Tala i Taaloga

SWB TAMA TAALO O LE TAUSAGA

 

Ina ua uma le vaiaso o le 'semifinals' lea na taaalo ai Ausetalia ma Fiji e 60-0 Ausetaia i le leai a Fiji, ae fetaui Niu Sila ma Enelagi na malo Niu Sila i le 20 -18 ma o lea le o le a taaalo ai nei Niu Sila ma Ausetalia i le vaiaso lenei i le Siamupini o le Lalolagi, LWRC 2013.

 

O le vaiaso nei lea na sosoo mai ai, na malo ai Sonny Bill Williams (SBW) i le tama taalo o le tausaga 2013.

 

Sa te'i lava SBW i le atu i lona i totonu o le potu ae usu mai le 'haka' ma sisiva mai loa ina ua faalogo i le tala faasalalau ua malo SBW i le tama taalo o lenei tausaga

 

Ua maligi on loimata ua fai lana faafetai i le Atua, i le manaia o lenei tulaga ua na maua, o lea na faapea lona tala, "E leo a'u o le Atua lea e na te aumaia tagata lelei nei e tumu i 'ai uma ou te alu i ai, na o tagata lelei lava e siosiomia ai 'au uma pei ona ou au ai, Fai o le lelei o faiaoga, lelei latou taupulega ao le lelei foi a tama taaalo uma nei e taaalo i soo 'au ua latou manoamia lau fesoasoani, oute ta'uina e a'u ia, o i tatou uma lava nei ua maua ai lenei Ipu o le tama taalo o le tausaga."

 

E lima tausaga na sui mai ai i le lakapi liki i le iuni ae o lea ua toe foi atu nei i le liki, e le suia lava le lelei o le tamao SBW, o lea foi na siamupini ai i le liki a Ausetalia NRL Premiership i le tausaga nei.

 

Ua 28 tausaga a lenei tama o SBW, lea foi na taua mai lona auai foi i le All Blacks e tusa ma le 19 ana taaloga faitaulia (tests), lea foi na sui foi lana 'au i le Super 15 ia Waikato Chiefs lea foi na siamupini ai foi, lea na alu i Japan i lana konekarate e taalo ai ma le lua tausaga, e le'i uma ao na toe aumai e le Sydney Roosters e fai lona 'aao lea na leaga mai i Japan i le lakapi Iuni.

 

Na lelei loa lona 'aao lena i le masina, taalo loa i le Roosters lea na siamupini ai i le 'NRL premiership' ao nei la lea e su'e siamupini ai ma le Australia Old Trafford.

 

MANUMALO PACQUIAO IA RIOS

 

I le fusuaga lea na pisa ai le toatele i le va o Manny Pacquiao a Filipino ma le tama Brandon Rios a Amerika, i Macau i Saina, sa iloa lelei lava le toe fusu mai lava o le siamupini ia i lena po, o Pacquiao o le siamupini moni lava.

 

E le'i tele lava i se pito le fiu o Rios i lena po, i le fusuaga atoa lava e na'o le lua taamilosaga na ave e Rios a o le fusuaga atoa na ave lava i le Filipino o Pacquiao.

 

Na maua lelei lava le toe foi o le fusu a le tama o Pacquiao i lona lelei lea sa masani ai, i le vave toe lelei uma aga i le tele o taimi o le la fusuaga.

 

E lelei le fusu a o le pona ua toe manana'o lona atunuu o Filipaina e toe totogi atu le $50 miliona poo le 2.2 piliona 'pesos' i le tausaga o le 2008-09 i ana tupe na maua mai i na tausaga e lua e maua atu i ripoti a le (Bureau Internal Reveneu) e le'i failaina.

 

O Pacquiao ua faatoa 34 ona tausaga sa totogia uma lafoga (taxes) i Amerika ae o le taimi a e sau ai i Filipaina e le totogia ni ana lafoga i lona atunuu, aua e fai mai lana loia, "E 'ese lava le lafoga a Amerika e 'ese foi le lafoga a Filipaina latou ia, soo se sea e te alu i ai, e i ai lava lona lafoga e totogi ai. Leaga o le lafoga lea e lavea uma ai au mea na aumai mai i totonu o Filipaina, tusa pe teu au tupe i Amerika a o mea na aumai i totonu o Filipaina o le mea na e fai atu ai, i le fealua'i i le tausaga na e lua o le 2008-'09 e leai lava se mea na totogia e Pacquiao." o le tala lea a le Komesina o lafoga o Kim Henares.

