupulaia nei lea fuainumera i le tausaga nei ona ua toeititi a leai se aoga tulaga lua e leai se au.

 

TATALA ALOAIA LE VAIASO MO E LOGONOA

 

Ua faatauaina e le malo le sao a i latou e logonoa i matafaioi ma tofi eseese ua galulue ai i totonu o le atunuu e pei ona saunoa ai le alii minisita o tagata e i ai manaoga faapitoa, o ia foi o le minisita o le Matagaluega o Tina ma Tamaitai, Atinae o Nuu ma Afioaga ma Aga Fesootai, le afiogaTolofuaivalelei Falemoe Leiataua, e tatala aloaia le vaiaso lenei ua faailogaina i Samoa ma le lalolagi atoa, e faataua ai i latou e logonoa.

 

O le autu o lenei tausaga o le, “Avanoa Tutusa Mo Tagata Logonoa.” Na saunoa Tolofua, “O tagata nei e ese le alofa i ai o le Atua aua latou te le lagona ni faaupuga mataga e tupu ai le toto maualuga ma tau pe ai le fatu.

 

E le tuulafoaia foi i latou e le tatou malo.” Na sainia aloaia ai foi i lea sauniga faapitoa le feagaiga i le va o le vaega faapitoa a i latou e logonoa a le aoga o le Senese ma le kamupani o le Business Systems Limited, o le a faatauina ai i lea faleoloa nisi o oloa ua gaosi e lea vaega faapitoa e faaaoga ai pepa ua tiai ua le toe aoga, e gaosi ai pepa po o cards mo faaipoipoga, o maliu ma isi sauniga faapitoa faapena.

 

FAAMANUIAINA SAMOA I SE FESOASOANI MAI LE UNICEF

 

O Samoa o se tasi o atunuu o le a faamanuiaina i le fesoasoani mo le fanau laiti ua faatupe e le malo Niu Sila, ina ia mautinoa e so o atoa le atunuu i tui puipui, aemaise lava le puipuiga o le fanau mai faamai e pei o le rupela, niumonia ma le manava tata.

 

O lenei fesoasoani ua aofia ai le tele o atunuu o le Pasefika ma ua faaauala mai i le itutino o le faalapotopotoga o Malo Aufaatasi lea e gafa ma le puipuiga o le fanau laiti po o le UNiCEF. O lo o taua i se lipoti a lea vaega, o fanau pepe ua fananau i atunuu e 14 o le Pasefika e aofia ai ma Samoa, e to’afa e maliliu i le aso, po o le 1,330 e maliliu i le tausaga, ae lei atoa se tausaga le matutua.

 

O gasegasee pei ona taua ma le tele o isi faamai, ua tele ina maliliu ai le fanau ae lei oo ina atoa se tausaga. E $6 miliona tala Niu Sila ua faamatuu mai nei e le UNiCEF i le Pasefika e faaititia ai lenei fuainumera o fanau ua uma o latou ola ona o le le atoatoa o togafitiga o lo o latou maua aemaise lava tui puipui.

 

Saunia: Lilomaiava Andrew Fa’asau, Naenae Productions