ILOGA PEA TALAAGA O RAY LEONARD TAALOGA FAIPELE

E oo mai lava i le taimi nei o loo lauiloa pea le pine auro na maua e le alii fusu Amerika o Ray Leonard na maua i le 1976 seia oo mai i le taimi nei.

E le mafai ona galo i le mafaufau le tausaga e 1976, i le ta'aloga o le lalolagi lea faia i Canada i Montreal, sa i ai se tama meauli e mata'utia lana fusu, o ia lea o Ray Leonard ina ua faatoa 20 ona tausaga, lea sa fai ma sui o Amerika i le aupaga o le welterweight, lea na fetaui ma le tama fusu mai Cuba o Andres Aldama. E le ola se tagata e fusu ma le Cuba lea, ona o le malolosi o ona lima, o se tagata e le'i faiaina lava talu ona fusu.

E musu fua le tagata pe afai o le a fetaui ma Aldama, e o'o lava i le quarterfinal, o le iuga lava lena e tasi e o'o i ai, o le KO lava, e o'o i le semifinal sa fusu ai le Cuba lea ma le Bulgaria o Vladimir Kolev.

Na leai se avanoa i le faiga a le Cuba lea o Andres, na ave i fafo i le 'stretcher' po'o moega e ave tagata, le mafuaaga lena na leai ai se isi e talitonu e i ai le tagata lea o Ray Leonard e faiaina ai le Cuba.

Fai mai le ali'i sa fa'asalasalauina le fusuaga o Howard Cossell, na o'o loa i le fusuaga o le Pine Auro o le light-welterweight, sa pau lava le itu na fautuaina ai Leonard, ia sola 'ese ma le agavale a Andres Aldama..

Sa leai se manatu e mafai e Leonard ia Aldama, ae ina ua amata le fusuaga, na matua fiu le Cuba e osofai le alii Amerika, sa lelei lana puipui, sa vave foi lana vaai ma lelei lana osofa'i, ma maea ai loa le fusuaga ina ua manumalo Leonard ia Aldama.

FILIFILIA KIRWAN FAI MA FAIAOGA BLUES

Ua filifilia nei le alii logologoa a Niu Sila i le lakapi o John Kirwan e fai ma faiaoga o le au lakapi a le Auckland Blues, e sui tulaga i le alii faiaoga sa i ai o Pat Lam sa faiaoga i le au mo le lua tausaga sosoo.

E 4 malo ae 12 faiaina a le Blues i le taamilosaga o loo faagasolo nei, ma faia ai loa le faaiuga ua tatau ona sui le faiaoga.

O Kirwan sa taalo i le Olopeleki a Niu Sila mai le 1980 e oo atu i le 1990 i le utlaga o le uigi. Sa aofia foi o ia i le au a Niu Sila lea na siamupini i le Ipu o le lalolagi i le 1987.

E i ai le fa'amoemoega o le a mafai e ia ona taofi e ia ia Ma'a Nonu ma Piri Weepu mai le toe o atu i la kanokarate i atunu'u i fafo.

"Ua fai se umi na o le toe au ai i le Super 15 na gata lava i le 2002, a'o taua o le Super 12. Ia o le a fa'amoemoe lava i ana tama ia ua tofia e lagolago ia te 'au, pei o Andy Dalton ma Gary Whetton mai Auckland "Blues' i le mea na masani mai ai."

Fai mai a le ali'i o Whetton, "O Kirwin o le a toe taumafai e lalaga mai le mataga sa i ai le 'Blues' mai le avea ma siamupini i tausaga ua mavae.

O Kirwin o ia e to'atolu ai i latou na filifili ai se faiaoga fou o le 'Blues' e i ai le ali'i lea o Kieran Crowley sa faiaoga i le 'au a Taranaki ma le ali'i lea sa faiaoga i le 'au a Canada.

Fa'aliliu Toleafoa Haserota Auva'a