Ads by Google Ads by Google

TALA I TA'ALOGA

UA RITAEA NEI LE ALI'I O 'SUGAR' SHANE MOSLEY

Ua faalauiloa le malolo litaea o le alii fusu o Sugar Shane Mosley mai le toe fusu i le maea, le taaloga sa ia fiafia e fai mai ina ua faatoa 8 ona tausaga, o le taimi nei, ua 40 tausaga o lona matua, talu mai taimi sa avea ai o ia ma siamupini i aupaga o le lightwelterweight, welterweight ia ma le Jr middleweight.

O le nei ali'i na faiaina fa'alua ai ia Oscar De La Hoya ia la fusuaga ma o lea na fai mai ai, "Oute fiafia tele i le vaitaimi na ou fusu ma faia lenei taleni, e le ai se taimi oute fiafia i ai, pau le mea lea ua ou lagona ua ou matua. O le a oute fa'amavae atu ai nei i lenei mea e ta'u o le fusuaga."

E ritaea mai o ia ma lenei taleni ua atoa ai 46-8-1, na amata ona fusu mai o ia i lona 8 tausga ma sa siamupini fo'i o ia 'ao le'i avea ma polofesa po'o le 'amatuer' e fa'atolu lelei ona siamupini i le U.S. ma le pine apamemea i le Goodwill games i le tausaga e 1990.

Na amata loa lea ona fusu fa'apolofesa ma o lea na siamupini ai i le fusi o le Welterweight ina ua faiaina ai le siumupini o Oscar De La Hayo i le tausaga e 2000 ma le Middleweight i le 2003.

O le ulua'i siamupini fo'i i le IBF i le paga mama po'o le Lightweight i le 1997 lea tausaga lava lena na manumalo o ia e avea na tama fusu i lena tausaga, 'Boxing Writer Association of America.

I lana fusu'aga mulimuli ai nei a i le aso 5 o Me i le tausaga nei, i le po lea na fetaui Floyd Mayweather ma Miguel Cotto, lea la na fetuai ai ma le tama Mexico ua alualu i luma lana fusu, Canelo Alvarez e le'i i ai se faiaina, le fo'i ma matua'i leaga faia ai Mosley.

O le aso 25 o Mati na fai ai lana fa'aluiiloa ai lona ritaea mai i le fusuaga.

FAIAINA AUSETALIA IA SCOTLAND

I se ta'aloga matagofie toe faigata lea na faia i le va lea o Scotland ma Ausetalia i Ausetalia i le malaga fa'atamilo a le 'au Scotland, i le taimi atoa o le ta'aloga na finau 'au e lua i le taimi uma lava o le ta'aloga.

Sa o'o mai i le fa'aiuga o le ta'aloga o ta'i 6 i le 6, pe toe 1minute ma sekone ae fa'asala loa  Ausetalia e laufoli, ma na kikiina loa e Scotland ma ova loa ma na uma le taimi o tumau pea i le leai ona sikoa na maua e nei 'au e lua.

UA RITAEA FO'I RONALD 'WINKY' WRIGHT I FUSU'AGA

Ina ua fa'atolu lava fusuaga o faiaina ai le ali'i fusu o Ronald 'Winky' Wright o le ali'i na avea fo'i o ia siamupini i vaitaimi 'ao laitiiti, ao lenei ua 40 tausaga o lona matua ma ua le toe maua lana vave na i ai.

O le 22 tausaga talu ona fusu fa'apolofesa mai o ia, o ia na siamupini na fa'aiogaina ai o ia o le siamupini tu'ufa'atasi o le latou 'au paga lea o le Light-middleweight.

O le tagata e agavale lea na faiaina ai ai le ali'i Amerika o 'Sugar' Shane Mosley i le tausaga e 2004, i le tausaga e 2001 lea na manumalo ai i le fusi o le IBF i le latou paga o le light-middleweight.

Se'i o'o mai i le tausaga i le 2004 lea loa na avea ai loa ma siamupini i le latou 'au paga uma lava ina ua faiaina ai le ali'i o 'Sugar' Shane Mosley, na toe manumalo fo'i i le 2005 ia Shane Mosley.

Na fa'asolosolo atu ai lea ia Felix Trinidad i le tausaga e 2006, ona tutusa lea ma Jermain Taylor i le fusuaga o le fusi a le WBC, ona soso'o ai lea ma le ali'i Ghana o Ike Quartey lea na faiaina ai le Ghana lena ma ritaea ai loa.

Ina ua uma le 25 o fusuaga o lona ulua'i faiaina muamua lava lena o le fusi o le lalolagi i le isi ali'i agavale mai Argentina o Julio Cesar Vasquez i le 1994.

Se'i o'o i le tausaga e 2001 lea na manumalo ai loa i le lalolagi, e ritaea ifo ae ua atoa lelei ana fusuaga e 51-6 ma ua atoa ai fo'i le 40 tausaga o lona olaga.

Sa taumafai atu ia Paul Williams i le tausaga 2009 ma Bernard Hopkins i le tausaga e 2007, o i'ina la na iloa ai Wright ua tau ina uma atu le malosi.