 

E tusa e 'ese'ese lafoga a Amerika ma Filipaina o Amerika e 30 pasene a o Filipaina e 32 pasene.

 

UA FOLAFOLA MAI E LE TAMA O TONY BELLEW LONA MALO NANEI

 

Ua folafolaina nei e le tama fusu lea o Tony Bellew i le siamupini o Adonis Stevenson o Canada lea i ai le fusi o le WBC o le paga o le 'light weight' o le a vaai lelei i ai Adonis i le mea e oo ai nanei.

 

"Ua ou mautinoa lava le fusuaga lea ma Adonis, ua mautinoa ai lona lava malo, ua leva ona ou sikakiina le fusu a le agavale lea o Adonis, ma ua ou iloa lelei le itu alaga fusu e mate fetaui ai ma le meauli lea a nanei." o le tala lea a Tony Bellew.

 

Ua faatoa atoa nei le 31 a le Enelani lea o Tony ae ua atoa le 36 a le siamupini lea o Adonis Stevenson, ma o ia o se tama na fanau i Haiti na sau i Canada ao faatoa 6 tausaga o lona soifuaga, ma loka i le falepuipui i lona 16.

 

A iina la na amata loa ona fiafia i lea taleni o le faipeleega, o lea na alu i le 'au fusu a Canada lea na na mauaina ai le pine siliva i le taaloga o le taupulega (Commonwealth Games.) ia ma isi lava pine i isi taaloga i le vaitaimi lea e le'i faapolofesa (amateur).

 

Ma o ia ua 22-1 i le 19 KOs, na o le tama o Darnell Boone 19-21-3 lea e vaavaai i ai le alii Peretania lea o Tony Bellew lea ua 20-1 12KOs, o ia foi na faiaina i le la fusuaga ma le 'Welshman' e igoa ia Nathan Cleverly i le lua tausaga ua te'a, na malo ai Nathan i le taimi lena faatoa 4-0-1 le rekoki a Nathan i lena vaitaimi.

 

O le fusuaga foi laina o le fus ai le Russia lea o Sergey Kovalev ma o ia ua 22-0-1 20KOs ma le tama o Ukraine i le po lava lena e tasi ma le Sillakh e 21-1- 17KOs i le fusi o le WBO, ina ua faiaina ai le tama lea na faiaina ai Tony Bellew i le Russia lea o Sergey Kovalev.

 

UA VAAIA LE MANAIA O LE PUERTO RICO LEA O FELIX VERDERO

 

O le manaia ia o le fusu a le tama lea e sau mai i Puerto Rico o Felix Verdejo, i le vaai ai a tagata na maimoaina le fusuaga i le vave, lelei le vaai, toe tele ana mea tau i tagata fusu ua matuai lelei ai lava.

 

Ua faatoa 20 tausaga o le tama o Felix ma ua toe faia le mea e fiafia lana tama e faatupeina uma ona fusuaga (promoter) o Bob Arum, na faiaina le tama o Felix i le la fusuaga i le Pine Auro i taaloga o le Lalolagi 2012 i Lonetona, ia Vasly Lomachenko o Ukraine ua lua ana Pine Auro iina.

 

O le tama lea o Vasly Lomashenko e le se tamai tagata i lea lava mea o fusuaga, ua pau lea o se tagata 396-1 fusuaga 'faa-amatuer' ao o le tama lea o Felix Verdejo lea ua atoa ai nei le ono a ana fusuaga i le po lea i Macau i Saina, le po lea na fetaui ai Pacquiao ma Rios.

 

"E taua ia te a'u ona fusu pea i soo se atunuu, e lelei ai foi le masaniga ma isi tagatanu'u e maua ai le fiafia ia te oe i ou uiga ma lou amio tausaafia i soo se mea e alu i ai."

 

"O le taimi lenei o le tagata ua toe itiiti ona matua lea ma lelei lona mafaufau ma lona tino, tuu loa i ai ma lona lelei, ona faigata ava lea ona faia i ai se fuafuaga a si tasi tagata fusu." o le tala lea a Goodman, "O le taimi lenei ua mafaufau uma le 'au 135 pauna ma le 'au vaega e 140 pauna, i le masau o le alu i luma o le fusu o lenei tama Puerto Rico, o Felix Verdero."

 

Faaliliu: Toleafoa Haserota Auva’a

 

Comment Here