E ATOA 100 TAALOGA MEALAMU I LE ALL BLACKS

O le aso Toonai lenei e atoa i ai le 100 taaloga a le alii Samoa o Kevin Mealamu mo le au a le All Blacks a Niu Sila, talu mai le 2002 ina ua faatoa filifilia o ia i totonu o le au, i le malaga taamilo na alu i Peretania ao avea le alii o John Mitchell ma faiaoga o le au.

Na amata taalo Mealamu i le au a le aoga o Aorere ina ua faatoa 16 ona tausaga i le tulaga o le flanker, o le taimi nei, ua atoa le 17 tausaga talu ona taalo lakapi o ia.

O le 1999 na piki ai Mealamu i le au a Aukilani mo le taamilosaga a le NPC, ae o le 2002 na filifilia ai loa i le au a le Auckland Blues i le taamilosaga a le Super 12, lea ua suia nei i le Super 15.

O se tasi o itu e faagalo gata ai le atinaeina o le taalo lakapi a  Mealamu, o le taimi sa tau a’o ai le togiina o le polo pe a fai “line out”.

TOE 'AAMI OTAGO 'HIGHLANDER' BRAD THORN

Ua toe aami e le Otago Highlander le alii o Brad Thorn lea ua 37 tausaga lona matua e taalo mo le latou au i le taamilosaga o le Super 15 i le tausaga fou.

O Thorn sa aofia ai i le au a le All Blacks lea na siamupini i le Ipu o le lalolagi i le 2011. O Thorn ua 59 ana taaloga mo le All Blacks.

Ia uma loa le Ipu o le Lalolagi ona alu loa lea i Iapani i le 'top league' ma taaalo mo le tausaga e tasi lea na siamupini ai foi i lena taamilosaga sosoo atu ai ma le au lakapi ua taua o le Irelani e igoa o le Leicester lea foi na siamupini ai i le tausaga lea ua tea.

Pei ona faamatala ai le faiaoga a Otago, Jamie Joseph, lea faatoa taliu mai i Iapani, "Oute manatu o le oo mai o Brad Thorn i le tatou 'au o se mea e vaai uma i ai tama taaalo i le lakapi i le tausaga fou, o le a tele mea e fai agai i le alualu i luma o tama laiti. O ia o se tagata ua maoa'e tele i lona faiga o tolegiga."

Fai mai le Alii Pule o le Pulega, Roger Clark, "O le mea mautinoa lava e leai se tau vaaia ua i ai le suiga o lenei tagata o Brad Thorn, o la e vaai pea le tumau pea o lona lelei. O lea lava e iloa lelei lona lelei i soo se taimi lava e taaalo ai."

FAASI’USI’U MATA PULEGA LAKERS IA LeBRON JAMES

E le o mautu mai lava i le taimi nei pe saini e le pulega a le Lakers le alii o LeBron James e taalo mo le Lakers pe a maea lana konekarate o le 2013.

E lua isi 'au la e faatalitali i le LeBron James o Memphis Grizzlies ma le Houston Rockets o lea uma e faatalitali i le tausaga fou pea mae'a le konekarate a LeBron James.

O isi 'au uma lava na e 29 e o i le mea e igoa (Early Termination Option) i latou ia latou tama ta'alo i le taufaiga o se tagata o tele lona konekarate i talafeagai ma totogi a LeBron James.

Ae peita'i e na o le Lakers e fetaui le totogi lea e totogi ai Kobe Bryant ma le totogi lea e mana'o ai LeBron James, pe a fai o le ritaea ia Kobe i le tausaga lea pe a mae'a le liki.

O LeBron James o loo taalo nei i le 'au a le Miami 'Heat' ae o le tausaga fou e uma ai lona konekarate 2013.

Na stampini i le tausaga nei, ae fai mai ua amata ona le fiafia le tama o LeBron James i le au vaega lea e taua (supporting cast) po'o le 'au vaega o le latou 'au.

Fai mai a ia, "E lelei ao o le pona, ua amata ona lavevea mai tama ia e faamoemoe i ai, e i ai le tama Dwayne Wade ina lavea gofie lona tuli vae ma le Center o Chris Bosh, lea foi ua lavea foi lona tuli vae."

Faaliliuina: Toleafoa Haserota Auvaa