Tala i Taaloga
O TAAMILOSAGA O LE SUPER 15
Ua fai si leva ona amataina le taamilosaga o le Super 15, lea ua alu le lona 6 vaiaso talu ona amata, lea ua vaaia ai le 'au o le Sharks a Aferika i Saute mai le 'aai lea o Durban lea na manumalo i le vaiaso lea ua te'a i le latou taaloga ma Wellington Hurricanes e 27-9.
I lea taaloga na vaaia ai le lelei o le Sharks i le puipuina o le polo na fiu le Hurricanes e tau fao 'ese mai pea maua nei e le Sharks le polo, toe toe lava a atoa le 7 minute o i ai pea i le te'i latou le polo.
Na i'u lava ina maua ai isi ai a le Sharks ina ua faasala i le laufoli le 'au a Hurricanes i le latou itu o le malae, lea faaopoopo ia la latou 'ai ma maua ai 27-9.
VAE LONA FA I LE FITU O TEINE
Lea ua oo nei i le vae lona fa i le taamilosaga a Fitu a Tamaita'i lea o le a faia i Saina ina ua uma mai Brazil i le vae lona tolu, o le faiga o taaloga nei e fai i Saina i le University Town Stadium i Guangzhou ia Aperila 5 ma le 6.
I le aso muamua e fai ai taaloga i Pool ona oo lea i le aso lona lua o le fai loa le pau ma nofo poo le 'knock out round', ma o le a iloa poo ai a Niu Sila ma Ausetalia lea o loo tutusa 56 i le tulaga muamua.
Sosoo ai lea ma Kanata e 48 pito loa i ai Russia e 40 sosoo ai ma Enilagi e 34.
I le Pool A e taalo mai ai Niu Sila, Spain, Brazil ma Saina ia o lea la o le fetaui atu ai ia Ausetalia latou Enelagi, Irelani ma Fiti, a o le Pool C e fetaui atu ai Kanata, Russia, USA ia ma Falani.
O le tala la lenei a le IRB le Ta'ita'i o taamilosaga o Mark Egan, "E le toe mamao 'ese atu ia taaloga o le lalolagi poo le Olimipeka, a o le auala lelei lea e vaaia ai le taufai finau malosi uma mai o 'au nei, ona o le tausaga muamua lea ua fai ai le taamilosaga a teine, ao lea ua vaaia ai le lelei ma alualu i luma o le fitu nei a tamaita'i, ia faaauau pea ia le lelei o nei 'au pe afai e auai mai isi atunuu."
DEANTAY WILDER, O LE SAUGA FAALUA LEA O MIKE TYSON
O le tama Deantay Wilder o se tama fusu e le toatele isi tagata e faiafusuaga, e fai mai a latou, o le Wilder e le'i fetaui a ma se tagata fusu e lelei lava, le tagata e i totonu o le Top 15 a le 'heavyweight' tusa pe ua (31-0-31KOs) ae le'o fiafia lava nisi tagata, ona e le'i fetaui lava ma se tama fusu i totonu o le Top 15.
Ae fai mai le tali a le pulega o Wilder, "E fiu le mea e faatalitali se ioega mai a tama o se tama e i totonu o le Top 15, e le tali mai lava, e fiu la latou tama e faatalitali se tali mai ae mumusu le 'au vaega lena e i totonu o le Top 15 o lona uiga la, o le tagata e luiina ia Wilder, e fusu loa Wilder ma soo se tagata."
O le tele o paga ia e fufusuma Wilder, o tagata fusu lava e lavea i le Top 25, le mafuaaga la lena e fetaui ai ma le isi vaega lea e i lalo atu o le Top 15, na o le pau le mea na iloa nei i lana fusuaga lea na faia nei ma le tama o Scott i Puerto Rico, lea na o le 22 sekone.
Ae fai mai isi tagata na matamata lelei i le fusuaga lena, e oti pepelo ia Scott i le'i tau lelei ai le tu'i, ae fai le manatu a Scott, "E leai, toe te iloaina le malosi o le taumatau a Wilder, na tauna lelei lava i lou muaulu ou niniva le mea na ma ou pau ai ma ou faalogo atu ua le fetaui lou vaai."
O Deontay Wilder na pine apa memea i le Olimipeka o le 2008 i Beijing lea na sau loa i Amerika amata loa ona fusu faapolofesa. Fai mai isi tagata e faia fusuaga, ua tuai ona fusu ma se tama e iloaga lana tulai iloga poo le fusu ma sa tama e i totonu o le 15 maualuluga.
Ae fai mai le tala a Wilder, "A fai atu foi ua fiu le mea e faataltali tama na ave muamua i ai lou lu'i ae le tali mai lava. O le mea lena e tele ai ou fusuaga i tama lea i e lalo ifo o le Top 15."
E leai se mea tou te popole ai fua i le tausaga a Wilder, o le tuutuaga la e i ai, o le ai e malo mai i le fusi lea na tu'ua e Vitali Klistko o le a na lu'iina loa ma se tagata e siamupini mai ai.
E lelei lena e le mafai lava e le tama siamupini ona alo 'ese mai tulafono, e tatau ona oo atu i le masani e ono ua tatau ona faia sana fusuaga.
LIKI A NIU SILA
I le taaloga a le Waikato Chiefs ma Stormers na vaaia le toe taumafaiga a le Chiefs i lea taaloga, na manumalo ai e 36-20 a le Stormers ina ua maua e i latou sikoa e 5 i le lua a le Stormers.
I le taimi lena na latalata ai 'ai e 22 le Chiefs ae ua maua le 20 a le Stormers, na toe suia ai le malosi a le Chiefs lea na soso'o ai a latou sikoa e lua ae ua toe itiiti uma le taimi.
I lea foi taaloga na vaaia ai le 100 o taaloga a le kapeteni o le Stormers ma Tanerau Latimer a le Chiefs, ina ua maua lea sikoa e le tama o Latimer, sa tuu loa i ai e na te kikiina le polo lea na le manuia.
Ia o lea la o le o nei le Stormers i Ausetalia e taaalo ma le Brumbies ao le isi vaiaso ma le Reds, ia ona sosoo loa lea ma le latou toe foi i Aferika i Saute e taalo ai ma le Waratahs.
Faaliliu: Toleafoa Haserota Auva'a