Tala i Taaloga

NA AMATA NEI ONA ALU IPU LALOLAGI E OO LAVA ENELAGI

 

O le kapeteni o le All Blacks o Richie McCaw lea na tuuina le Ipu o le Lalolagi ia Bernard Lapasset le Taitai-fono o le Ipu o le Lalolagi Limited i le aveina o le Ipu o le Lalolagi le mea e fai ai taaloga o le (World Cup)  lea o le fai ai o Enelagi i le 2015, i Dublin i le 'aai o Irelani le nofoaga o le Ofisa o le IRB.

 

I le toe lua tausaga loa tausaga e amata ai le taaloga o le Ipu o le Lalolagi i le nofoaga lea ua faamautuina e faia ai le taaloga lakapi, ona amata loa lea ua taamilo le Ipu i atunuu uma na manumalo i le Ipu, e i ai Niu Sila, Ausetalia, Enelani ma Aferika i Saute.

 

Ia o le tausaga lea ua te'a na faataamilo ai le Ipu lenei i Niu Sila faatasi ai ma le Ipu a le Fitu, a tama ma teine, ma le Ipu o le 15 a teine o le lalolagi lea na malo uma ai Niu Sila i le tausaga ia.

 

Na amata mai i le lalo i le matu i Saute i Iuni uma lava lea e i ai i totonu o Niu Sila i lea vaiaso ma lea vaiaso i lea Iuni e oo lava i Aukilani toe ititi atoa le lua masina o faatafao lava ia Ipu o le lakapi i Iuni uma lava.

 

Ua faaigoaina lenei Ipu o le lalolagi o le 'Webb Ellis Cup' e faamanatuina ia Williams Webb Ellis lea na faapea na amataina le lakapi i le 1823, ina ua ia sapoina le polo soka na tamoe loa ma ia lea loa na amata ai loa le isi taaloga fou lea ua taua o le 'Rugby' e faamanatu ai le igoa William Webb Ellis.

 

Na amata loa ona olaola le taaloga lenei o le Lakapi, ia o le tausaga e 1871 na faia ai le taaloga faava-o-malo i le vai Enelani ma Sikotilani, i le lima tausaga na soso'o ai na amata ai loa ona o mai Ausetalia ma Niu Sila i le lakapi i le 1888-'89.

 

UA MANATU IA BOB ARUM E SILI ATU MACAU I LOO LAS VEGAS

 

I le fusuaga lea o le faia a nanei i le va o Manny Pacquaio ma Brandon Rios i le Saina i Macau i le fusuaga na fai mai nisi tagata e lelei lava ana leai ai Rios e le tumu atu ai tagata e fiafia ia Rios, ae faaleai nisi e toe fiafia ia Pacquiao.

 

Ae uma nei le vaiaso lea ua tele atu tagata e fiafia lava ia Pacquiao i le taimi muamua e ui ina taui mai le iuga o le pay-per-view ae ua iloa nei le toatele lava tagata e fiafia ia Pacquiao ma le isi e toetele lava foi tagata e fiafia ia Rios.

 

Ua lua nei fusuaga na faia e Macau o le mea e lelei ai e leai ni 'taxes' i totogia i Saini, lea ua iloa nei fai mai Pacquiao e le toe fia fusu i Las Vegas ona o le tele o latou tupe e totogia e tagata fusu (taxes).

 

Ina ua uma le Taaloga o le Lalolagi i le 2012 na te'i lava ua fai mai o le telefoni atu i Saina le tagata e uiga i le manatu o le a fusu nei faapolofesa latou tama fusu, ina ua manuia mai i taaloga o le lalolagi o Lou Shimings le pulea le kalapu lena e i ai Lou

 

O FEA O I AI NEI TAMA O LE NFL

 

O fea o i ai nei tama o le NFL e pei o le Harold Jackson lea na ritaea ae ua ova atu lana iata i le 10,000 iata i le taimi lea na taalo ai mo le 16 tausaga o taalo. "Na leai sou iloa oute fia alu i le NFL talu ai lou tino laiitiiti e 149 pauna ae 5' 10", e leai lava sau manatu oute fia alu i le NFL, ae sa i ai lou manaoga i le fia naunau lava i le lelei lea na ou iloaina oute mafaia, tusa pe laitiiti lou tino e i ai lava lau manatu e faifai i te'i lava ua mana'o se Kolisi ia te 'au."

