Ads by Google Ads by Google

Tala mai Samoa

FIAFIA A LEOLEO - MANUIA GALUEGA 2011

Na fa’ataunu’u se fiafia a le matagaluega o Leoleo a Samoa i le Aso To’ona’i na te’a nei, ua fa’afetaia ai ele Susuga le Komesina o Leoleo fa’atasi ai ma le taupulega, le galuega tele sa gapatia ai le vasega o Malu o le Malo i so’o se auaunaga o i ai i totonu o le Matagaluega.

O le Minisita o Leoleo, Sala Fata Pinati sa ia fa’afetaia fa’apitoa fo’i le aufaigaluega atoa, aua o le galuega ua matauina le si’itia o le tulaga o le tomai ma le taleni e fa’atautaia ai i lea fo’i tausaga ua tuana’i. O le fa’ataunu’uina o tiute ma le onosa’i i le tele o fita i le galuega, ma mea ia na sili ona fa’agaganaina e le minisita lana fa’afetai i ai!
Peita’i, e le o muta ai le galuega, ua tatou fa’afeiloa’ia fo’i lenei tausaga fou 2012 ma ona lu’iga e ao ina fa’ataunu’u.

O se mana’oga tutasi ua fa’ailoa mai e le afioga le Komesina o Leoleo, ua ia fa’aalia ai, “O lo’o itiiti pea le aofaiga o malu o le Malo mo le fa’aleleia atili o le auaunaga. I le taimi nei e na’o le 580 leoleo mo le malo o Samoa, ae ua fa’ateleina lava mea e ao ina aoaoina fa’apitoa ai i latou i ala o le tautua, ae maise i le o’o mai o tekonolosi fou i le atunu’u, e mo’omia fo’i ona fa’aleleia atili o latou tomai i nei masini ma ia iloa lelei ala e mafai ona solitulafono ai tagata i nei faiga fou.

Ua fa’ailoa mai, o le a i si le isi vaega o leoleo e papasi mai le kosi fa’aleoleo o le a amatalia i le masina fou lea a’oa’oga fa’apitoa.

TETE’E OFISA O AOGA I RIPOTI

Na fa’aalia le tete’e o le Minisita o A’oga i ripoti e fa’apea ua le toe faia su’ega a vasega 8 (Year 8 National Exams), e pei ona fa’amaonia e le sui pule o le minisita, o Doreen Tuala.

Sa ia fa’aalia le fa’ate’ia o ia ona o tala ua salalau e fa’apea ua taofi le toe faia o ia sue’ga.

Na fa’aalia e Tuala le taua o nei su’ega i totonu o a’oa’oga a le atunu’u aua e fa’amautu ai le kolisi o le a alu i ai lea tamaititi ma teineititi a’oga.  Na ia ta’ua fo’i le avea o nei su’ega ma lu’itau mo fanau a’oga fa’apea faiaoga.

Na ta’ua e se tasi o pulea’oga, afai ae taofia nei su’ega, o le a fa’apea ona taofi ai le fia taumafai o fanau a’oga, lea o lo o tauva i le taimi nei mo maka maualuluga aua ni a’oga lelei e o i ai.

Aumai: Samoa Observer

FOFOGA FETALAI:  AVE’ESE NOFOA PE A TOLU ASO E LE AUAI I FONOTAGA

Na toe fa’amanatu atu e le Fofoga Fetalai i sui o le palemene, i le amataga o le vaiaso, le tulaga e o’o i ai se sui faitulafono pe afai e malaga i atunu’u i fafo ma le auai i iloiloga a le palemene, mo le tolu aso, ae aunoa ma se fa’atagana mai ia te ia.

Na saunoa le susuga La’auli Plativao, ua ia va’aia fo’i ni isi o Faipule, ua fai sina tuai atu i iloiloga po o le na’o na o’o atu lava e fa’ailoa tino, ona toe mou ese atu lea.

Na ia ta’ua e fa’apea, e le tatau ona to’esea se sui faitulafono mai i lona nofoa mo le lua itula, i taimi ua nofoia ai le palemene. 

Sa u’una’ia e le palemia, le afioga Tuilaepa Sailele Malielegaoi ia le Fofoga Fetalai, ina ia fa’asala so’o se Faipule e solia tulafono ma le auai atu i tauaofiaga a le palemene.

FA’AMAONIA NA PULE SE FAIPULE SAMOA I LONA OLA

Ua mafai ona fa’amaonia mai e le ofisa a leoleo i Samoa, le pule o le afioga Leva’a Sauaso, i lona lava ola, i le vaiaso ua mavae.

O Leva’a na avea ma Faipule i le itumalo a le Aiga i le Tai mai i le 2001 se’ia o’o mai i  le 2006.

Ua silia ma le lima tausaga talu ona fa’ate’a lenei lava sui mai i lona nu’u i Apolima.

Aumai: Radio New Zealand