SAUNI ANDRE E PUIPUI LANA FUSI I FUSUAGA

O le po nanei lea ua faamoemoe e fusu ai le alii fusu o Andre Ward ma le alii o Chad Dawson i le aai o Kalefonia, mo le puipuiina o le fusi a le alii o Ward i le aupaga o le super middleweight.

O Ward, e fai isi faiaoga fusu, e le'i maua e ia le malosi o le tu'i o se tagata siamupini o le lalolagi, a fuafua atu i ai, e malo lava ia ona fusuaga uma i le vave o le lona fusu.

Ae le'o i ai ia ia se tu'i paoa (power punch) i le ali'i lenei o Ward, ae pau le mea lea e i ai, o le vave o lana fusu e fai ma mea e fiu ona paga e tuli le ali'i lenei.

Fai mai le ali'i na ta'alo lakapi i le 'au Oakland Raiders, Napoleon Kaufman o le uo lelei lava a le alii fusu lenei o Andre Ward, "O Ward o se tagata lotu i le lotu o le Well Christian Community lea e faifeau ai Kaufman, o Ward o se tagata e tausa'afia i lenei 'aai o Oakland, ma o se tagata fo'i e fesoasoani tele i mea tau i le faiga o mea e fia mana'omia e le latou taulaga.

O se tagata lotu e fiafia tele e lotu ma o le tagata e fiafia tele e talanoa i le Tusi Paia, ma oute talitonu o le mea lena e fiafia ai le Ali'i Fa'aola e fesoasoani ia Ward i lana taleni.

O le tagata e loto maulalo ma o le tagata e loto fesoasoani tele i isi uso a tagata, "Leitioa a maua pea e ia le manumalo i le 15 tausaga lea talu ona fusu fa'apolofesa, ma e le'i iloa e ia se faiaina, ona o le toaga i le lotu."

MANUMALO TARANAKI I LE TALITA

I taaloga lakapi o loo faagasolo a kalapu lakapi i Niu Sila i le taimi nei, na manumalo ai Taranaki i le talita i le la taaloga ma Hawkes Bay i ai e 22-6. O ai a Taranaki na maua mai i a latou sikoa ae o ai a Hawkes Bay na maua mai i sala na kiki e le latou first five eight i le pou.

O sikoa a Taranaki na maua i sikoa a le fulupeki ma le latou flanker faatasi ai ma sala na aa e le latou first five eight i le pou.

FAIAINA BAY OF PLENTY IA COUNTIES MANUKAU

Na faiaina mataga le au a Bay of Plenty ia Counties Manukau i ai e 13-47 i se taaloga mataina sa faia i le malae a Manukau i le faaiuga o le vaiaso nei. Na taua e le faiaoga a Manukau ia Tana Umaga, o taimi faigata o le taaloga e iloa ai le au lelei ma malolosi.

Na fesiligia e le 'au fai nusipepa, "O le a le mea e fai i le taimi o lo'o puipui atu i le 'osofaiga o le isi 'au." fai mai a Tana, "Ou tou vaai i le taimi lea e puipui ai le 'au a le All Blacks, a tou nofo lelei ma maitau le ta'aalo a le alo o Samoa lea e ta'aalo i le laina i tua, SBW, Ma'a Nonu. E 'ese lava le pu'e lena e pu'e ai le 'au to'alua lena i le laina i tua a Niu Sila. O le mea tonu lena e iloga ai le 'au Samoa i le tulaga lena, o le tulaga fo'i lena e le soona tu'u i ai se isi tagata, e pei a o le tulaga lena o le 'au Samoa. Lelei le fa'aaogaina o le latou malo, toe lelei le fa'aaogaina o latou pu'e."

O le ali'ii Sherwin Stowers a ia lea sa na faia le osofaiga lea e o mai ai tagata e taofiofi ia ia, ae fa'aaoga ai loa lona 'offload' lena e mafai ai ona maua se avanoa o le latou 'center' o Adam Cathcart ma sikoa.

Phil Burleigh o le 'au a le Bay Plenty o le fesi a le Bay Plenty lea sa to'alua mai ma le uigi saosao lava e igoa ia Nick McCashin na pau lena o tama ta'aalo o le laina i tua, na tau fai i ai se fa'atatauga a le Counties.

E fiu lava le mea e taumafai atu le 'au a Bay Plenty ao ua le mafai ona taofiofi le lelei uma o le 'au a Counties i le latou faiga i le ta'aloga atoa i 'ai na e 47 - 13.

E ta ifo le afa, ua 34 - 8 'ai i le malologa na toe maua 'ai e 13 a le Counties ae maua 'ai 5 a le Bay Plenty i le afa mulimuli.

Fa'alilu: Toleafoa Haserota Auva'a