Tala i Taaloga

UA FAIA NEI IUGA E TAGATA E TATAU ONA FUSU NEI MA MAYWEATHER JR.

 

O lê uma ai o le Super Bowl na ave ai e Floyd Mayweather Jr. lona manaoga i le tagata e fiafia ia te ia, e piki mai e i latou le tagata fusu la te fetuia, poo Khan poo Maidana?

 

Ua ala ona faia faapea le faaiuga a Mayweather Jr. ona e le toe manao e faia e ia ma lana taupulega sana paga e sosoo ai nei, o le tagata o le toalua lea sili nei i le tauvaga o le a fufusu loa i le Me 3 i lana falefusu lea o MGM Grand i Las Vegas.

 

I le tusi na ave nei i le Showtime e uiga i le mea lea ua manoa ai nei le toatele o tagata poo ona 'fans' fai a ia, o le a filifilia mai e tagata e fiafia ia te ia poo ai o le fufusu nei ia Me 3, i le falefusu o le MGM GRAND i Las Vegas, ia Khan po o Maidana.

 

I le faasalalauga lea na fai muamua a Maywethear Jr. na ia taua ai le alii lea e siamupini mai i le IBF welterweight o Devon Alexander o le a la fetaui ai nei ia Me, ae o le a ua toe sui nei, lea ua toe lafo atu i lana 'fans' e aumaia se latou faaiuga e filifili mai e i latou sana paga.

 

Ae o le mea lea e manana'o uma i ai tagata o loo fiafia ia Floyd Jr. e mananao e fai loa se la fusuaga ma le Filipino Pacquiao, ma le tele o tala a tagata i le fai soo ia Floyd Jr. o le a e taumafai lava e faatamalilo i le fusuaga nei ia aua ai nei o le fetaui ma Pacquiao

 

Ua ono nei tausaga o taumafai mai lava le le Filipino e manoa e fusu ma Floyd Jr. ae faatamilomilo lava e le Floyd Jr, ae fai isi o le mea moni lava e musu ai Floyd Jr. e fusu i le la fusuaga lenei, aua ua iloa lelei lava e Floyd Jr. e le sao ai lana fusu i le ituaiga fusu lea.

 

O le tagata lenei o Maidana e manoa e aumai lana fusi o le WBA welterweigth i luga o le laulau pe a la fetaui ma Floyd Jr. lea e pei ona faiaina ai Broner, Josesito Loepez, ia Jesus Soto-Karass ma o le mea lena ua tatau ona tuu se avanoa ia Maidana.

 

Ao le la ua 'oso mai foi le Peratania lea o Khan i le isi ituaiga i ana fusuaga lea na malo ai nei, ae fai mai ia Khan e aua le vaai i le tagata ia faiaina ai nei, pei o Lamont Peterson ma Danny Garcia i le JR Middleweight, ae vaai i le mamafa o tama na fusu ai, ae sa na faafetaui ia lava o le avanoa ua maua ae mamafa ia te ia la 'auvaega lena e la tau te fetaui.

 

O le tuu pea i le 'au fiafia i le fusu a le Floyd Jr. e tuu pea i ai poo ai latou te mananao e fetaui nei ma le siamupini, ae o le mea lea e laualuga lava i le mafaufau o tagata o le fusuaga lea ma le Filipino lea ua leva tele ona solasola solo ma sisio ai le latou tama ae le faataatia se aso e iloa ai poo ai le tama fusu o le lalolagi lenei.

 

O le aso Gafua na taunuu ifo ai le tama o Manny Pacquiao i le malae vaalele i L.A. ma sa tumu atu i ai tagata e fai Nusipepa i le mea na ui mai ai le tama lea, ae sa le mafai ona umi ona talatalanoa i Nusipepa ma sui o TV, leaga ua fia malolo le alii o Pacquiao.

 

O le mea ua sui le alii Filipino lea, e le pei o isi 'au fusuaga e sau i le malae vaalele ma talanoa ai ma le 'au fai-nusipepa ma TV, ae o le sauga lea ua vaai i ai tagata ua tele le suiga a le Filipino.

 

Na fai mai le tama lea o Pacquiao, "O 'au lea e tumau pea lava le vave ma le oso i mea e lelei poo le 'killer instinct' ia te a'u, e fai mai isi ua le toe maua lou 'killer instinst' lena, ae oute fai atu i tagata fia-news o lea e tumau leaga e le oo lava ina maua lelei se taimi e vaai ai lau paga lea, i le taimi e koneti ai."

 

Na gata lava le taimi na fesiligia ai le mafaufauga i le fusuaga muamua ma Bradley i le 2012, na fai o ia, "E pule lava alii faamasino ia, o ai lava ua latou vaai atu ua tele mea e vaaia i ai, e pule lava alii faamasino i le latou vaai. Le galuega e faigata tele, ae maise ituaiga fusuaga faapea."

 

Na fesiligia le alii Filipino i lana faatalatalanoaga ma le TV ma nusipepa, le alii lea ua 35 tausaga lona matua, na fai atu ai nisi o le TV, "Ua seasea lava a matou vaai i le vave na e sau ai, pe aisea ?." ae fai mai le tama o Pacquiao, "Lea o loo tumau pea lava lau faalogologo i lau faalogona, e toatele tagata ua uma nei ona matou fusu, ua iloa lelei e i latou le itu taamilo mai ai, ua lelei lava le taimiina o le fusu a tagata na e masina, o le mea lea ua fai, o le toe faaopoopo atu o isi sa'o ma se tu'i oti i le mea ua masani ai."

 

Na uma loa le faatalatalanoaga lea ma le alii o Keith Olbermann alu sa'o loa e matamata taaloga a le New York Knicks' i le Madison Square Garden i le po lena.

 

O Pacquiao ua (55-5-38KOs) ua tuu nei e faia nei le la fusuaga ma le alii siamupini lea o Bradley nei ia Aperila 13 i le MGM Grand fai mai a ia, "O le mea nei o le fusuaga, e fitifiti le iuga, o le taimi ua e malo ae maise ituaiga fusuaga nei e lelei uma lava tagata e fufusu. A malo faafetai, ae a faiaina ina ona ua pau lava.

 

O Pacquao o loo i le Konekeresi o Filipaina lea na faiaina ia Bradley toe oti ia Juan Manuel Marquez i le isi oni masina ona le toe fusu lava lea toeitiiti atoa le tausaga, na toe fusu loa lea na Brandon Rio lea na malo ai.

 

I le taimi ao ua sauni atu nei i palotaga, o lea ua ia fesoasoani e avea foi lana toalua i le fono a Filipaina i le Konekeresi i le tausaga fou, o lea oute faalogoina lava le toe lua i le tolu tausaga ona ou ritaea lou lea, na ou vaavaai i taimi na ou fusu ai.

 

Faafetai i le Atua o lea e aumai lava e ia le malosi ma mafaufau oute fusu ai i le vaitaimi nei, e toe lua i le tolu tausaga le taimi lea oute fusu ai.

 

Faaliliu: Toleafoa Haserota Auva’a

 

Comment Here