 

Na maua mai lava avanoa e sikolasipi ai i Jackson State, na ou maua lau avanoa ua ou oo i le Juniors na iloa ai loa iina e mafai lava le NFL, i le manaia o lou taalo i le kolisi lena o Jackson State na piki 'au e le Rams i le tausaga e 1968.

 

I le tausaga lava lena na au ai le latou 'au o le Rams i le pau ma nofo poo le (play off) na latou taalo ai Chicago Bears, ae o le faiaoga George Allen e le fiafia i le tama fou, "E talitonu lava ia i tama tuai, tusa poo o le a le lelei o se 'rookie' e fai mai ia e i ai lava le taimi e sese ai le mafaufau o le tama fou 'rookie'." E maua ifo le iuga a le taaloga e faiaina latou i le 17-16.

 

Na uma loa le tausaga lena maua mai lana telefoni i le Ofisa o le Rams o le a ave nei 'au i le Philadelphia Eagles, lea la na ou alu atu loa taalo loa i le isi tausaga na sosoo ai na ou lava i le Pro Bowls.

 

UA TOFIA NEI LE 'AU A NIU SILA I LE 7 I DUBAI

 

Ua uma nei ona piki mai le 'au a Niu Sila i le fitu lea e fai i Dubai i le aso 29-30 o Novema ma o tama lava na e taalo i le Aferika i Saute i le Port Elizabeth i le aso 7-8 o Tesema. Ua toe sau foi le tama o Gillies Kaka o ia lea na ia mauaina le 'Tama taalo o le Ipu o le Lalolagi i Russia.

 

"O le tama o Kaka na mafua ona le toe alu nei i le fitu ona sa afaina lona 'aao i taaloga a le ITM lea na faasolo i totonu o Niu Sila, faatasi ai ma le Bryce Heem o si tasi foi o tama ua leva ona taalo i le fitu iama le alii o Sherwin Stowers lea foi na afaina lona 'aao i le fitu na fai i Ausetalla." o le tala lea o Tietjens.

 

O le pulu i le fitu lea (pool A), Niu Sila, Kenya, Farani, Portugal, (Pool B), Ausetalia, Uelese, Sikotilani, Spain, (Pool C) Enelani, Fiji, Canada, USA, (Pool D) Aferika i Saute, Samoa, Argentina, Russia.

 

O le 'au a Niu Sila i le fitu lea i Dubai atoa ai Port Elizabeth o Tomasi Cama, Scott Curry, Ambrose Curtis, Sam Dickson, DJ Forbes (Captain), Bryce Heem, Gillies Kaka, Tim Mikkelson, David Raikuna, Sherwin Stowers, Joe Webber.

 

UA TOE FA NEI 'AU O LE KALAPI LIKI O TOTOE NEI

 

O 'au a nei na peti uma tagata e taufaoina le siamupini o le liki i lenei Ipu o le lalolagi, o Niu Sila, Ausetalia ma Enelani ae lea ua soso atu i ai ma Fiti i fa mulimuli lena. O 'au a ia e fa e mulimuli lava i ai le tele o tagata e fiafia i lea ituaiga lakapi, sa peti nisi e lavea ai ma Aferika i Saute, ae o lea ua sau ai Fiji ina ua malo i le Toa o Samoa e 22-4.

 

Le 'au lea e foliga mai e te'i a ua faaletonu ai Niu Sila o Enelagi lea latou te taalo nei i le 'semifinal' muamua ona sosoo ai lea ma le semifinal lona lua e taalo ai Ausetalia ma Fiji.

 

Ua taua mai le faamoemoega tele lea ua taua mai Enelagi ma le latou faiaoga, "O Niu Sila e lei faapea lava ua malo i se 'au latou te taaalo i se taaloga e i lalo mai a latou 'ai i le 40, e tau mai ai iina, o le mea lea e sau ai Niu Sila e manao ina ia latou o ma le Ipu o le Lalolagi i le tausaga foi lenei.".

Comment Here