Tala i Vaifanua

TAUVAGA SIPELA  FANAU A’OGA

 

Ua toe fa’alauiloa atu nei i le mamalu o pule a’oga ma o latou sui pule, ina ia amata fa’ao’o mai a latou pili mo le fa’auia atu o le ‘au’aunaga o tusi sipela po’o laina o feso’ota’iga tau initeneti, fa’atasi ai ma le lesitala o igoa o latou a’oga, ina ia lava tapena ai mo le tauvaga sipela o lenei tausaga a’oga 2014.

 

O le tau ua ofoina mai e ta’i $103 ae o le a sala lau a’oga i se fa’aopoopoga e $75 pe afai ae toe lesitala mai ua mae’a lea taimi tamau. Mo a’oga tulaga lua taitasi, ua mae’a fa’atulaga mai so latou sui faia’oga e avea ma tagata e tatalaina atu i ai feso’ota’iga tau le Tauvaga Sipela, o ia lea e mafai ona fa’auia atu i ai kopi o mea nei: 2013 Ta’iala mo le Fa’aleoga o Upu; 2013 Ta’iala mo Fa’aleoga a le Vasega ma le 2013 Ta’iala mo Suesuega o le Tauvaga Sipela.

 

Manatua, o le vave ona totogia o lesitala ma fa’auia atu nei fesoasoani ma ta’iala aoga mo lau a’oga, o le lava tapena fo’i lea o tou sui filifilia e saili mai ai se Toa mo la outou a’oga, e tula’i i lea aso e sailimalo.

 

SEKI A OE! - A’OGA VILI ATA TIFAGA

 

Ua le toe fa’atali lava le Matagaluega o Talavou ma Tina, i le sailia lea o avanoa lelei e toe a’otauina ai le mamalu o Tupulaga ma Tina i matata eseese ia i’u lelei o latou soifuaga e ala i agava’a eseese e ono maua ai ni latou galuega, ae le o lea, e amata fa’atutu ai ni a latou pisinisi laiti.

 

Lea ua saili mai i latou e fiafia i lenei taleni o le pu’eata tifaga pupu’u pe ta’i 2 itula fo’i. Aua le toe fa’atali, ae fa’aulu lou suafa, aua o le pu’ega o ata nei, e ao ina e agava’a e fa’atino le tele o metotia eseese e fa’amatagofie ai lau ata tifaga o saunia.

 

Aisea e te le sau ai nei loa? Ua tele lava matata ua fa’asaga lenei matagaluega e fa’auia i o tatou ala ina ia saili ai se mea o e fiafia e fa’atino, peita’i, ua tatau loa ona e sau e fa’ata’ita’i, e le o iloa, pe o oe le isi Charlies Angel lea e saili mai.

 

“Tauvaga Ata Tusia” a le Kalapu a le Liona Fa’avaomalo
“Le Tatou Lalolagi, Lo Tatou Lumana’i” le manulauti ua fa’ailoa mai e le Kalapu a le Liona Fa’avaomalo, e tatau ona e tusia ai sau ata matagofie ma fa’aulu mai pe ‘ai tonu se manumalo mo oe, i ona fa’ailoga matagofie ua ofoina mai mo ata ‘aisilia.

 

Ua fa’atulaga mai la tausaga o le fanau a’oga e tatau ona latou tusia nei ata! Mai le 11 tausaga se’ia o’o i le 13 tausaga ua taulia i lenei tauvaga tusi ata.

 

Ua fa’ailoa mai e 23 isi fa’ailoga ta’i $500 e mafai ona taua’aoina e le Liona Fa’avaomalo mo nisi o le a le lautogia mo le fa’ailoga muamua, peita’i o le e fa’amanuina lana ata i le tulaga muamua e malaga ma le peresetene o lana Kalapu Liona, i le fa’atasiga o le Kalapu a le Liona ale UN i le a’ai o Niu Ioka.

 

E le mailoa po’o o oe lea e tusia lea ata o le a manumalo, alofaiva ane loa oe lena le tamaititi e 11-13 tausaga, e tusi sau ata e fa’aautu ane i le Lalolagi o lo tatou lumana’i, ma e tatalo i sou fa’aeaga sili e maua ai.

 

O le a fa’ao’o uma nei ata i le Faletusi a le Malo, Feleti Barstow i Utulei, ae fa’amuta fo’i lenei tauvaga ia Novema  8, 2013.

Comment Here